बागमती प्रदेशमा पनि बादल नै एमाले इन्चार्ज !

काठमाडौं । नेकपा एमाले काठमाडौंले गरेको प्रशिक्षणलाई बागमती प्रदेश इन्चार्जको भूमिकामा रामबहादुर थापा बादलले सम्बोधन गरेका छन् । कमलादीस्थित प्रज्ञाभवनमा जिल्ला स्तरीय प्रशिक्षणमा बादल प्रदेश इन्चार्जकै भूमिकामा अतिथि बनेका थिए ।

उक्त कार्यक्रममा उपाध्यक्ष अष्टलक्ष्मी शाक्यले पनि सम्बोधन गरिन् । बादल भन्दा पहिले सम्बोधन गरेकी शाक्यलाई भने उद्‌घोषकले पार्टी उपाध्यक्ष एवम् मुख्यमन्त्री भनी सम्बोधन गरेका थिए ।

दश बुँदे सहमति गरेर शाक्यले कार्यकर्ताको भावनालाई कदर गरेर प्रसँग निकालेका उद्‌घोषकले बादलभन्दा पहिले बोल्ने समय दिए । शाक्यले सम्बोधन गर्नुअघि हलबाट मुख्यमन्त्री बनेकोमा सम्मान प्रकट गरिएको थियो ।

तर बादलले बोल्नु अगाडि नै शाक्य हलबाट बाहिरिन् । हेटौडा जानुपर्ने भन्दै उद्‌घोषकले भूमिका बाँधेका थिए । शाक्य हलबाट बाहिरिए पछि बादलले प्रदेश इन्चार्जको हैसियतमा सम्बोधन गरे ।

एमालेमा २ जेठ २०७५ अगाडि शाक्य बागमती प्रदेश इन्चार्ज थिइन् । दश बुँदेमा पार्टी संरचना २ जेठ २०७५ अगाडिकै अवस्थाबाट सञ्चालन हुने उल्लेख छ । ८ भदौको स्थायी कमिटी र १० भदौको एमाले केन्द्रीय कमिटीले दश बुँदे सहमति कार्यान्वयनको निर्णय गरेको छ ।

अर्थात् दश बुँदे कार्यान्वयन भए शाक्य प्रदेश इन्चार्ज हुनेछिन् । तर प्रज्ञा भवनको कार्यक्रममा भने शाक्य नभएर बादल इन्चार्ज रहे ।

बागमतीमा जस्तै सुदूरपश्चिममा पनि समस्या देखिएको छ । सुदूरपश्चिममा दश बुँदे अनुसार, भीम रावल इन्चार्ज भए पनि अध्यक्ष केपी शर्मा ओलीले लेखराज भट्ट इन्चार्ज रहेको बताएका छन् । बालकोटमै रावललाई बोलाएर ओलीले भट्ट इन्चार्जको भूमिकामा रहने बताएका थिए ।

भर्खरै प्रकाशित

लिपुलेक, कालापानी र लिम्पियाधुरामा जनगणना गर्न भारतलाई सोध्‍नुपर्छ : परराष्ट्रमन्त्री…

काठमाडौँ । परराष्ट्रमन्त्री नारायण खड्काले लिपुलेकमा तत्काल जनगणना नहुने संकेत गरेका छन् । शनिबार विराटनगर विमानस्थलमा पत्रकारहरूसँगको कुराकानीमा परराष्ट्रमन्त्री खड्काले लिपुलेक, लिम्पियाधुरा र कालापानीको विषयमा…

पूर्व युवराज्ञी हिमानीको कार्यक्रममा कलाकारको लर्को

सँधै देश विदेशका भिआइपीले भरिने काठमाडौंको सोल्टी होटल शुक्रबार भने कलाकारमय भयो । फिल्म, गीत संगीतका नयाँ तथा पुराना कलाकार धेरैको त्यहाँ उपस्थिती देखिन्थ्यो ।…

यति एयरलाइन्सले पनि पायो अन्तर्राष्ट्रिय उडानको अनुमति

काठमाडौं । नेपालको निजी लगानीको वायुसेवा कम्पनी यति एयरलाइन्सले अन्तर्राष्ट्रिय उडानको अनुमति (एओसी) पाएको छ । नेपाल नागरिक उड्डयन प्राधिकरणबाट बिहीबार अन्तर्राष्ट्रिय उडानको अनुमति प्राप्त…

सुनसरीमा एमाले फुट्यो, भण्डारी र बस्नेत दुवै अध्यक्ष !

नेकपा एमालेको सुनसरी जिल्ला कमिटी विभाजित बनेको छ । १० बुँदे सहमति कार्यान्वयन गर्न केपी ओली पक्षले अस्वीकार गरेसँगै दुईवटा समानान्तर कमिटीहरू एकले अर्काको अस्तित्व…

भारतले अरुणाचल प्रदेशमा तैनाथ गर्‍यो बोफोर्स तोप, युद्धको तयारी ?

अरुणाचल प्रदेशका विषयमा भारत र चीनबीचको विवाद झन् झन् चर्किएको छ । केही दिनअघि चीनको परराष्ट्र मन्त्रालयका प्रवक्ता चाओ लीच्यानले चीन अरुणाचल प्रदेशलाई मान्यता दिँदैन…