एक वर्षभित्र भान्साबाट डलर साटेर आईसीले खरिद गरेको ग्यास विस्थापित गरौँ : ऊर्जा मन्त्री भुसाल

ललितपुर । ऊर्जा, जलस्रोत तथा सिँचाइ मन्त्री पम्फा भुसालले आउँदाे एक वर्षभित्र सबैखाले घरेलु उपकरण विद्युतबाट चलाउने गरेर संरचना निर्माण गर्न अपिल गर्नुभएको छ । उहाँले भन्नुभयो, ‘एक वर्षभित्र एलपी ग्यास नै नराख्ने गरेर संरचना बनाऔँ, विद्युतीय चुल्हो प्रयोग गरौँ । डलर साटेर आईसीले खरिद गरेको ग्यास विस्थापित गरौँ ।’

लोडशेडिङका समयमा सबैभन्दा कम विद्युत् खपत गर्ने संरचना निर्माण गरिएको उल्लेख गर्दै मन्त्री भुसालले अगाडि भन्नुभयो, ‘बत्तीमात्र बाल्नका लागि बनाइएका संरचनामा सबैखाले उपकरण विद्युतबाट चलाउन नसक्ने अवस्था पनि हुन सक्छन् । अब विद्युतकाे चुल्हो बाल्ने गरी संरचना निर्माण गर्दै जाऔँ, आफ्नै देशको जलविद्युतकाे अधिकतम प्रयोग गरौँ ।’

सामाजिक एवम् आर्थिक रूपान्तरणको आधार भनेको ऊर्जा, सडक र खानेपानीको उपलब्धताबाट हुने बताउँदै उहाँले सबै खाले ऊर्जाका स्रोतलाई विस्थापित गरेर जलविद्युतकाे प्रयोगतर्फ अगाडि बढ्नुपर्ने समय आएको बताउनुभयो ।

आउँदा दिनमा यातायात र उद्योगीले मागेजति विद्युत् उपलब्ध गराइने विश्वास दिलाउँदै उहाँले सबै ठाउँमा ऊर्जाका रूपमा जलविद्युतकाे प्रयोग गर्न आग्रह गर्नुभयो । स्वदेशी विद्युत् खपतलाई बढवा दिने उद्देश्यले आफूले मन्त्रालय सम्हालेपछि महसुल दरमा कमी गरेको उल्लेख गर्दै मन्त्री भुसालले भन्नुभयो, ‘खास गरेर घरायसी प्रयोजनमा त्यस्तो निर्णय भएको छ । अब एलपी ग्यासको भन्दा विद्युतीय चुल्हो सस्तो हुन्छ ।’

ललितपुरको महालक्ष्मी उद्योग वाणिज्य सङ्घले विजया दशमी, दीपावली, नेपाल संवत् ११४२ तथा छठ पर्वका उपलक्ष्यमा आज आइतवार आयोजना गरेको शुभकामना आदानप्रदान कार्यक्रमको उद्घाटन गर्दै मन्त्री भुसालले गरिबीको रेखामुनि रहेका नेपाली नागरिकलाई निःशुल्क विद्युत् उपलब्ध गराउने निर्णय गरेको जानकारी गराउनुभयो । आफ्नो निर्णयले ग्रामीण नागरिकका लागि महत्त्वपूर्ण योगदान पुग्ने विश्वास उहाँको थियो ।

कृषि क्षेत्र देशको आर्थिक आधार भएको उल्लेख गर्दै मन्त्री भुसालले खेतीयोग्य जमिनमा सिँचाइ पुर्‍याउने र त्यसका लागि आवश्यक पर्ने विद्युतमा सहुलियत दिने नीतिलाई आफूले बढवा दिएको स्पष्ट पार्नुभयो ।

महालक्ष्मी नगर कपडा उद्योगले परिचित क्षेत्र भएको उल्लेख गर्दै उहाँले यस क्षेत्रमा टेक्स्टाइल उद्योगका रूपमा विकास गर्न आग्रह गर्नुभयो । उहाँले त्यसका लागि आफूले नीतिगत तहबाट सक्दो सहयोग गर्ने विश्वास दिलाउनुभयो । चाडपर्वले कर्तव्यबोध गराउने उल्लेख गर्दै मन्त्री भुसालले परिवारिक सम्बन्धमात्र होइन घर, समाज र देशप्रति एकताबद्ध बनाउन सहयोग गर्ने विश्वास व्यक्त गर्नुभयो ।

त्यस अवसरमा स्थानीय जनप्रतिनिधि एवम् सामाजिक नेतृत्वले नजिकिँदै गरेको चाडपर्वका अवसरमा शुभकामना व्यक्त गरेका थिए । उद्योग वाणिज्य सङ्घका अध्यक्ष सञ्जय नारायण श्रेष्ठले नगरभित्रको अव्यवस्थित विद्युतीय पोलको व्यवस्थापन र विद्युतीय संरचना सुधारमा सहयोग गर्न आग्रह गर्नुभएको थियो ।

 

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…