चीनको चाहना : एमाले र माओवादी एक भएर कम्युनिष्ट आन्दोलन अघि बढाउन्

काठमाडौँ । नेपालस्थित चिनियाँ राजदूत होउ यान्छीले यहाँका दुई ठूला कम्युनिष्ट पार्टीहरु एमाले र माओवादी केन्द्रले एक भएर कम्युनिष्ट आन्दोलनलाई अगाडि बढाउन् भन्ने चाहेको बताएकी छन् । राजदूत होउले चिनियाँ कम्युनिष्ट पार्टी (सीपीसी)को १०० वर्ष पुगेको अवसरमा नेपाली नेताहरुको विचारसहितको किताबको भर्चुअल विमोचनका दौरान मंगलबार यस्तो धारणा राखेकी हुन् ।

‘मैले देखेको छु कि एमालेले भर्खरै आफ्नो प्रथम विधान अधिवेशन सफलतापूर्वक सम्पन्न गरेको छ र पार्टी निर्माणलाई सुदृढ पार्न नयाँ निर्णयहरु गरेको छ । माओवादीले पार्टीको नेतृत्व सुदृढ पार्न र पार्टीको संगठन सुधारमा केन्द्रित धेरै बैठकहरु पनि गरेको छ,’ राजदूत होउले सम्बोधनको क्रममा भनेकी छन् ।

राजदूत होउले ती क्रियाकलापहरुले दुई पार्टीहरुद्वारा पार्टी निर्माणसँग सम्बन्धी कामलाई महत्व दिएको देखाएको बताइन् । ‘म चाहन्छु कि एमाले र माओवादी आफ्नो मौलिक आकांक्षामा साँचो रहन र आफ्नो मिसन दृढतासँग राख्नको लागि संयुक्त रूपमा कम्युनिष्ट आन्दोलनलाई अगाडि बढाउन सक्छ,’ उनले भनेकी छन् ।

भर्चुअल कार्यक्रममा एमालेका तर्फबाट पूर्वपरराष्ट्र मन्त्री प्रदीपकुमार ज्ञवाली र माओवादीका तर्फबाट पूर्वमन्त्री शक्ति बस्नेत थिए । चीनकै ‘सहजीकरण’ मा चार वर्षअघि एमाले र माओवादीबीच चुनावी गठबन्धन हुँदै पार्टी एकतासम्म पुगेको समाचार आएका थिए ।

तर पार्टीको आन्तरिक द्वन्द्व र निर्वाचन आयोगमा रहेको अर्को नामसँग जुधेपछि सर्वोच्च अदालतले एकीकृत प्रक्रियालाई अवैध भन्दै नयाँ रुपमा एकीकरण अघि बढाउन आदेश दिएको थियो । आन्तरिक विवाद चरम उत्कर्षमा पुगेको समयमा आएको अदालतको फैसलाले एमाले र माओवादीको फरक दलको रुपमा रहँदैआएका छन् ।

अध्यक्ष केपी शर्मा ओलीसँगको विवादको कारण एमालेका वरिष्ठ नेता तथा पूर्व प्रधानमन्त्री माधवकुमार नेपाल नयाँ राजनीतिक दल नेकपा एकीकृत समाजवादी खोलेका छन् ।

‘नेपाल डायलग फोरम’ ले आयोजना गरेको उक्त कार्यक्रममा चिनियाँ राजदूत होउले फेरि एक पटक मिलेका दुई कम्युनिष्ट पार्टीलाई मिलेर कम्युनिष्ट आन्दोलनसँग मिलेर लानको लागि गरेको आह्वानले चीन नेपालमा नेकपा पार्टी फुटेको हेर्न नचाहेको फेरि प्रष्ट पारेको छ ।

राजदूत होउले नेपालले र माओवादीसँगै नेपालका अन्य राजनीतिक दलहरुसँग पनि सहकार्य गरेर अघि बढ्नेमा जोड दिएकी थिइन् । तर उनले एमाले र माओवादी बाहेक अन्य पार्टीको नाम भने लिइनन् ।

राजदूत होउले देश–देश, जनता–जनता र दल–दलसँग चीनले सम्बन्ध अघि बढाउन चाहेको पनि उल्लेख गरिन् । उनले सीपीसीको विधान चलेको र भ्रष्ट्राचारमा शून्य शहनसिलताको नीति अपनाएको बताइन् ।

उक्त कार्यक्रममा एमाले सचिवसमेत रहेका ज्ञवालीले छोटो समयमै मित्रराष्ट्र चीनले हासिल गरेको समृद्धि कम्युनिष्ट पार्टीको लागि परीक्षा भएको उल्लेख गरेका थिए । माओवादीका नेता बस्नेतले कार्यक्रममा आफूले किताबमाथि नै विचार राखेका थिए । उनले एक सय वर्षमा चीनले हासिल गरेको सफलताको विषयमा चर्चा गरेका थिए । उक्त किताबमा एमाले अध्यक्ष केपी ओली, माओवादी अध्यक्ष पुष्पकमल दाहाल, नेकपा एकीकृत समाजवादीका अध्यक्ष माधवकुमार नेपालले सीपीसी एक सय वर्ष पुगेको विषयमा टिप्पणी गरेका छन् ।

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…