अन्तरिक्ष यात्राका लागि टिकट बिक्री खुला, एउटा टिकटको मूल्य पाँच करोड ३० लाख

हालै सफलतापूर्वक अन्तरिक्ष यात्रामा गएर फर्किएका अर्बपति रिचार्ड ब्रान्सनको कम्पनी भर्जिन ग्यालाक्टिकले अन्तरिक्ष पर्यटकहरुका लागि टिकटको बिक्री पुनः खुला गरेको छ ।

वर्षौंयता अन्तरिक्ष यात्राको टिकट बिक्री पुनः खुल्ला गरिएको भन्दै भर्जिन ग्यालेक्टिकले अन्तरिक्ष यात्रामा लैजाने कम्पनीको रकेटयुक्त सब अर्बिटल जहाजको टिकट बुकिङ खुल्ला भएको जनाएको छ । यसअघिको मूल्यभन्दा निकै सस्तो अर्थात् चार लाख ५० हजार अमेरिकी डलरमा टिकट बिक्री गरिने कम्पनीले जनाएको छ।

एक दशकदेखि अन्तरिक्ष पर्यटनमा शुरु गर्ने बताइरहेको भर्जिन ग्यालेक्टिकका मालिक रिचार्ड ब्रान्सन जुलाई १२ गते सफलतापूर्वक अन्तरिक्षमा पुगेर फर्किएसँगै अन्तरिक्ष पर्यटनलाई व्यवसायिक रुपमा शुरु गर्ने निधो गरेको हो । आगामी वर्ष सन् २०२२ देखि व्यवसायिक कार्य शुरु गरिने कम्पनीले उल्लेख गरेको छ ।

अन्तरिक्षमा जाने टिकट बुकिङका लागि कम्पनीले विभिन्न तीन खाले टिकट प्याकेट उपलब्ध गराएको छ । जसमा एउटामात्र सिट रिजर्भ गर्नका लागि चार लाख ५० हजार डलर तिर्नुपर्नेछ ।

साथै परिवार वा साथीभाइ सबैले सँगै यात्रा गर्नका लागि एउटा रकेट जहाजका पूरै ६ वटा सिट पनि बुकिङ गर्न सकिनेछ । त्यसको मूल्य नखुलाए पनि त्यसलाई किफायती मूल्य पर्ने कम्पनीका सीईओ माइकल कोलग्लेजिएर बताउँछन् । त्यस्तै माइक्रो ग्राभिटी अनुसन्धान तथा व्यवसायक अन्तरिक्षयात्री तालीमका लागि भने एउटा सिट रिजर्भ गर्दा ६ लाख डलर तिर्नुपर्नेछ ।

पहिले नै अनुरोध गरेका मानिसहरुलाई प्राथमिकताका आधारमा साथै कम्पनीको अन्तरिक्षयात्रा समुदायअन्तर्गत एक हजार डलर डिपोजिट राखेका मानिसहरुलाई हाल उपलब्ध टिकटहरु शुरुमा बिक्री गरिनेछ ।

हालसम्म यसरी डिपोजिट राख्ने मानिसहरुको संख्या झण्डै एक हजार रहेको भर्जिन ग्यालाक्टिकको सञ्चार विभागकी उपाध्यक्ष एलेना क्रेन बताउँछिन् ।

कम्पनीका अनुसार स्पेस फर ह्युमानिटी नामक परोपकारी अभियानका लागि आर्थिक सहयोग गरेका मानिसहरु मध्येबाट दुई जनालाई गोला प्रथाबाट नि:शुल्क रुपमा अन्तरीक्षयात्रामा लगिनेछ ।

स्मरण रहोस् स्पेस फर ह्युमानिटीले अन्तरिक्षलाई प्रजातान्त्रिक बनाउनुपर्ने कुरामा पैरवी गर्दै आएको छ । यो अभियानमा विश्वका १९० देशका एक लाख २५ हजार मानिसहरुले आर्थिक सहयोग गरेका कम्पनीले बिहिबार जनाएको छ ।

भर्जिन ग्यालाक्टिकले अन्तरिक्ष यात्रामा लैजाने भन्दै एक दशकअघिबाटै टिकट बेच्न थालेको थियो । त्यतिबेला नै साढे दुई लाख डलरसम्ममा टिकट किनेकाहरु अन्तरिक्षयात्राका लागि पहिलो प्राथमिकतामा हुनेछन् । यसरी टिकट खरीद गर्नेहरुको संख्या ६०० जना जति छ ।

सिएनएनबाट

 

भर्खरै प्रकाशित

चौधरी ग्रुपले तिर्‍यो १४ अर्ब २८ करोड कर

काठमाडौँ । व्यावसायिक घराना चौधरी ग्रुपले आर्थिक वर्ष २०७७/७८ मा सरकारलाई १४ अर्ब २८ करोड रुपैयाँ कर तिरेको बताएको छ । उक्त आवमा सरकारले संकलन गरेको…

कतारकी राजकुमारी शेखा आस्मा अल थानीले मनास्लुको शिखर चुमिन्

गोरखा । कतारी राजकुमारी शेखा आस्मा अल थानीले विश्वको आठौँ अग्लो मनास्लु हिमालको शिखर चुमेकी छिन् । सोमबार बिहान साँढे १० बजे राजकुमारी शेखाले ८,१६३…

बुद्ध एयरमा किन दोहोरिरहेको छ प्राविधिक समस्या ?

काठमाडौं । चालक दलका चार सदस्यसहित ७७ जना लिएर त्रिभुवन विमानस्थलबाट उडेको बुद्ध एयरको जहाज विराटनगरमा अवतरण नगरी फर्कियो । सुरुमा त यात्रुहरु खासै डराएका…

म ‘बाहुन’ भएर होइन, क्रान्तिकारी भएर मर्न चाहान्छु : प्रचण्ड

काठमाडौँ । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले १० वर्षे जनयुद्धमा दलित समुदायको मुद्दा उठाएकै कारण अन्य पार्टीका नेताहरुले आफुलाई ‘दलित’को व्यबहार…

एमाले सांसदहरुले तत्काल राजीनामा दिनुपर्छ : बाबुराम भट्टराई

सत्ता साझेदार जनता समाजवादी पार्टीका संघीय परिषद अध्यक्ष डा.बाबुराम भट्टराईले नेकपा एमालेका सांसदहरुलाई पदबाट राजीनामा दिन चुनौति दिएका छन् । पूर्वप्रधानमन्त्री समेत रहेका भट्टराईले संसदलाई…