दिपक मनाङे प्रचण्ड निवासमा, राजनीतिक घटनाक्रमबारे ‘बृहद् छलफल’

काठमाडौं । गण्डकी प्रदेशका मन्त्री दिपक मनाङेले काठमाडौं आएर माओवादी केन्द्रका अध्यक्ष पुष्पकमल दाहाल प्रचण्डसँग भेटेका छन् ।फेसबुकमा भेटघाटको तस्वीर सार्वजनिक गर्दै उनले ‘पछिल्लो राजनीतिक घटनाक्रमबारे बृहद् छलफल भएको’ बताएका छन् ।

गण्डकी प्रदेशमा शक्तिशाली मन्त्रालयको बार्गेनिङ गरिरहेका मनाङे त्यसकै लविङका लागि प्रचण्डलाई भेट्न आएको अनुमान गरिएको छ ।गण्डकी मुख्यमन्त्री कृष्ण चन्द्र पोखरेलले मनाङेसहित चार जनालाई मन्त्री नियुक्त गरे पनि कुनै मन्त्रालय दिन सकेका छैनन् ।

११ मन्त्रालयमध्ये शक्तिशाली मानिएको अर्थ मन्त्रालय जसपाले पाउने निधो भइसकेको छ । त्यसपछि आन्तरिक मामला र भौतिक पूर्वाधार मन्त्रालयका लागि कांग्रेस माओवादी र मनाङे संघर्षमा छन् । प्रचण्डलाई भेट्न मनाङे अर्जेन्टिनाको जर्सी लगाएर खुमलटारस्थित उनको निवासमा पुगेका थिए ।

राजनीतिले दीपक मनाङे जस्ता डनलाई पनि बिगारेरै छाड्यो : सुरेश मानन्धर 

आखिर राजनीतिले दीपक मनाङे जस्ता डनलाई पनि बिगारेरै छाड्यो । अहिले भर्खरै गण्डकी प्रदेशका पूर्वमुख्यमन्त्री पृथ्वीसुब्बा गुरुङले भन्नुभयो कि दीपक मनाङेले उहाँलाई धोका दियो । शायद होला पनि । अब मुख्यमन्त्री जस्तो मान्छेले भनेको कुरा होइन कसरी भन्ने ?

तर, दीपक मनाङेले धोका दिए भनेको सुन्दा मलाईचाहिँ अचम्म लागेको छ । हामीलाई पनि थाहा छ, दीपक मनाङे नेपालको गुण्डागर्दी क्षेत्रमा लागेको दशकौं भइसक्यो ।

यो क्षेत्रमा उनको आफ्नै खालको प्रतिष्ठा छ । उनले कतिलाई ठोके, कति अपहरण गरे, कति फिरौती मागे त्यो सबैलाई थाहा छ । तर दीपक मनाङेले जतिसुकै अपराधहरू गरे पनि आजसम्म कसैलाई धोका दिए भनेको चाहिँ मैले सुनेको थिइन ।

उनी डरलाग्दा डन भए पनि कसैलाई धोका दिने खालका डनचाहिँ होइनन् तर राजनीतिमा लागेपछि हेर्नोस्, तीनै वर्षमा धोका दिनेजस्ता काम पनि गर्न थाले । के यो उनलाई राजनीतिले बिगारेको होइन ? मात्र तीन वर्षमा एउटा सोझासिधा डनलाई झुत्रै हुने गरी बिगारिदियो ।

मलाई त लाग्छ, गएको तीन दशकसम्म डनगिरी गर्दा पनि नबिग्रेको दीपक मनाङेको इज्जत अहिले राजनीतिमा लागेको यो तीन वर्षमै शून्यमा झर्ला जस्तो छ । गत तीन दशकमा नभएको बदनामी अब यो तीन वर्षमा होला जस्तो छ । बिचरा !

भर्खरै प्रकाशित

फेरि माओवादीमै फर्किइन बिमला वली

लुम्बिनी प्रदेश सभा सदस्य विमलाकुमारी खत्री वली पुन माओवादी केन्द्रमै फर्किएकी छन्। पछिल्लो एक सातादेखि पार्टीसँग ‘सम्पर्कविहीन’ भएकी उनी बुधबार आफैं पार्टीको सम्पर्कमा आएकी हुन्।…

यसकारण देउवाले प्राधिकरणका कार्यकारी निर्देशकलाई हटाउन खोजे, उच्च अधिकारीको पनि…

देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत् प्राधिकरणको कामप्रति असन्तुष्टि व्यक्त गरेको छ ।…

आर्थिक सङ्कटमा पाकिस्तान : प्रधानमन्त्री इमरान खानको सरकारी आवास अब…

पाकिस्तानका प्रधानमन्त्री इमरानको सरकारी आवास अब भाडामा उपलब्ध हुनेछ । आर्थिक सङ्कटबाट गुज्रिरहेको पाकिस्तानले इस्लामाबादस्थित प्रधानमन्त्री इमरान खानको सरकारी निवास सर्वसाधारणलाई भाडामा दिने तयारी गरेको…

मुकेश अम्बानीको आम्दानी : हरेक मिनेट १.७६ करोड, कुल सम्पत्ति…

एक मिनेटको समय निकै कम हुन्छ । तर ६० सेकेन्डको यही समय भारतका सबैभन्दा धनी व्यवसायी मुकेश अम्बानी र उनको कम्पनी रिलायन्स इन्डस्ट्रिज लिमिटेडका लागि…

सानिमा लाइफ इन्सुरेन्स कम्पनीको आईपीओ खुल्यो ,कति कित्ता आवदेन दिने…

सानिमा लाइफ इन्स्योरेन्सले भोलि साउन २० गतेदेखि सर्वसाधारणमा आईपीओ निष्काशन गर्ने भएको छ। कम्पनीले ६० करोड रुपैयाँ बराबरको ६० लाख कित्ता आईपीओ जारी गर्न लागेको…