रोनाल्डोले दुईवटा बोतल हटाइदिँदा कोकाकोलाले ४ खर्ब ६९ अर्ब गुमायो

पोर्चुगलका क्रिस्टियानो रोनाल्डो सामाजिक सञ्जालमा विश्वकै धेरै फ्यान, फलोअर्स भएका एकजना सेलिब्रेटी हुन्। उनको कुनै पनि एक कदमले सजिलै उथलपुथल ल्याइदिन सक्छ। यस्तै उथलपुथल र आँधीबेहेरी रोनाल्डोले विश्वकै सबैभन्दा धेरै बिक्ने भनिएको कोकाकोला कम्पनीमा ल्याइदिएका छन्।

विश्व चर्चित पेयपदार्थ कोकाकोलाले स्टार फुटबलर क्रिस्टियानो रोनाल्डोका कारण एकै दिन चार खर्ब ६९ अर्ब रुपैयाँ घाटा व्यहोर्नु परेको छ। कोकाकोलाले एकै दिन साढे ४ बिलियन डलरको सेयर मूल्य गुमाएको हो।

यस्तो ठूलो घाटा कोकाकोलाले रोनाल्डोले दुईवटा बोतल हटाइदिँदा ब्यहोरेको हो। पोर्चुगलका कप्तान रोनाल्डोले सोमबार युरो कपअन्तर्गत हंगेरीविरुद्धको खेलअघिको पत्रकार सम्मेलनका क्रममा मञ्चमा राखिएका कोकाकोलाका दुईवटा बोतल हटाएर पानीको बोतल राखिदिएका थिए।

युरोकपका क्रममा लिइएको रोनाल्डोको यो भिडियो समाजिक सञ्जालमा भाइरल भएपछि कोकाकोलाको सेयर मूल्यमा पहिरो नै गएको छ। रोनाल्डोले पत्रकार सम्मेलनका क्रममा आफूलाई शारीरिक रुपमा तन्दुरुस्त राखिरहन कोकाकोलाको सट्टा पानी पिउन सल्लाह दिएका थिए। यहीकारण कम्पनीले अहिलेसम्मकै ठूलो क्षति व्यहोर्नु परेको हो।

रोनाल्डोले कोकाकोलाको बोतल फ्रेमबाट हटाइदिएपछि कम्पनीको ब्राण्ड र सेयर मूल्यमा भारी गिरावट आएको हो। यसअघि कोकाकोलाको एक कित्ता सेयर ५६.१० डलर (५ हजार ६० रुपैयाँ) मा किनबेच भइरहेको थियो। रोनाल्डोको यो कदमपछि कोक कम्पनीको सेयर १.६ अंकले घटेर ५५.२२ (४ हजार ९७९ रुपैयाँ) मा कारोबार भइरहेको छ। यस्तै कोकाकोलाको नेट वर्थ २४२ बिलियन डलरबाट झरेर २३८ बिलियन डलरमा खुम्चिएको छ।

युरो कपको मुख्य प्रायोजक कोकाकोलाले रोनाल्डोको यो कदमपछि विज्ञप्ति निकालेर हरेक व्यक्तिले आफ्नो स्वाद र आवश्यकता अनुसार पेय पदार्थ रोज्न पाउने तर्क गरेको थियो। उसले खेलाडीलाई पत्रकार सम्मेलन कक्षमा आउँदा पानीसँगै कोकाकोला र कोकाकोला जिरो सुगर दिने गरिएको जनाएको छ।

कोकाकोला युरो २०२० को आधिकारिक प्रायोजकमध्ये एक भएकाले बोतल टेबलमा मार्केटिङका लागि राखिएको हुन्छ। रोनाल्डो सामाजिक सञ्जालमा एकदमै चर्चित छन्। इन्स्टाग्राम उनका लगभग ३ करोड फलोअर्स छन्।

युरोकप प्रतियोगिताको मुख्य प्रयोजक कोकाकोला रहेको छ। रोनाल्डोको उत्कृष्ट प्रदर्शनमा मंगलबार राति भएको खेलमा हंगेरीमाथि ३-० को सहज जित निकाल्दै पोर्चुगलले युरो कपमा सानदार सुरुवात गरेको छ । पोर्चुगलको जितमा रोनाल्डोले २ र राफेल गुरेरो १ गोल गरेका थिए ।

भर्खरै प्रकाशित

फेरि माओवादीमै फर्किइन बिमला वली

लुम्बिनी प्रदेश सभा सदस्य विमलाकुमारी खत्री वली पुन माओवादी केन्द्रमै फर्किएकी छन्। पछिल्लो एक सातादेखि पार्टीसँग ‘सम्पर्कविहीन’ भएकी उनी बुधबार आफैं पार्टीको सम्पर्कमा आएकी हुन्।…

यसकारण देउवाले प्राधिकरणका कार्यकारी निर्देशकलाई हटाउन खोजे, उच्च अधिकारीको पनि…

देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत् प्राधिकरणको कामप्रति असन्तुष्टि व्यक्त गरेको छ ।…

आर्थिक सङ्कटमा पाकिस्तान : प्रधानमन्त्री इमरान खानको सरकारी आवास अब…

पाकिस्तानका प्रधानमन्त्री इमरानको सरकारी आवास अब भाडामा उपलब्ध हुनेछ । आर्थिक सङ्कटबाट गुज्रिरहेको पाकिस्तानले इस्लामाबादस्थित प्रधानमन्त्री इमरान खानको सरकारी निवास सर्वसाधारणलाई भाडामा दिने तयारी गरेको…

मुकेश अम्बानीको आम्दानी : हरेक मिनेट १.७६ करोड, कुल सम्पत्ति…

एक मिनेटको समय निकै कम हुन्छ । तर ६० सेकेन्डको यही समय भारतका सबैभन्दा धनी व्यवसायी मुकेश अम्बानी र उनको कम्पनी रिलायन्स इन्डस्ट्रिज लिमिटेडका लागि…

सानिमा लाइफ इन्सुरेन्स कम्पनीको आईपीओ खुल्यो ,कति कित्ता आवदेन दिने…

सानिमा लाइफ इन्स्योरेन्सले भोलि साउन २० गतेदेखि सर्वसाधारणमा आईपीओ निष्काशन गर्ने भएको छ। कम्पनीले ६० करोड रुपैयाँ बराबरको ६० लाख कित्ता आईपीओ जारी गर्न लागेको…