खाना खान नदिएपछि भोकाएका फोटोग्राफरले बिहेको सबै फोटो डिलेट गरे!

एकजना फोटोग्राफर बिहे समारोहमा फोटोसुटका लागि गएको थिए। तर त्यहाँ यस्तो घटनाक्रम बिनदियो फोटोग्राफरले बिहेको सबै फोटो बेहुलाकै अगाडि डिलेट गरिदिए।

बेहुलाले देखाएको धुर्त व्यवहारका कारण रिसको झोँकमा आएर फोटोग्राफरले बिहे समारोहका सबै तस्वीर ठाउँकाठाउँ डिलिट गरिदिए र घरतिर लागे।

टाइम्स नाउ न्युजका अनुसार ती फोटोग्राफरले सोसल मिडिया साइट रेडिटमा यो घटना र आफूले त्यस्तो कदम उठाउनुपर्नाको कारणबारे लेखेका छन्।

घण्टौं लगाएर भोकभोकै काम गर्दासमेत खाना खान नदिएपछि उनी रिसाएका हुन्। उनले खाना खानलाई २० मिनेट समय माग्दा बेहुलाले फोटो खिच्ने काम जारी राख्नू नभए पैसा नदिए बताएका थिए। त्यसपछि फोटोग्राफरले पनि आफूले खिचेका सबै तस्बिर तथा भिडियोहरु डिलिट गरिदिए।

वास्तवमा ती व्यक्ति पेशेवर फोटोग्राफर थिएनन्। उनले कुकुरको हेरचाह गर्ने काम गर्छन्। साथीले निकै कर गरेपछि उनी साथीको बिहेमा फोटो खिचिदिन गएका थिए। २५० डलर रकम ज्यालामा बिहेको फोटो खिच्ने कामका लागि उनीसँग सम्झौता भएको रहेछ।

त्यसअनुसार बिहेको दिन बिहान ११ बजेदेखि उनको काम सुरु भयो जुन रातको ८ बजेसम्म चल्नेवाला थियो त्यसबीचमा बेलुकी पाँच बजेतिर पाहुनाहरूले खाना खान थाले। तर फोटोग्राफरका लागि भने खानाको बन्दोबस्त नै थिएन। उनलाई खाना नखाइकनै लगातार फोटो खिचिरहन भनियो।

भोको पेटमा दिनभर काम गरिरहँदा थाकेर गलेपछि उनले आराम तथा खानपिनका लागि २० मिनेटको समय दिन बेहुलासँग आग्रह गरे। तर उनको आफ्नै साथीसमेत रहेका ती बेहुलाले भने लगातार फोटो नखिचेमा सम्झौता बमोजिको अढाइ सय डलर रकम नदिने भन्दै खाना खाने समय नदिने जवाफ दिए।

भोक, थकान र गर्मीका कारण लखतरान परेका फोटोग्राफर बेहुलाको जवाफले आगो भए। उनले तत्कालै बेहुलाका अगाडि क्यामेराका सबै तस्वीर डिलिट गरिदिए। बेहुलाले दुई शब्द बोल्न नपाउँदै फोटोग्राफर त्यहाँबाट हिँडिहाले।

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…