भारतको स्वतन्त्रता दिवसमा मोदीका दुई ठूला घोषणा

भारतीय प्रधानमन्त्री नरेन्द्र मोदीले ७५ औं स्वतन्त्रता दिवसमा आठौं पटक लाल किलामा झण्डा फहराएपछि देशलाई सम्बोधन गरे । मोदीले स्वतन्त्रता सेनानीलाई नमन गर्दै आफ्नो कुरा सुरु गरे । यतिबेला उनले पण्डित जवाहर लाल नेहरुलाई पनि स्मरण गरे । मोदीले आफ्नो ९० मिनेटको भाषणमा दुई ठूला घोषणा गरे । यसमा १०० लाख करोड भारुको गति शक्ति योजना र छोरीका लागि देशमा सैनिक स्कूल खोलिने घोषणा समावेश छन् ।

मोदीले सय लाख करोडको गति शक्ति योजनाबारे घोषणा गर्दै भने, ‘जसरी नयाँ एयरपोर्ट बनिरहेका छन्, उडान योजनाले विभिन्न स्थानलाई जोडिरहेका छन्, यो अभूतपूर्व छ । उत्कृष्ट कनेक्टिभिटीले मानिसहरुको सपनालार्य नयाँ उडान दिइरहेको ।

गति शक्तिको नेशनल मास्टर प्लान हामी तपाईंको अगाडि ल्याउनेछौं । सय लाख करोडभन्दा पनि बढीको योजनाले लाखौं जवानका लागि रोजगार ल्याउनेछ ।

गति शक्ति देशका लागि यस्तो राष्ट्रिय परियोजनाको मास्टर प्लान हुनेछ जसले देशको अर्थतन्त्रलाई एकीकृत मार्ग प्रदान गर्नेछ । गति शक्तिले सबै सडकका कठिनाई हटाउनेछ । सामान्य व्यक्तिको यात्राको समयमा कमी आउनेछ, उत्पादकलाई मद्दत मिल्नेछ । अमउत कालको यो दशकमा गतिको शक्ति भारतको कायाकल्पको आधार बन्नेछ ।’

यसका लागि मोदीले खेलदेखि हरेक स्थानमा छोरीहरुले कमाल गरिरहेको भन्दै छोरीहरुका लागि सैनिक स्कूल खोलिनेबारे घोषणा गरे । यसबारे उनले भने, ‘आज भारतकी छोरी आफ्नो स्थान ओगट्नका लागि आतुर छन् । सडकदेखि कार्यस्थलसम्म महिलामा सुरक्षा, सम्मानको भाव होस् भन्नका लागि शासन प्रशासन, प्रहरी, नागरिकले आफ्नो जिम्मेवारी निभाउनु छ ।

यो संकल्पलाई स्वतन्त्रताको ७५ औं वर्षको संकल्प बनाउनु छ । मलाई लाखौं छोरीहरुले आफू सैनिक स्कूलमा पढ्न चाहेको भन्दै सन्देश पठाउने गर्दथे । साढे दुई वर्ष अघि मिजोरमको सैनिक स्कूलमा छोरीहरुलाई प्रवेश दिनका लागि प्रयोग गरिएको थियो । अब निश्चित गरिएको छ कि देशका सबै सैनिक स्कूललाई देशका छोरीका लागि पनि खोलिनेछन् ।’

मोदीले सन् २०१५ मा जवाहरलाल नेहरुको रेकर्ड तोडेका थिएः

मोदीले सन् २०१५ मा ८६ मिनेटसम्म आफ्नो कुरा देशका जनताको सामू राखेका थिए र पहिलो प्रधानमन्त्री जवाहरलाल नेहरुको रेकर्ड तोडेका थिए । नेहरुले लाल किलाबाट सन् १९४७ मा ७२ मिनेटको भाषण दिएका थिए ।

मनमोहनले लाल किलाबाट १० पटक देशलाई सम्बोधन गरेः

उता, मनमोहन सिंहले लाल किलाबाट १० पटक देशलाई सम्बोधन गरे । उनको भाषण दुई पटक मात्रै ५० मिनेटको रह्यो । अन्य आठ पटक भाषणको समय ३२ देखि ४५ मिनेटबीच रह्यो ।

भर्खरै प्रकाशित

सीता दाहालको व्यथामाथि किन नूनचूक छर्छन् केपी ओली?

काठमाडौं। सातौं संविधान दिवसका अवसरमा आइतबार सरकारले विभिन्न पदकहरूद्वारा ९०० भन्दा बढी व्यक्तिलाई सम्मानित गर्‍यो। त्यसमध्ये गणतान्त्रिक आन्दोलनका योद्धा कमरेड सीता दाहाललाई प्रवल जनसेवाश्री पदकद्वारा…

सञ्‍चालन नहुँदै सकियो रेल इन्जिनको वारेन्टी, अध्यादेश निष्क्रिय भएपछि रेल…

जनकपुर । जयनगरदेखि कुर्थासम्म चल्ने गरी भारतसँग खरिद गरिएका दुई रेल इन्जिन र बोगीको वारेन्टी सञ्चालन नहुँदै आइतबारदेखि सकिएको छ । गत वर्ष असोज ३…

अमेरिका छिर्ने क्रममा ५ दर्जन नेपाली जर्मनीमा पक्राउ

पेरिस । काठमाडौंबाट दुबई, मस्को र मेक्सिको हुँदै गैरकानुनी रूपमा अमेरिका छिर्न खोज्ने झन्डै पाँच दर्जन नेपाली फ्र्यांकफर्ट विमानस्थलमा पक्राउ परेका छन् । यही रुटबाट…

एमालेमा ७० वर्षे उमेर हद कायमै, सबै पदाधिकारी निर्वाचित हुने

३ असोज, काठमाडौं । नेकपा एमालेको दशौं महाधिवेशनमा पनि ७० वर्षे उमेर हद कायमै राख्ने प्रस्ताव गरिएको छ । आइतबार शुरु भएको स्थायी कमिटी बैठकमा…

दाङमा ‘हनी ट्र्याप’मा पारेर पैसा असुलेको अभियोगमा तीन महिला पक्राउ

दाङ । एक पुरुषलाई ‘हनी ट्रयाप’ मा पारेर पैसा असुलेको अभियोगमा घोराहीमा तीन महिला पक्राउ परेका छन् । होटेलमा खाजा खान बोलाएर अन्तमा बलात्कारको मुद्दा…