केपी ओली भन्दा काँग्रेस धेरै वामपन्थी छ : प्रचण्ड

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी ओली भन्दा अहिले काँग्रेस वामपन्थी भएको बताएका छन् । बिहीबार सम्पादकहरूसँगको अन्तरक्रियामा अध्यक्ष प्रचण्डले गठबन्धन बनाएर आन्दोलन गर्न थालेपछि ओलीले आफूलाई फोन गरेर ‘तपाई वामपन्थीको सरकार ढालेर काँग्रेससँग मिलेर के गर्न लाग्नुभएको ?’ भनेर सोध्दा आफूले ‘काँग्रेस त तपाइँ भन्दा धेरै वामपन्थी रहेको भन्ने जवाफ दिएको बताए ।

‘काँग्रेस लोकतन्त्रको रक्षाका लागि हिँडेको छ । संविधानको रक्षाका लागि हिँडेको छ । तपाईं लोकतन्त्र र संविधान ध्वस्त पार्न लाग्नुभएको छ । अनि कसरी तपाई वामपन्थी र काँग्रेस दक्षिणपन्थी ?’, ओलीलाई दिएको जवाफ उधृत गर्दै प्रचण्डले बताए ।
सम्पादकहरूले गठबन्धनको यात्राबारे सोधेको प्रश्नमा प्रचण्डले यो संविधान र लोकतन्त्रको रक्षाका लागि ५ दलीय गठबन्धन बनेकाले यो नटुट्ने समेत बताए ।
प्रचण्डले गठबन्धन टुटाउन ओलीले प्रयास गरेपनि सफल नहुने समेत दावी गरे ।

‘जुन दिन अदालतले सकारात्मक फैसला गर्ने संकेत देखाएको थियो, त्यस दिन प्रधानमन्त्रीले राती एउटा अपिल निकाल्नुभयो । खासगरी माधवजीलाई संकेत गरेर’, प्रचण्डले ओलीले एमाले एकताका लागि गरेको प्रस्तावलाई संकेत गरेका थिए ।

उनले गठबन्धन प्रधानमन्त्री ओलीका विरुद्ध संघर्षमा उत्रेको भनेर नबुझ्न आग्रह गर्दै लोकतन्त्र बचाउने र नबचाउने बीचको लडाइ भएको पनि प्रचण्डको भनाइ छ ।
प्रचण्डले विगतमा आफूहरुबाट समेत केही गल्ति भएको स्वीकार गर्दै अव सच्याउँदै जान तयार रहेको बताए ।

‘पाँच दलीय गठबन्धनको सैद्धान्तिक, राजनीतिक र भावनात्मक आधारबारे छलफल गरेर नै गठबन्धन बनेको हो’ प्रचण्डले भने, ‘संविधानलाई परिमार्जित गर्दै लैजाने , निर्वाचनका बेला भनेका लोकतन्त्रको आधारभूत मान्यतालाई रक्षा गर्नैपर्छ । देशको राष्ट्रियताको रक्षा गर्नैपर्छ ।’
उनले पाँच दलीय गठबन्धनमा सहभागी राजनीतिक दलभित्र एकै अवस्था नरहेपनि माधव नेपाल र उपेन्द्र यादवको पार्टीमा केही जटिलता रहेपनि ती जटिलतालाई सामुहिक समस्याका रुपमा लिनुपर्ने बताए । यद्यपी गठबन्धनमा रहेका सवै पार्टी गणतन्त्रका लागि योगदान दिएकै पार्टीहरू भएको बताए ।

संविधान बनाउने र सिध्याउने प्रवृतिहरु उस्तै हुन नसक्ने भन्दै प्रचण्डले ओली पहिलो पटक प्रधानमन्त्री भएका बेला पनि संविधान नबन्ने देखेर नै विकल्प खोजिएको बताए । उनले केपी ओली र विपक्षी गठबन्धन उस्तै हुन नसक्ने भन्दै आफुहरु भन्दा राम्रा नेता ल्याए छोड्न तयार रहेको बताए ।

प्रचण्डले ओली आइ ‘एम द स्टेट’ भनेर हिँडिरहेको भन्दै यति धेरै गल्ती गर्दा पनि गल्ती स्वीकार गर्न तयार नभएको बताए ।

भर्खरै प्रकाशित

मुख्यमन्त्री कार्यालयमा बन्धक बनाएर जबरजस्ती नक्कली विज्ञप्ति बनाइयो : बिमला…

काठमाडौं। लुम्बिनी प्रदेशकी सांसद विमला खत्री वली पुनः नेकपा माओवादी केन्द्रमा फर्किएकी छन्। यसअघि माओवादी केन्द्रको सम्पर्कबाहिर रहेकी उनी एमालेमा प्रवेश गरेको विज्ञप्तिहरु सार्वजनिक भएका…

प्रधानमन्त्री देउवा पुत्र जयवीर सिंहलाई झुक्याइयो

काठमाडौं । प्रधानमन्त्री शेरबहादुर देउवाका छोरा जयविर सिंह देउवा पनि राजनीतिमा सक्रिय हुन थालेको छन् । हाल पार्टी भित्रका नेताहरुसँग दोस्ती बढाउन चरणमा छन् ।…

फेरि माओवादीमै फर्किइन बिमला वली

लुम्बिनी प्रदेश सभा सदस्य विमलाकुमारी खत्री वली पुन माओवादी केन्द्रमै फर्किएकी छन्। पछिल्लो एक सातादेखि पार्टीसँग ‘सम्पर्कविहीन’ भएकी उनी बुधबार आफैं पार्टीको सम्पर्कमा आएकी हुन्।…

यसकारण देउवाले प्राधिकरणका कार्यकारी निर्देशकलाई हटाउन खोजे, उच्च अधिकारीको पनि…

देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत् प्राधिकरणको कामप्रति असन्तुष्टि व्यक्त गरेको छ ।…

आर्थिक सङ्कटमा पाकिस्तान : प्रधानमन्त्री इमरान खानको सरकारी आवास अब…

पाकिस्तानका प्रधानमन्त्री इमरानको सरकारी आवास अब भाडामा उपलब्ध हुनेछ । आर्थिक सङ्कटबाट गुज्रिरहेको पाकिस्तानले इस्लामाबादस्थित प्रधानमन्त्री इमरान खानको सरकारी निवास सर्वसाधारणलाई भाडामा दिने तयारी गरेको…