एमाले प्रवक्ताबाट योगेश भट्टराई हटाइए, तेस्रो धारका नेता सशंकित

काठमाडौं। नेकपा एमालेभित्र फेरि विवाद देखा परेको छ। एमाले प्रवक्ताबाट ‘तेस्रो धार’का नेता योगेश भट्टराईलाई हटाइएपछि पुनः विवाद देखा परेको हो।

बिहीबार दार्चुलाको तुइन घटना प्रकरणमा एमालेको प्रवक्ताको हैसियतमा प्रदीप ज्ञवालीले जारी गरेका छन्। पार्टीका संरचना पुरानै अवस्थामा रहने आन्तरिक सहमतिअनुसार एमाले प्रचार विभाग प्रमुख योगेश भट्टराई हुन्।

एमालेमा प्रवक्ता भन्ने छुट्टै पद नभएकाले प्रचार विभाग प्रमुखले नै पार्टीका निर्णयबारे मिडियालाई जानकारी गराउने अनि सार्वजनिक चासोका विषयमा विज्ञप्ति निकाल्ने चलिआएको अभ्यास छ।

यही आधारमा प्रचार विभाग प्रमुखलाई नै एमाले प्रवक्ता भन्ने गरिएको छ। तर, दार्चुला घटनाबारे ज्ञवालीले पार्टी प्रवक्ताको हैसियतमा प्रेस विज्ञप्ति निकालेसँगै एमालेमा यसअघि भएको आन्तरिक सहमतिको औचित्यलाई लिएर विभिन्न टिप्पणी हुन थालेको छ।

२०७७ फागुन २३ मा सर्वोच्च अदालतको फैसलाबाट पार्टी पुनर्जीवित बनेपछि पार्टी अध्यक्ष केपी ओलीले एमाले प्रवक्ताको जिम्मेवारी ज्ञवालीलाई दिएका थिए। त्यसअघि तत्कालीन प्रधानमन्त्री केपी ओलीले पुस ५ मा प्रतिनिधिसभा विघटन गरेपछि तत्कालीन नेकपामा ओली निकट समूहको प्रवक्ताको जिम्मेवारी पनि ज्ञवालीलाई नै दिइएको थियो।

त्यसयता ज्ञवालीले नै पार्टी प्रवक्ताका रूपमा काम गर्दै आएका थिए। १० बुँदे सहमति र भदौ ८ को स्थायी समिति बैठकको निर्णयअनुसार भट्टराईले पुरानो जिम्मेवारी (प्रवक्ता) पाएको बताइएको थियो।

पार्टीको आन्तरिक एकता जोगाउनभन्दै गत २७ असारमा एमाले दोस्रो पुस्ताका नेता र अध्यक्ष केपी ओलीबीच १० बुँदे सहमति भएको थियो। त्यसमा पार्टीका संरचना २ जेठ २०७५ कै अवस्थामा कायम रहने समझदारी थियो। ‘पार्टीका सबै तहका कमिटी, निकाय र जनसंगठनहरू नवौं राष्ट्रिय महाधिवेशनबाट पारित राजनीतिक कार्यदिशा र विधानको व्यवस्थाबमोजिम नेपाल कम्युनिस्ट पार्टी गठन हुनु पूर्व २०७५ साल जेठ २ को (जेठ ३ को केन्द्रीय कमिटीमा सदस्य मनोनयन गर्ने निर्णयसहित) संगठनात्मक अवस्थाबाट हुनेछन्,’ सहमतिमा भनिएको छ।

१० बुँदे सहमतिलाई भदौ ८ मा बसेको स्थायी समिति बैठकले अनुमोदन गरेसँगै भट्टराई स्वतः एमाले प्रचार विभाग प्रमुखको हैसियतमा फर्किएका थिए। त्यति बेला स्थायी समिति बैठकका निर्णय सुनाउन आयोजित पत्रकार सम्मेलनमा भट्टराईले पार्टी पुरानै संरचनामा फर्किएको र आफूलाई प्रवक्ताको हैसियतमा प्रस्तुत गर्न खोजेका थिए। तर, ज्ञवालीले फेरि प्रवक्ताको हैसियतमा विज्ञप्ति जारी गरेपछि एमाले तेस्रो धार सशंकित बनेको छ।

भर्खरै प्रकाशित

रामबहादुर थापा र टोपबहादुर रायमाझीहरुलाई सम्झिँदा पनि एलर्जी हुन्छ :…

काठमाडौँ । माओवादी केन्द्रका अध्यक्ष पुष्पकमल दाहालले पार्टीबाट अलग्गिएका रामबहादुर थापा, टोपबहादुर रायमाझीहरुलाई सम्झिँदा पनि आफूलाई एलर्जी हुने गरेको टिप्पणी गरेका छन् । काभ्रेमा बिहीबार…

माधव नेपालको बचन : ‘पार्टी सरकारमा सहभागी हुनेवित्तिकै युवाहरुलाई रोजगारी…

नेकपा (एकीकृत समाजवादी)का अध्यक्ष माधवकुमार नेपालले आफ्नो पार्टीले जनताको बहुदलीय जनवादलाई आत्मासात गर्न चाहेको बताएका छन्। अध्यक्ष नेपालले जनताको बहुदलीय जनताको मूल्य र मान्यतालाई रक्षा…

साहिद अफ्रिदी ‘एभरेस्ट प्रिमियर लिग’ खेल्न काठमाडौंमा

काठमाडौँ — पाकिस्तानी राष्ट्रिय क्रिकेट टोलीका पूर्वकप्तान साहिद अफ्रिदी ‘एभरेस्ट प्रिमियर लिग’ खेल्नका लागि बिहीबार काठमाडौं आइपुगेका छन् । बिहीबार अपराह्न ४ बजेपछि अफ्रिदी त्रिभुवन…

 नेपाली रुपैयाँसामु कमजोर बन्दै अमेरिकी डलर, अन्य देशको विनिमयदर, कुनको कति…

तुलनात्मक रुपमा पछिल्लो समय डलरसँग नेपाली रुपैयाँ बलियो बन्दै गएको नेपाल राष्ट्र बैंकले जनाएको छ । २०७८ असार मसान्तको तुलनामा २०७८ साउन मसान्तमा अमेरिकी डलरसँग…

गगन थापाको प्रश्न : प्रतिपक्षको भूमिका नाराबाजी गर्ने मात्र हो…

७ असोज, काठमाडौं । सत्तारुढ दल नेपाली कांग्रेसका सांसद गगन थापाले प्रमुख प्रतिपक्षी नेकपा एमालेका कारण अरु सांसदले पनि आफ्नो भूमिका निर्वाह गर्न नपाएको बताएका…