बदलिँदो जीवनशैली : बेलायतमा एकजना युवती ३३ वर्षको उमेरमै हजुरआमा बनिन्

अहिले बदलिँदो जीवनशैली तथा करिअरमा ध्यान दिने मानिसहरुको प्रवृत्तिका कारण धेरैले ढिलो बिहे गर्दछन् । अधिकांश मानिसको त ३० वर्षको आसपासमा मात्र बिहे हुन्छ । तर बेलायतमा एकजना युवती चाहिं ३३ वर्षको उमेरमै हजुरआमा बनेकी छिन् ।

बेलायतकी जेनी मेडलम तथा उनका पति रिचार्ड हालै हजुरआमा र हजुरबा बनेका छन् । जेनीको उमेर ३३ वर्षको छ भने रिचार्ड ३४ वर्षका भए । उनीहरूकी १६ वर्षकी छोरीले गत जून महिनामा बच्चा जन्माएकी हुन् ।

३३ वर्षकै उमेरमा हजुरआमा बनेकी जेनीले सोसल मिडियामा निकै चर्चा कमाएकी छिन् । कतिपयले उनको ट्रोल पनि गरिरहेका छन् ।जेनीले आफ्नी नातिनी इस्लासँगको तस्वीर सोसल मिडियामा शेयर गरेसँगै उक्त दम्पतीलाई बेलायतकै सबैभन्दा युवा हजुरबा हजुरआमा भनिएको छ ।

सानै उमेरमा नातिनी देख्न पाउँदा उनीहरु निकै खुसी छिन् । द सनमा प्रकाशित समाचार अनुसार जेनी पनि १७ वर्षको उमेरमै आमा बनेकी छिन् । छोरी चार्माइनले त जेनीलाई पनि पछाडि पारिन् र १६ वर्षमै बच्चा पाइन् ।

छोरी गर्भवती भएको थाहा पाएपछि आफूले सम्झाइबुझाइ गरेर निकै सहयोग गरेको उनी बताउँछिन् । आफुले १७ वर्षको उमेरमै बच्चा जन्माउनुका साथै व्यवसाय पनि सुरु गरेको जेनीको भनाइ छ ।

जेनीले ३३ वर्षकै उमेरमा नातिनी खेलाउन पाएकी छिन् । तर जब उनले नातिनीसँगको फोटो शेयर गर्छिन् मानिसहरुलाई त्यो पत्याउनै गाह्रो पर्दछ । धेरैले उनलाई आमाछोरी भन्दछन् ।

३३ वर्षकी जेनी तीन छोरीकी आमा हुन् । बच्चा जन्माइसकेकी जेठी छोरी चार्माइन १६ वर्षकी भइन् भने माइली छोरी चेल्सी १३ वर्ष र कान्छी स्कार्लेट १० वर्षकी भइन् । एजेन्सी

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…