भिडियोमा नायिकाहरुकै दबदबा बढ्यो, टिकटकबाट उदाएका धेरै छाँटिए

पहिलो चरणको लकडाउन लुज डाउनमा परिवर्तन भएसँगै नेपालमा म्यूजिक भिडियो निर्माणमा बाढी नै लाग्यो । म्यूजिक भिडियो निर्माण गर्नका लागि नाम चलेका केही कम्पनीदेखि नयाँ निर्माताले दिल खोलेर पैसा लगानी गरे । उसो त, लगानी गर्ने क्रम अहिले पनि कम भएको छैन ।

पहिलो चरणको लकडाउन सकिदासम्म म्युजिक भिडियोमा टिकटकमा राम्रो फलोअर्स कमाएकादेखि टिकटकमा विभिन्न शैली अपनाएर दर्शकको ध्यान खिचेका टिकटकर्सहरुको बोलबाला चल्यो ।

काठमाडौंका केही रेष्टुरेन्टमा त भिडियो खेलेकादेखि भिडियो खेल्ने तयारीमा रहेका टिकटकर्सहरुको समूह खुबै देखिन्थ्यो । गीतलाई स्तरीय बनाउन भन्दा पनि भ्यूजको लोभमा लागेर मेकरले टिकटकमा हिट भएकाहरुलाई रोजे । यसमा केही त प्रतिभा भएकाहरु छानिए भने केही भाइरलहरुले अवसर पाए ।

तर, एक बर्षयता माहोल परिवर्तन भएको छ । अहिले नेपाली म्यूजिक भिडियो निर्माणको गती घटेको छैन । तर, गतबर्षको जस्तो भाइरल टिकटकर्सहरुले भन्दा पनि प्रतिभा भएका कलाकारहरुले स्थान जमाउन थालेका छन् ।

गायक प्रकाश सपुतले निर्माण तथा निर्देशन गरेको ‘कुरा वुझ्नु पर्च’ बोलको गीतमा नायिकाद्धय स्वस्तिमा खड्का र आँचल शर्माले अभिनय गरेका छन् । म्यूजिक भिडियोमा स्वस्तिमा, आँचलदेखि पूजा शर्मा, वर्षा राउत, मलिका महतकै माग बढी भएको देखिन्छ । प्रकाशले यसअघि निर्देशन गरेको ‘फुटेको चुरा’मा पनि नायिका नम्रता श्रेष्ठलाई अभिनय गराएका थिए ।

पहिलो चरणको लकडाउनपछि टिकटकबाट उदाएका थुप्रै मोडलहरु अहिले हराउँदै गएका छन् भने टिकटकबाट नै चर्चामा आएका नयाँ अनुहारले अवसर पाउन थालेका छन् ।

पछिल्लो समय टिकटकबाट उदाएकी मोडल गीता ढुंगाना भिडियोमा हाबी छिन् । यसो हुनुमा, गीताको कामप्रतिको मिहिनेत, उनको नृत्य र लगनशिलतालाई मान्ने गरिन्छ । यस्तै, उषा उप्रेती, गरिमा शर्माहरुको हातमा पनि भिडियो राम्रै छ । तर, उषाले काम गरेका भिडियोले बजारमा खासै चर्चा पाएका छैनन् भने गरिमा काम भन्दा पनि स्क्यान्डलका कारण बढी हिट छिन् ।

म्यूजिक भिडियोमा गतबर्ष चर्चामा रहेका दिपा–दमन्ता, श्रेया सिटौला, स्मारिक–समारिका ढकाल लगायतको चर्चा सुस्ताएको छ । टिकटकबाटै सर्वाधिक फलोअर्स कमाएका प्रिज्मा र प्रिन्सी खतिवडाको हातमा पनि पहिलेको जस्तो म्यूजिक भिडियो छैन । बले इन्टरटेन्मेन्टबाट बनेका केही भिडियोले उनीहरुलाई राहत दिइरहेको छ ।

अहिले म्यूजिक भिडियोमा विशेषगरि नायिकाहरुकै माग बढेको निर्देशकहरु बताउँछन् । भिडियोमा पुरुष मोडलमा भने नेपाली चलचित्रका नायकहरुको दबदबा चलिरहेको छ । टिकटकमा फलोअर्स कमाएको आधारमा केही भिडियो खेलेका थुप्रै पुरुष मोडलहरुलाई अहिले काम पाउन धौं–धौं देखिएको छ । नायक पल शाह, पुष्प खड्का, नाजिर हुसेन लगायतले नै भिडियोमा राम्रो स्थान जमाइरहेका छन् । यस्तै सागर लम्साल, सुधिर श्रेष्ठलाई पनि भ्याई नभ्याई छ ।
म्युजिक भिडियो निर्देशक तथा निर्माताहरुका अनुसार, टिकटकबाट उदाएका धेरै कलाकारमध्ये केही छाँटिदै अगाडि बढेका छन् भने औषत काम गर्नेहरु पछाडि परेका छन् ।

भिडियोलाई भ्यूजको आधारमा मात्र मापन गर्नुभन्दा पनि स्तरियतामा पनि ख्याल गर्नुपर्ने अवस्था सिर्जना भएपछि अहिले नायक–नायिकाको माग बढेको हो । केही भिडियो निर्देशकहरुका अनुसार, टिकटकमा फलोअर्स कमाएर चर्चामा आएका धेरै मोडलहरुले केही अवसर पाएपनि त्यसलाई सदुपयोग गर्न सकेनन् । जसलेगर्दा, उनीहरु जसरी उदाए त्यसरी नै सेलाउँदैछन् । राम्रो काम गर्नेहरुका लागि भने भिडियो बजार सधै नै सकारात्मक रहेको निर्देशकहरुको तर्क छ ।

भिडियोमा भाइरलको ट्रेन्ड भन्दा पनि काम गर्न सक्ने र दर्शकले रुचाएका अनुहारलाई नै लिएर स्तरियतामा ध्यान दिने सोचाइमा केही राम्रा मेकरहरु पुगेको देखिन्छ । यसैले पनि फेरि भिडियोमा चलचित्र क्षेत्रमा चलेका र दर्शकले रुचाएका कलाकारको नै माग बढेको छ ।

भर्खरै प्रकाशित

सीता दाहालको व्यथामाथि किन नूनचूक छर्छन् केपी ओली?

काठमाडौं। सातौं संविधान दिवसका अवसरमा आइतबार सरकारले विभिन्न पदकहरूद्वारा ९०० भन्दा बढी व्यक्तिलाई सम्मानित गर्‍यो। त्यसमध्ये गणतान्त्रिक आन्दोलनका योद्धा कमरेड सीता दाहाललाई प्रवल जनसेवाश्री पदकद्वारा…

सञ्‍चालन नहुँदै सकियो रेल इन्जिनको वारेन्टी, अध्यादेश निष्क्रिय भएपछि रेल…

जनकपुर । जयनगरदेखि कुर्थासम्म चल्ने गरी भारतसँग खरिद गरिएका दुई रेल इन्जिन र बोगीको वारेन्टी सञ्चालन नहुँदै आइतबारदेखि सकिएको छ । गत वर्ष असोज ३…

अमेरिका छिर्ने क्रममा ५ दर्जन नेपाली जर्मनीमा पक्राउ

पेरिस । काठमाडौंबाट दुबई, मस्को र मेक्सिको हुँदै गैरकानुनी रूपमा अमेरिका छिर्न खोज्ने झन्डै पाँच दर्जन नेपाली फ्र्यांकफर्ट विमानस्थलमा पक्राउ परेका छन् । यही रुटबाट…

एमालेमा ७० वर्षे उमेर हद कायमै, सबै पदाधिकारी निर्वाचित हुने

३ असोज, काठमाडौं । नेकपा एमालेको दशौं महाधिवेशनमा पनि ७० वर्षे उमेर हद कायमै राख्ने प्रस्ताव गरिएको छ । आइतबार शुरु भएको स्थायी कमिटी बैठकमा…

दाङमा ‘हनी ट्र्याप’मा पारेर पैसा असुलेको अभियोगमा तीन महिला पक्राउ

दाङ । एक पुरुषलाई ‘हनी ट्रयाप’ मा पारेर पैसा असुलेको अभियोगमा घोराहीमा तीन महिला पक्राउ परेका छन् । होटेलमा खाजा खान बोलाएर अन्तमा बलात्कारको मुद्दा…