कक्षा १२ को उत्तरपुस्तिका परीक्षणमा ‘सेटिङ’ – ‘कार्यालयबाट कमजोरी भए, पुनः परीक्षण

विराटनगर । राष्ट्रिय परीक्षा बोर्ड प्रदेश कार्यालय विराटनगरमा कक्षा १२ को उत्तरपुस्तिका जाँच गर्दा मिलेमतो गरेको खुलेपछि विवाद भएको छ ।

बोर्डले उत्तरपुस्तिका जाँच गर्दा सम्बन्धित स्कुलका शिक्षकलाई नदिने नियम बनाएको छ । तर निजी विद्यालयका शिक्षकलाई आफ्नै स्कुलका विद्यार्थीको कपी जाँच गर्न दिएपछि विवाद भएको हो ।

राष्ट्रिय परीक्षा बोर्ड स्रोतका अनुसार विराटनगरको मेरील्याण्ड, शिक्षादीप र अरनिको उच्च माध्यमिक विद्यालयका विद्यार्थीको उत्तरपुस्तिका जाँचमा ‘सेटिङ’ भएको छ । शुक्रबार मेरील्याण्डका शिक्षकले आफ्नै स्कुलको कपी जाँच गरिरहेको फेला परेपछि घटना बाहिर आएको हो ।

परीक्षा बोर्ड विराटनगर स्रोतका अनुसार कार्यालय प्रमुख डम्बरकुमार बतासको मिलोमतोमा सम्बन्धित स्कुलका शिक्षकलाई उत्तरपुस्तिका जिम्मा लगाइएको थियो । बोर्डले अधिकृत समिता राईलाई उत्तरपुस्तिका जाँचको जिम्मा दिएको छ । शुक्रबार राई जाँच केन्द्रबाट बाहिर गएका बेला मेरिल्याण्डका शिक्षकलाई सोही कलेजका विद्यार्थीको उत्तरपुस्तिका परीक्षण गर्न दिइएको थियो । ती शिक्षकले पाएको मध्ये आधा कपी जाँचिसकेपछि सेटिङको रहस्य बाहिर आएको हो ।

कार्यालयबाटै कमजोरी भएको छ : राई

अधिकृत राईले आफू खाना खान गएका बेला जानकारी नदिई उत्तरपुस्तिका जिम्मा लगाइएको बताइन् । जाँच केन्द्रमा बढी कपी गएको देखिएपछि आफूले कपी खोसेर जाँच गरेको उनले बताइन् ।

‘म खाना खान गएकी थिएँ,’ राईले भनिन्, ‘आएर हेर्दा मलाई जानकारी नदिई उत्तरपुस्तिका जिम्मा लगाइएको रहेछ ।’ उत्तरपुस्तिका जाँचमा बदनियत राखेको देखिएपछि विषय विज्ञबाट कपी पुनः जाच गर्ने तयारी भएको उनले बताए ।

शिक्षादीप र अरनिकोको कपी पनि सोही स्कुलमा अध्यापन गराउने शिक्षकलाई दिनेगरी लिष्ट तयार भएपनि विवाद भएपछि रोकिएको थियो ।

‘उत्तरपुस्तिका जाँच केन्द्रमा म खटिएको थिएँ तर मलाई जानकारी नदिई उत्तरपुस्तिका जिम्मा लगाइएको रहेछ,’ उनले भनिन्, ‘कार्यालयबाटै कमजोरी भएको छ ।’

असोज १६ गतेबाट सुरु भएको कपीजाँच विवाद बढेपछि दशैंपछि गर्ने भन्दै असोज २३ गतेबाट स्थगित गरिएको छ ।

कपी जाँचमा खटिएका एक शिक्षकका अनुसार कार्यालय प्रमुख डम्बरकुमार बतासले उत्तरपुस्तिका जिम्मा लगाउन भूमिका खेलेका थिए । घटना बाहिरिएपछि बतास कार्यालयमा आएका छैनन् । घटनाको विषयमा बुझ्नका लागि पटक-पटक सम्पर्क गर्दा उनले फोन उठाएनन् ।

प्रहरी सुरक्षामा रहेको कपी जाँच केन्द्रमा बाहिरका मानिसलाई प्रवेश निषेध छ । आन्तरिक रुपमा छानविन गरिरहेको बताउँदै राईले कार्यालयबाटै कमजोरी भएको बताइन् ।

परीक्षा बोर्डका सूचना अधिकारी भन्छन्– विषय विज्ञबाट पुनः परीक्षण हुन्छ

राष्ट्रिय परीक्षा बोर्ड विराटनगरका सूचना अधिकारी दया राईका अनुसार कार्यालय प्रमुख डम्बरकुमार बतासले कपी दिएको गुनासो बाहिरबाट आएको छ । आफ्नै विद्यार्थीको कपी काटेको पाइएपछि शिक्षकबाट कपी खोसिएको उनले बताए ।

‘कार्यालबाट कमजोरी भएको छ,’ उनले भने, ‘तर विद्यार्थीलाई भिक्टिम बनाउने कुरा आउँदैन, विषय विज्ञबाट पुनः परीक्षण हुन्छ ।’ घटनाको विषयमा केन्द्रमा पनि जानकारी गराइएको उनले बताए ।

यता मेरील्याण्ड कलेजका सञ्चालक मध्येका एक भेषराज पोखरेल उत्तरपुस्तिका जाँच गर्दाको विषयका बारेमा जानकारी नभएको बताए । कपी जाँच गर्ने विषय बोर्डको आन्तरिक व्यवस्थापनमा रहने बताउँदै उनले कमजोरी भए सच्याउनु पर्ने बताए । विद्यार्थीलाई मर्कामा पार्न नहुने उनको भनाइ छ ।

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…