इन्डोनेसियाको सेनाले हटायो महिला सैनिक भर्तीमा कुमारित्व परीक्षण नियम

जकार्ता: इन्डोनेसियाको सेनाले महिला भर्तीमा गरिने ‘कुमारित्व परीक्षण’को नियम खारेज गरेको छ । इन्डोनेसियाली सेनाले ७ वर्षपछि महिला सैनिक भर्ना प्रक्रियामा गरिने ‘कुमारित्व परीक्षण’मा रोक लगाएको हो । महिला सैनिक भर्तीमा हुने ‘कुमारित्व परीक्षण’ सम्बन्धमा इन्डोनेसियाको उक्त निर्णयलाई मानव अधिकारकर्मीहरुले स्वागत गरेका छन् ।

विश्व स्वास्थ्य संगठनले सात वर्षअघि महिला सैनिक भर्नाको क्रममा गरिने ‘कुमारित्व परीक्षण’को कुनै पनि वैज्ञानिक आधार नभएको घोषणा गरेको थियो । उक्त घोषणाको सात वर्षपछि इन्डोनेसियाले गत बुधबारदेखि महिला सैनिक भर्नामा कुमारित्व परीक्षण प्रक्रियामा रोक लगाएको हो ।

स्टाफ जेनका सेना प्रमुख अन्दिका पेर्कासाले महिला सैनिक भर्तीको क्रममा गरिने कुमारित्व परीक्षणको विषय अनुचित रहेकोले सेनाले अबदेखि महिला सैनिक भर्तीमा कुमारित्व परीक्षण नगरिने बताउँदै भनेका छन्, ‘महिलाले कुमारित्वको आधारमा नभई आफ्नो क्षमता र योग्यताअनुसार सैनिकको शारिरीक परीक्षणमा सहभागी र छनोट हुन पाउनेछन् ।’

विश्व स्वास्थ्य संगठनले सन् २०१४ मा इन्डोनेसियाको सेनाले क्लिनिकल निर्देशनअनुसार यौ’न दु’र्व्य’वहा’रमा परेका महिलाको स्वास्थ्य हेरचाहको नाममा गर्ने कुमारित्व परीक्षणको कुनै पनि वैज्ञानिक आधार नभएको बताउँदै आएको थियो ।

ह्युमन राइट्स वाचका अनुसार इन्डोनेसियामा दशकौँ अघिदेखि सेना र प्रहरी प्रशासनमा महिला भर्ती गर्दा कुमारित्व परीक्षणको अभ्यास गरिन्थ्यो भने सैनिक अधिकारीहरुका मंगेतरहरुको पनि कुमारित्व परीक्षण गरिँदै आएको थियो । इन्डोनेसिएन प्रहरीले सन् २०१८ देखि कुमारित्व परीक्षणको अभ्यासमा रोक लगाएको थियो ।

ह्युमन राइट्स वाचले सेनामा महिला भर्ती गर्दा सुरक्षा बलको नाममा इजिप्ट, भारत र अफगानिस्तानले गर्दै आएको कुमारित्व परीक्षणबारे पनि प्रमाणहरु जुटाएको छ ।

ह्युमन राइट्स वाचकी अन्वेषक एन्ड्रियाज हर्सोनोले इन्डोनेसियाको हवाई सेना र सेनाका कमान्डरहरुको सहायताले महिला सैनिक भर्तीका क्रममा लामो समयदेखि चलिआएको कुमारित्व परीक्षणको अन्त्य भएको बताएकी छन् ।

‘इन्डोनेसियाको आर्मी कमान्डले राम्रो निर्णय लिएको छ’ हर्सोनोले भनेकी छन्, ‘कुमारित्व परीक्षणसम्बन्धि सो निर्णयसँगै इन्डोनेसिया अवैज्ञानिक आधारको अन्त्य र महिला अधिकार दुरुपयोगको पहिचान गर्न सफल भएको छ ।’

भर्खरै प्रकाशित

सीता दाहालको व्यथामाथि किन नूनचूक छर्छन् केपी ओली?

काठमाडौं। सातौं संविधान दिवसका अवसरमा आइतबार सरकारले विभिन्न पदकहरूद्वारा ९०० भन्दा बढी व्यक्तिलाई सम्मानित गर्‍यो। त्यसमध्ये गणतान्त्रिक आन्दोलनका योद्धा कमरेड सीता दाहाललाई प्रवल जनसेवाश्री पदकद्वारा…

सञ्‍चालन नहुँदै सकियो रेल इन्जिनको वारेन्टी, अध्यादेश निष्क्रिय भएपछि रेल…

जनकपुर । जयनगरदेखि कुर्थासम्म चल्ने गरी भारतसँग खरिद गरिएका दुई रेल इन्जिन र बोगीको वारेन्टी सञ्चालन नहुँदै आइतबारदेखि सकिएको छ । गत वर्ष असोज ३…

अमेरिका छिर्ने क्रममा ५ दर्जन नेपाली जर्मनीमा पक्राउ

पेरिस । काठमाडौंबाट दुबई, मस्को र मेक्सिको हुँदै गैरकानुनी रूपमा अमेरिका छिर्न खोज्ने झन्डै पाँच दर्जन नेपाली फ्र्यांकफर्ट विमानस्थलमा पक्राउ परेका छन् । यही रुटबाट…

एमालेमा ७० वर्षे उमेर हद कायमै, सबै पदाधिकारी निर्वाचित हुने

३ असोज, काठमाडौं । नेकपा एमालेको दशौं महाधिवेशनमा पनि ७० वर्षे उमेर हद कायमै राख्ने प्रस्ताव गरिएको छ । आइतबार शुरु भएको स्थायी कमिटी बैठकमा…

दाङमा ‘हनी ट्र्याप’मा पारेर पैसा असुलेको अभियोगमा तीन महिला पक्राउ

दाङ । एक पुरुषलाई ‘हनी ट्रयाप’ मा पारेर पैसा असुलेको अभियोगमा घोराहीमा तीन महिला पक्राउ परेका छन् । होटेलमा खाजा खान बोलाएर अन्तमा बलात्कारको मुद्दा…