माधव, झलनाथ र वामदेव विनाको एमाले महाधिवेशन, ६ हजार बढी नेता कार्यकर्ता सहभागी हुने

नेकपा एमालेको पहिलो विधान महाधिवेशन आजबाट सुरु हुँदैछ । देशैभरका ६ हजार भन्दाबढी नेता कार्यकर्ता सहभागी हुने उक्त महाधिवेशनको अध्यक्ष केपी शर्मा ओलीले सवा १२ बजे उद्घाटन गर्दैछन् ।

महाधिवेशनमा भाग लिन सम्मेलनस्थलमा नेता कार्यकर्ता पुग्न थालिसकेका छन् । तर, एमालेको इतिहासमा पहिलो पटक हुन लागेको यो विधान महाधिवेशनमा एमाले बनाउने मध्येका र लामो समय एमालेकै नेतृत्व गरेका नेताहरु भने उपस्थित हुने छैनन् ।

लामो समय एमालेको नेतृत्व गरेका माधव कुमार नेपाल, झलनाथ खनाल, वामदेव गौतम र मुकुन्द न्यौपाने लगायतका नेताहरु अलग पार्टीमा पुगेकाले उनीहरु अनुपस्थित हुने भएका हुन् । एमाले निर्माणमा महत्वपुर्ण योगदान दिएका नेपाल, खनाल र न्यौपाने विनै हुन लागेको यो महाधिवेशनले एमालेले आफ्नो ४ वर्षे नीति निर्धारण गर्दैछ ।

महाधिवेशनमा एमाले अध्यक्ष ओलीले राजनीतिक प्रतिवेदन, महासचिव ईश्वर पोखरेलले सांगठनिक र उपमहासचिव विष्णु पौडेलले विधान संशोधनसम्बन्धी दस्तावेज पेश गर्दैछन् ।

एमाले आफ्नो नीति तय गर्न सम्मेलनको आयोजना गरेपनि कस्तो नीति बनाउने भन्नेमा खासै बहस भएको पाइँदैन । यसअघि नेतृत्व र नीति एउटै महाधिवेशनबाट चयन गर्दै आएको एमालेले नेतृत्व चयन गर्ने महाधिवेशनमा नीतिका बारेमा समेत छलफल गर्ने गर्दा नीति ओझेलमा पर्ने गरेको भन्दै नेतृत्व चयन गर्ने महाधिवेशनअघि नै विधान महाधिवेशन बोलाएको हो । तर, नीतिकै लागि बोलाएको महाधिवेशनमा समेत नेताहरुले नीतिका बारेमा खुला छलफल गर्न नपाउने अवस्था छ ।

किनभने महाधिवेशनमा पेश हुने प्रस्तावहरूमा समूहगत छलफल गर्नेगरी व्यवस्थापन गरिएको छ । यसले गर्दा पनि सहभागीहरुले आफ्ना धारणा पर्याप्त राख्न असम्भव हुने एक नेताले जानकारी दिए । ‘विचारको बहसका लागि आयोजना भएको यो महाधिवेशनमा सहभागीहरुलाई समयको अभाव हुने नै छ । त्यसमाथि यतिधेरै मानिस सहभागी हुने भेलामा छलफलको विषय कर्मकाण्डीबाहेक केही हुने देखिँदैन,’सुदूरपश्चिमबाट आएका एक प्रतिनिधिले रातोपाटीसँग भने ।

उनले महाधिवेशनले विचार र नीति तय गर्ने भनिएपनि फरक विचारलाई कसरी समेटिन्छ भन्ने महत्वपुर्ण विषय भएको भन्दै फरक विचारलाई पार्टीमा दस्तावेजीकरण गरिन्छ, गरिँदैन त्यसले अर्थ राख्ने बताए ।

‘कतिपय विचारमा भिन्नता छन् । जबजकै विषयमा पनि भिन्न मत प्रकट भएका छन् भने समाजवादको कार्यदिशा के हुने भन्ने अर्को प्रश्न छ । यी विषयलाई समेट्ने प्रयास नेतृत्वबाट कति हुन्छ ? त्यसले महाधिवेशनको अर्थ राख्छ’, ती नेताको भनाइ छ ।

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…