वैज्ञानिकहरुले बनाए घर ठण्डा बनाउने विश्वकै सबैभन्दा सेतो पेन्ट, घरमा अब एसी नचाहिने

काठमाडौं । निरन्तर भैरहेको वैज्ञानिक खोजले हाम्रो जिवनशैलीलाई निकै सजिलो बनाइदिएको छ । हाम्रो दैनिक गतिविधिमा अझै धेरै सुख सुविधा कसरी ल्याउन सकिन्छ ? भन्ने कुराको खोज अनुसन्धानका लागि विश्वका वैज्ञानिकहरु दिनहुँ खोज/अनुसन्धानमा लागि रहेका छन् ।

यहीँ क्रममा वैज्ञानिकहरुले एउटा अनौठो पेन्ट तयार पारेका छन् जसले हावा चिस्याउने उपकरण अर्थात् एसीमाथिको हाम्रो निर्भरतालाई अन्त्य गरिदिनेछ । वैज्ञानिकहरुका अनुसार यो पेन्टले आगामी दिनमा गर्मीयाममा एसीलाई प्रतिस्थापन गर्नेछ ।

अमेरिकी वैज्ञानिकहरुले यो विशेष पेन्ट तयार गरेका हुन् । यो संसारकै सबैभन्दा सेतो रङ हो । यसले सबैभन्दा सेतो पेन्टको रुपमा गिनिज बुक अफ वल्र्ड रेकर्डस्मा नाम लेखाइ सकेको गरेको छ ।

वैज्ञानिकहरुले यो पेन्टको निर्माण एक खास उद्देश्‍यलाई ध्यानमा राखेर गरेका थिए । यो पेन्टका कैयन् सकारात्मक लाभहरु देख्न सकिने दाबी गरिएको छ ।

विश्व उष्णीकरण हाल विश्वमा सबैभन्दा ठूलो संकटको रुपमा देखा परेको छ । विश्व उष्णीकरण र जलवायु परिवर्तनको असर कम गर्ने प्रयासस्वरुप वैज्ञानिकहरुले उक्त पेन्टको विकास गरेका हुन् । उक्त पेन्टको सहायताले विश्वव्यापी तापमान वृद्धिको प्रभावलाई केही हदसम्म कम गर्न सकिने बताइएको छ ।

मेकानिकल इन्जिनियरिङका प्राध्यापक शिउलिन रुआन भन्छन्, ‘हामीहरुले करीब ७ वर्ष अगाडि देखि यस परियोजनाको सुरुवात गरेका थियौँ । यो योजना सुरु गर्नुअघि हामीले विश्व उष्णिकरण तथा बिजुलीको खपतका बारेमा विचार गरिरहेका थियौँ । त्यसबीच हामीलाई एउटा यस्तो पेन्ट बनाउने आइडिया आयो जसले सूर्यको प्रकाशलाई पूर्ण रुपमा परावर्तन गर्न सक्दछ ।’

वैज्ञानिकहरुका अनुसार यदि यो पेन्ट १ हजार वर्गफिटको छतमा पोतियो भने त्यसबाट १० किलोवाट बराबरको चिस्यान शक्ति अर्थात् कुलिङ पावर मिल्नेछ । यसबाट घरभित्र शितल हुनेछ । यो पेन्ट छिट्टै नै बजारमा आउने बताइएको छ । यसलाई बजारमा ल्याउनका लागि कम्पनीहरुसँग कुराकानी भइरहेको वैज्ञानिकहरुले बताएका छन् ।

पेन्ट तयार गर्ने वैज्ञानिकहरुका अनुसार यो पेन्ट अत्यधिक सेतो हुनाले निकै परावर्तक छ । यसले सूर्यको निकै सुक्ष्म गर्मीमात्र सोस्दछ र बाँकी सबै परावर्तन गर्दछ । जसका कारण छत र बाहिरी भित्तामा यो रङ पोतेमा घरभित्र निकै ठण्डा तथा शितल हुनेछ ।

यदि आम रुपमा यो पेन्टको प्रयोग भएमा त्यसले गर्मी याममा घरमा प्रयोग हुने एसी उपकरणमाथिको निर्भरता कम हुनेछ जसको पर्यावरणीय लाभ मिल्नेछ । एसीको प्रयोगका क्रममा निस्कने ग्याँसले जलवायु परिवर्तन तथा उष्णीकरणमा ठूलो भूमिका खेलेको हुन्छ ।

यो रङको व्यापक प्रयोगले एसीबाट निस्कने हानिकारक ग्यासको उत्सर्जन घट्ने र त्यसले जलवायु परिवर्तन न्यूनीकरणमा सहयोग पुग्ने वैज्ञानिकहरुको दाबी छ । एजेन्सीको सहयोगमा

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…