भुईँमा खस्दै गरेकी ‘गर्भवती बिराली’को ज्यान बचाउने युवाले पाए २ लाख दिराम पुरस्कार

दुबई । यूएईको दुबईस्थित एउटा घरको दोस्रो तल्लाको बाल्कोनीबाट भुईँमा खस्दै गरेकी एक गर्भवती बिरालीको ज्यान बचाएर भाइरल भएका चारजना व्यक्तिले आकर्षक नगद पुरस्कार प्राप्त गरेका छन्।

यूएईका उपराष्ट्रपति र प्रधानमन्त्री एवं दुबईका प्रशासक शिख मोहम्मद विन रशिद अल–मक्तौमले ती चार जना पुरुषलाई ‘अतुलनीय नायक’ भनेर प्रशंसा गरेका हुन्। बिरालीको जीवन बचाउने द्रुत सोंचको लागि ती युवाहरुलाई ५० हजार दिरामका दरले पुरस्कार दिइएको छ।

दुबईका प्रशासकको कार्यालयका एक अधिकारीले उनीहरुलाई भेटेर सो इनाम हस्तान्तरण गरेका हुन्। त्यसरी इनाम पाउनेमा असरफ नाम गरेका चौकीदारी गर्ने एक मोरक्को नागरिक, आतिफ मेहमुद नाम गरेका एक पाकिस्तानी बिक्रेता, सडक र यातायात प्राधिकरणमा चालकको रुपमा काम गर्ने नासिर नाम गरेका एक भारतीय र उक्त भिडियो खिचेका मोहम्मद रसिद रहेका छन्। ती अधिकारीले उनीहरुलाई नगद रकम सहितको खाम हस्तान्तरण गरेका थिए।

विभिन्न राष्ट्रियता र पृष्ठभूमि भएका ती पुरुषहरुले सो घटना भन्दा पूर्व एकअर्कालाई चिन्दैनथे। ‘हामी त्यतिबेलै बिरालीलाई बचाउने क्रममा एक्कासी सँगै भयौं,’ आतिफले स्थानीय सञ्चारमाध्यमसँग भनेका छन्।

भाइरल भएको सो भिडियोमा एउटा बिराली बाल्कोनीबाट खस्तै गरेको देख्न सकिन्छ। सो दृष्यसँगै तीन जनाको एउटा समूहले तलपट्टीबाट एउटा तन्ना फिंजाएर उभिइहाल्छन। त्यसलगत्तै बिराली त्यही तन्नामा खसेर आफ्नो जीवन बचाउन पुग्छिन्, र त्यसपछि ती मानिसले उक्त बिरालीलाई थम्थमाउंछन् र बिराली सुरक्षितसाथ टाढा जान्छिन्।

दुबईका प्रशासक शिख मोहम्मदले बिरालीको ज्यान बचाउने ती व्यक्तिहरुलाई धन्यवाद दिनको लागि पहिचान गर्न सर्वसाधारणलाई आग्रह गर्दै सो भिडियो ट्विटरमा सार्वजनिक समेत गरेका थिए।

भर्खरै प्रकाशित

अत्याधिक मदिरा सेवनले छाप्रोमै थलिदै राउटे समुदाय, मृत्युदर पनि बढ्यो

दुर्गा विसि  सल्यान । चुहिने पाल, काठको अड्यस, चिसो भुइँमाथि पातलो खुइलिएका म्याट,कपडा । बुढ्यौलीले शरीर दिनप्रतिदिन चाउरिँदैछ। शरीर ढाक्ने कपडा छ न पानीबाट ओत…

चर्चित पत्रकार अजयबाबु शिवाकोटी प्रवल जनसेवाश्रीबाट सम्मानित

काठमाडौं । हाम्राकुरा डट कमका प्रधानसम्पादक अजयबाबु शिवाकोटीलाई सरकारले प्रवल जनसेवा श्री मानपदवीबाट सम्मानित गर्ने भएको छ । संविधान दिवसको अवसरमा सरकारले शिवाकोटीलाई प्रवल जनसेवा…

गायिका विष्णु माझीलाई ‘प्रसिद्ध प्रबल जनसेवाश्री पदक’

काठमाण्डाै । अहिले निकै चर्चामा रहेकी लोक दोहोरी गायिका विष्णु माझीले प्रसिद्ध प्रबल जनसेवाश्री पदक पाउने हुनु भएको छ । संविधान दिवसका अवसरमा गायिका विष्णु…

कृष्णाले खराब बुहारी भित्र्याएसँगै समस्या सुरु भो

गोबिन्दा र कृष्णा अभिषेकको परिवारबीचको खटपटले अब सीमा नाघिसकेको छ । अब गोबिन्दाकी श्रीमती सुनिताले कृष्णा अभिषेककी श्रीमती कश्मीरा शाहमाथि निशाना साँधेकी छिन् । उनले…

मनसुन कमजोर बनेसँगै चिसो बढ्यो

काठमाण्डाै – केही दिनयता बिहान र बेलुका चिसो अलिअलि बढ्न थालेको छ । दिउँसो मलिनो घाम लाग्ने र बिहान बेलुका पातलो कुहिरो लाग्ने गरेकाले चिसो…