एकैपटक १० बच्चा जन्मेको कुरा ‘फेक न्यूज’ सावित : यसरी फैलिएको रहेछ समाचार

काठमाडौं । दक्षिण अफ्रिकाकी एक महिलाले एकैपटक १० बच्चालाई जन्म दिएको समाचार असत्य भएको पाइएको छ । जुनको सुरुमा सार्वजनिक भएको समाचारको विषयमा गरिएको सोधपुछको क्रममा यस्तो पाइएको हो ।

दक्षिण अफ्रिकाको गाउटेङ प्रान्तले कुनै पनि अस्पतालमा कुनै पनि महिलाले एकैपटक १० बच्चालाई जन्म दिएको रेकर्ड नपाइएको बताएको छ ।

यसअघि सार्वजनिक भएको समाचारमा गोसिआमे सिथोले नाम गरेकी महिलाले एकैपटक १० बच्चा जन्माएको उल्लेख गरिएको थियो । तर, उनको मेडिकल परीक्षण गर्दा सिथोले हालै गर्भवती नै नभएको पाइएको सरकारको तर्फबाट सार्वजनिक गरिएको विज्ञप्तिमा उल्लेख गरिएको छ ।

३७ वर्षीया ती महिलालाई अहिले मानसिक स्वास्थ्य स्याहारको लागि राखिएको छ र उनलाई आवश्यक परेको अवस्थामा थप सहयोग दिइने विज्ञप्तिमा उल्लेख छ । यद्यपि यो समाचार कसरी फैलियो भन्ने विषयमा भने विज्ञप्तिमा उल्लेख गरिएको छैन ।

यद्यपि, यो समाचार पहिलोपटक प्रकाशित गरेको प्रिटोरिया न्युज सञ्चालन गर्ने इन्डिपेन्डेन्ट अनलाइनले भने यो समाचारमा आफू अडिग रहेको बताएको छ । कम्पनीले सिथोलेले गत जुन ७ मा १० बच्चालाई स्टिभ बिको एकेडेमिक अस्पतालमा जन्म दिएकी थिइन् । तर, अस्पताल भने १० बच्चालाई एकैपटक डेलिभरी गराउन तयारी नगरिएको इन्डिपेन्डेन्ट अनलाइनको दाबी छ । साथै अस्पताल प्रशासनले औषधि उपचारमा गरेको बेवास्तालाई लुकाउने प्रयास गरेको उसले बताएको छ ।

सरकारी अधिकारीले भने यसको खण्डन गरेका छन् । सरकारको तर्फबाट जारी गरिएको विज्ञप्तिमा प्रिटोरिया न्युजका प्रधान सम्पादकविरुद्ध कानुनी कारबाही गरिने उल्लेख छ ।

कसरी फैलियो समाचार ?

गोसिआमे सिथोले र उनका पति तेबोहो त्सोतेत्सी गाउटेङ प्रान्तको थेम्बिसामा बस्छन् । उनका ६ वर्षका जुम्ल्याहा बच्चा छन् । इन्डिपेन्डेन्ट अनलाइनका अनुसार प्रिटोरिया न्‍यूजको रिपोर्टर र उनीहरु एकै चर्चमा जान्थे । गत डिसेम्बरमा उनीहरुबीच भेट भएको थियो । गत मे महिनामा रिपोर्टरले ती दम्पत्तीसँग अन्तर्वार्ता लिएका थिए । जसमा उनीहरुले आठजना बच्चा जन्मिन सक्ने बताएका थिए । सो क्रममा सिथोलेको फोटो पनि खिचिएको थियो ।

प्रिटोरिया न्युजले गत जुन ८ मा १० बच्चा एकैसाथ जन्मिएको समाचार प्रकाशित गरेको थियो । समाचारको स्रोतको रुपमा सिथोलेका पतिलाई उद्धृत गरिएको छ । यद्यपि केही समयपछि तेबोहो त्सोतेत्सीले आफू कोरोना भाइरसको कारण अस्पताल नगएको तर आफूलाई पत्नीले म्यासेज पठाएको बताएका थिए ।

प्रिटोरिया न्युजले ह्वाट्सएपको एक म्यासेजमाथि भरोशा गरेर समाचार प्रकाशित गरेको थियो । तर, अस्पतालले यो समाचारको पुष्टि गरेको थिएन । स्थानीय मेयरले पनि यो समाचारको पुष्टि गरेका थिए । जसको कारण यो समाचार धेरै प्रतिष्ठित सञ्चारमाध्यमहरुले प्रसारण गरेका थिए । पछि भने मेयरले पनि परिवारका सदस्यको भनाइको आधारमा उक्त समाचार पुष्टि गरेको तर आफूहरुले बच्चा नदेखेको बताएका थिए ।

१० बच्चाको जन्म दिएको भनिएकी महिलाको नाममा ७० हजार डलरभन्दा धेरै रकम सहयोग उठेको थियो । यद्यपि यो समाचारबारे आशंका बढ्दै गयो । सुरुमा प्रिटोरिया न्युजले अस्पतालको नाम भन्न सकेन भने उक्त प्रान्तका अस्पतालहरुले यो डेलिभरीमा आफूहरु सामेल नभएको प्रतिक्रिया दिए ।

इन्डिपेन्डेन्ट अनलाइनका अनुसार पछि सिथोलेको दम्पत्तीबीच विवाद उत्पन्न भएको थियो । त्यसपछि सिथोलेका पतिले आफ्नी पत्नी बेपत्ता भएको भन्दै सहयोग नगर्न अपिल गरेका थिए । यद्यपि सिथोलेले भने बच्चाको नाममा आएको सबै सहयोग पतिले राख्न खोजेको आरोप लगाएकी थिइन् ।

यसैबीच सामाजिक कार्यकर्ताहरुले सिथोलेलाई भेट्टाउन सफल भए र उनलाई गत शुक्रबार अस्पतालमा भर्ना गरिएको थियो । जहाँ उनको स्वास्थ्य परीक्षण गरिएको थियो । बीबीसीबाट

भर्खरै प्रकाशित

मुख्यमन्त्री कार्यालयमा बन्धक बनाइयो, अपहरणकाे मुद्दा दायर गर्छु : बिमला…

काठमाडौं। लुम्बिनी प्रदेशकी सांसद विमला खत्री वली पुनः नेकपा माओवादी केन्द्रमा फर्किएकी छन्। यसअघि माओवादी केन्द्रको सम्पर्कबाहिर रहेकी उनी एमालेमा प्रवेश गरेको विज्ञप्तिहरु सार्वजनिक भएका…

प्रधानमन्त्री देउवा पुत्र जयवीर सिंहलाई झुक्याइयो

काठमाडौं । प्रधानमन्त्री शेरबहादुर देउवाका छोरा जयविर सिंह देउवा पनि राजनीतिमा सक्रिय हुन थालेको छन् । हाल पार्टी भित्रका नेताहरुसँग दोस्ती बढाउन चरणमा छन् ।…

फेरि माओवादीमै फर्किइन बिमला वली

लुम्बिनी प्रदेश सभा सदस्य विमलाकुमारी खत्री वली पुन माओवादी केन्द्रमै फर्किएकी छन्। पछिल्लो एक सातादेखि पार्टीसँग ‘सम्पर्कविहीन’ भएकी उनी बुधबार आफैं पार्टीको सम्पर्कमा आएकी हुन्।…

यसकारण देउवाले प्राधिकरणका कार्यकारी निर्देशकलाई हटाउन खोजे, उच्च अधिकारीको पनि…

देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत् प्राधिकरणको कामप्रति असन्तुष्टि व्यक्त गरेको छ ।…

आर्थिक सङ्कटमा पाकिस्तान : प्रधानमन्त्री इमरान खानको सरकारी आवास अब…

पाकिस्तानका प्रधानमन्त्री इमरानको सरकारी आवास अब भाडामा उपलब्ध हुनेछ । आर्थिक सङ्कटबाट गुज्रिरहेको पाकिस्तानले इस्लामाबादस्थित प्रधानमन्त्री इमरान खानको सरकारी निवास सर्वसाधारणलाई भाडामा दिने तयारी गरेको…