आफ्ना विद्यार्थीलाई मनोमानी अंक दिएपछि एसईईको नतिजामा ढिलाइ, २४ विद्यालय छानबिनको घेरामा

काठमाडौं, साउन २२। देशभरका २४ विद्यालयले आफ्ना विद्यार्थीलाई ‘ए’ र ‘ए प्लस’ नम्बर दिएको तथ्य फेला परेपछि एसईईको नतिजा आउन ढिलाइ हुने भएको छ । बोर्डले यो सातामै परीक्षाफल प्रकाशित गर्ने तयारी गरेको थियो । तर, अधिकांश विद्यार्थीको अस्वाभाविक नम्बर आएपछि परीक्षाफल प्रकाशित गर्न ढिलाइ हुने भएको बोर्डका एक अधिकारीले बताए । प्रयोगात्मक विषय समावेश नगरीकनै पनि अधिकांश विद्यार्थीले ‘ए’ र ‘ए प्लस’ ल्याएपछि बोर्डको बिहीबार बसेको बैठकमा गम्भीर छलफल भएको थियो ।

स्रोतका अनुसार विशेष गरी उपत्यकाका तीनै जिल्लाका विद्यालयले आफ्ना अधिकांश विद्यार्थीलाई ‘ए’ र ‘ए प्लस’ नम्बर दिएको भेटिएको थियो भने तराईका ८ जिल्लाका विद्यालयले पनि आफ्ना विद्यार्थीलाई मनोमानी अंक दिएको भेटिएको थियो ।

केही दिनभित्रै परीक्षाफल प्रकाशित गर्ने तालिकासहित बसेको राष्ट्रिय परीक्षा बोर्डको बैठकले २४ विद्यालयको यस्तो अवस्था देखेपछि तत्काल छानबिन गर्ने निर्णय गरेको छ । बोर्डको भर्चुअल बैठकमा अचम्मित बन्दै बोर्डका अधिकारीले प्रश्न गरेका थिए– ‘यस्तो अप्रत्याशित र अस्वाभाविक नम्बर दिएपछि कसरी परीक्षाफल प्रकाशित गर्न सकिन्छ? यस्तो गम्भीर विषयमा तत्काल जिल्ला शिक्षा समन्वय इकाइमार्फत विद्यालयको बारेमा छानबिन गर्नुपर्छ ।’

परीक्षाफल ढिलो प्रकाशित भए पनि केही फरक पर्दैन भन्दै बैठकमा बोर्ड सदस्यहरूले यस विषयमा तत्काल छानबिन गर्नुपर्नेमा जोड दिएका छन् । सबै सदस्यले मतैक्यता जाहेर गर्दै परीक्षाफल प्रकाशित गर्न हतारिन नहुने धारणा राखेका थिए । लगत्तै बोर्डका अधिकारीले यो विषयमा एक साता समय माग गर्दै ‘ए’ र ‘ए प्लस’ अंक दिने विद्यालय र विद्यालयका प्रधानाअध्यापकको विषयमा समेत छानबिन गर्ने जनाएका थिए ।

राष्ट्रिय परीक्षा बोर्डले यो वर्षका परीक्षाका लागि तयार गरेको कार्यविधिमा ८० अंकभन्दा माथि दिनुपरेमा सोको कारण कैफियतमा खुलाउनुपर्ने नयाँ व्यवस्था गरेको थियो । तर, सो व्यवस्थाको उल्लंघन गर्दै कारण नखुलाई ८० भन्दा बढी नम्बर दिएको पाइएको छ ।

कार्यविधिविपरीत मनोमानी ढंगबाट आफ्ना विद्यार्थीको परीक्षाफलमा बढी अंक प्रविष्ट गरेपछि बोर्डले तत्काल परीक्षाफल प्रकाशित नगर्ने जनाएको हो । बोर्डको आन्तरिक बैठकका बारेमा जानकारी गराउँदै एक अधिकारीले भने– ‘झन्डै ७२ हजार विद्यार्थीको सबै विषयमा ‘ए’ र ‘ए प्लस’ आएको भेटियो । काठमाडौँका करिब १ हजार २ सय विद्यार्थीले ‘ए प्लस’ ल्याएको देखियो ।’

बोर्डले जिल्ला शिक्षा समन्वय इकाइलाई बढी नम्बर दिएका कारण खोजी गर्न एक साता समय दिने भएको छ । यसअघि परीक्षा नियन्त्रण कार्यालय (कक्षा १०) ले सबै विवरण तयार गरी बढीमा ४ दिनभित्र परीक्षाफल प्रकाशित गर्ने तयारी गरेको थियो ।

विशेष गरी निजी र नाम चलेका सरकारी विद्यालयले आफ्नो रेकर्ड राम्रो देखाउन ८० भन्दा बढी अंक दिएको फेला परेको छ । यो वर्ष करिब ३ लाख ८५ हजारले मात्र आवेदन फाराम भरेको पाइएको छ । नेपाल समाचार दैनिकबाट ।

भर्खरै प्रकाशित

रामबहादुर थापा र टोपबहादुर रायमाझीहरुलाई सम्झिँदा पनि एलर्जी हुन्छ :…

काठमाडौँ । माओवादी केन्द्रका अध्यक्ष पुष्पकमल दाहालले पार्टीबाट अलग्गिएका रामबहादुर थापा, टोपबहादुर रायमाझीहरुलाई सम्झिँदा पनि आफूलाई एलर्जी हुने गरेको टिप्पणी गरेका छन् । काभ्रेमा बिहीबार…

माधव नेपालको बचन : ‘पार्टी सरकारमा सहभागी हुनेवित्तिकै युवाहरुलाई रोजगारी…

नेकपा (एकीकृत समाजवादी)का अध्यक्ष माधवकुमार नेपालले आफ्नो पार्टीले जनताको बहुदलीय जनवादलाई आत्मासात गर्न चाहेको बताएका छन्। अध्यक्ष नेपालले जनताको बहुदलीय जनताको मूल्य र मान्यतालाई रक्षा…

साहिद अफ्रिदी ‘एभरेस्ट प्रिमियर लिग’ खेल्न काठमाडौंमा

काठमाडौँ — पाकिस्तानी राष्ट्रिय क्रिकेट टोलीका पूर्वकप्तान साहिद अफ्रिदी ‘एभरेस्ट प्रिमियर लिग’ खेल्नका लागि बिहीबार काठमाडौं आइपुगेका छन् । बिहीबार अपराह्न ४ बजेपछि अफ्रिदी त्रिभुवन…

 नेपाली रुपैयाँसामु कमजोर बन्दै अमेरिकी डलर, अन्य देशको विनिमयदर, कुनको कति…

तुलनात्मक रुपमा पछिल्लो समय डलरसँग नेपाली रुपैयाँ बलियो बन्दै गएको नेपाल राष्ट्र बैंकले जनाएको छ । २०७८ असार मसान्तको तुलनामा २०७८ साउन मसान्तमा अमेरिकी डलरसँग…

गगन थापाको प्रश्न : प्रतिपक्षको भूमिका नाराबाजी गर्ने मात्र हो…

७ असोज, काठमाडौं । सत्तारुढ दल नेपाली कांग्रेसका सांसद गगन थापाले प्रमुख प्रतिपक्षी नेकपा एमालेका कारण अरु सांसदले पनि आफ्नो भूमिका निर्वाह गर्न नपाएको बताएका…