६० प्रतिशत विद्युत् भारतबाट ल्याएर हिउँदमा लोडसेडिङ टारेका हौं : हितेन्द्रदेव शाक्य

काठमाडौं । नेपाल विद्युत् प्राधिकरणका प्रमुख कार्यकारी निर्देशक हितेन्द्रदेव शाक्यले हिउँदमा ६० प्रतिशतसम्म विद्युत् आयात गर्नुपर्ने अवस्था रहेको बताउनुभएको छ ।

ईमेज टेलिभिजनसँगको कुराकानीमा कार्यकारी निर्देशक शाक्यले गतवर्ष हिउँदमा उत्पादन ह्वात्तै घटेका कारणले ६० प्रतिशतसम्म विद्युत् भारतबाट आयात गरेर बेच्नुपर्ने अवस्था आएको बताउनुभयो । सुख्खायाममा पानीको फ्लो कम हुँदा विद्युत् उत्पादन कम भएको उहाँको भनाइ छ ।

कोरोनाका कारणले विद्युत् चुहावट बढेको बताउँदै शाक्यले नियन्त्रणका लागि कर्मचारी खटाउन समस्या भएको जिकिर गर्नुभयो । ‘कोभिडका कारण घर–घरमा कर्मचारी जानसक्ने अवस्था रहेन,’ उहाँले भन्नुभयो, ‘कर्मचारीहरूलाई पनि भनिएको स्थानमा खटाउन समस्या भएका कारण चुहावट घटाउन नसकिएको हो ।’

उत्पादनमा वृद्धि हुनुमा निजी क्षेत्रलाई धन्यवाद दिँदै शाक्यले आफूले विद्युत् राष्ट्रिय प्रसारण लाइनमा जोड्नका लागि काम गरिरहेको बताउनुभयो । ‘निजी क्षेत्रका विभिन्न कम्पनीले विद्युत् उत्पादन गरिरहेका छन्,’ उहाँले भन्नुभयो, ‘उनीहरुले उत्पादन गरेको विद्युत् जनताको घरसम्म पुर्याउने काम हाम्रो हो, हामी हाम्रो कामम प्रतिबद्ध छौँ ।’

शाक्यले देशभर विद्युत्को माग बढेको बताउनुभयो । उहाँले भन्नुभयो, ‘साँझको समय आधा वा एक घण्टाका लागि विद्युत्को माग १५ सय ५० मेगावाटसम्म हुन्छ,’ उहाँले भन्नुभयो, ‘त्यो समयमा हामीले भारतबाट विद्युत् आयात गर्नुपर्ने हुन्छ ।’

भर्खरै प्रकाशित

दाङमा ‘हनी ट्र्याप’मा पारेर पैसा असुलेको अभियोगमा तीन महिला पक्राउ

दाङ । एक पुरुषलाई ‘हनी ट्रयाप’ मा पारेर पैसा असुलेको अभियोगमा घोराहीमा तीन महिला पक्राउ परेका छन् । होटेलमा खाजा खान बोलाएर अन्तमा बलात्कारको मुद्दा…

अत्याधिक मदिरा सेवनले छाप्रोमै थलिदै राउटे समुदाय, मृत्युदर पनि बढ्यो

दुर्गा विसि  सल्यान । चुहिने पाल, काठको अड्यस, चिसो भुइँमाथि पातलो खुइलिएका म्याट,कपडा । बुढ्यौलीले शरीर दिनप्रतिदिन चाउरिँदैछ। शरीर ढाक्ने कपडा छ न पानीबाट ओत…

चर्चित पत्रकार अजयबाबु शिवाकोटी प्रवल जनसेवाश्रीबाट सम्मानित

काठमाडौं । हाम्राकुरा डट कमका प्रधानसम्पादक अजयबाबु शिवाकोटीलाई सरकारले प्रवल जनसेवा श्री मानपदवीबाट सम्मानित गर्ने भएको छ । संविधान दिवसको अवसरमा सरकारले शिवाकोटीलाई प्रवल जनसेवा…

गायिका विष्णु माझीलाई ‘प्रसिद्ध प्रबल जनसेवाश्री पदक’

काठमाण्डाै । अहिले निकै चर्चामा रहेकी लोक दोहोरी गायिका विष्णु माझीले प्रसिद्ध प्रबल जनसेवाश्री पदक पाउने हुनु भएको छ । संविधान दिवसका अवसरमा गायिका विष्णु…

कृष्णाले खराब बुहारी भित्र्याएसँगै समस्या सुरु भो

गोबिन्दा र कृष्णा अभिषेकको परिवारबीचको खटपटले अब सीमा नाघिसकेको छ । अब गोबिन्दाकी श्रीमती सुनिताले कृष्णा अभिषेककी श्रीमती कश्मीरा शाहमाथि निशाना साँधेकी छिन् । उनले…