मोदीसँग ओलीको अनुरोध : नेपाललाई अरु देशको तुलनामा फरक व्यवहार होस्

काठमाडौं । प्रधानमन्त्री केपी शर्मा ओलीले भारतीय समकक्षी नरेन्द्र मोदीलाई अरु देशको तुलनामा नेपालसँग फरक व्यवहार गर्न आग्रह गरेका छन् । बीबीसीको हिन्दी अनलाइन संस्करणले ओलीसँगको संक्षिप्त अन्तरवार्ता प्रकाशित गरेको छ, जसमा ओलीले भारतीय समकक्षीसँग यस्तो आग्रह गरेका हुन् । कोरोना संक्रमण र भारतबाट प्राप्त सहयोगका साथै वर्तमान सम्बन्धका बारेमा केन्द्रित रहेर बीबीसीले प्रधानमन्त्री ओलीसँग कुराकानी गरेको हो ।

प्रस्तुत छ, अन्तरवार्ताको अनुवादित अंश

कोरोना महामारीका क्रममा नेपाल निकै कठिन समय देखेको छ, के भारतले तपाईलाई त्यति नै मद्दत गर्यो, जति गर्नु पर्दथ्यो ?

– त्यसो त मलाई कुनै नकारात्मक कुरा गर्नु छैन । फेरि पनि, हुन सक्छ कि अदालतको फैसला वा खोपको कमीका कारणले होस्, भारतमा पनि संक्रमणको उस्तै लहर थियो, त्यस कारणले पनि हुनसक्छ ।

तर हामी यसरी सोचिरहेका छौं कि हामीले जति मद्दत पाउनु पर्थ्यो… एउटा छिमेकी…, जसको सम्बन्ध यसरी जोडिएको छ, कि भारतमा यदि कोभिड नियन्त्रण भयो र नेपालमा भएन भने भारतमा नियन्त्रण हुनुको अर्थ रहँदैन । यो पनि ‘ट्रान्समिसन’ भइहाल्छ ।

हामीले सीमा बन्द गर्ने हो भने पनि यो रोकिँदैन । किनकि स्थानीय मानिसका दुवैतर्फ नातेदार छन् । यति छिमेकमा रहन्छन् कि उनीहरुको बसोबास सँगसँगै हुन्छ । यस्तो सम्बन्धलाई हामी चाहेर पनि रोक्न सक्दैनौं ।

हामीले यति मद्दत पाउनु पर्थ्यो.. यो भारतका हितका लागि पनि हो ।

प्रधानमन्त्री नरेन्द्र मोदीका लागि तपाईको के सन्देश छ ?

म प्रधानमन्त्री नरेन्द्र मोदीसँग निवेदन गर्दछु कि अरु देशको तुलनामा फरक व्यवहार गर्नुहोस् । हामी छिमेकी हौं । हाम्रो सीमाना खुला छ र आवागमन छ । यदि दुई देशका बीचमा पहाड हुन्थ्यो भने सीमा खुला हुनका बाबजुद आउजाउ गर्न मुस्किल हुन्थ्यो । तर दुवैतर्फ खेतबारी छ । एउटा घर सीमाको वारी छ भने अर्को घर सीमा पारी छ । त्यहाँका मानिस हरेक कुराका लागि आउजाउ गर्दछन् ।

त्यसैले यी सब कुरालाई ध्यानमा राख्नुहोस् । हाम्रो मित्रतापूर्ण सम्बन्ध छ, त्यसलाई पनि ध्यानमा राख्नुहोस् ।

भारतले हामीलाई पूर्ण रुपमा मद्दत गर्नुपर्छ । म यो भनिरहेको छैन कि भारतले हामीलाई मद्दत गरेको छैन । हामीले लिक्विड अक्सिजन र औषधि, धेरै कुरा भारतबाट ल्याएका छौं । भारत सहयोग गरिरहेको छ । सबैभन्दा पहिला हामीलाई खोप दिएकोमा पनि म भारतलाई धन्यवाद दिन्छु ।

के नेपालमाथि अब चीनको प्रभाव बढी छ, किनकि कोरोना महामारीमा चीन तपाईहरुलाई मद्दत गरिरहेको छ ?

यसमा राजनीतिलाई बीचमा ल्याउन जरुरी छैन । यसमा कसैको प्रभावको कुनै कुरा छैन । भारतले खोप दिन्छ, चीनले दिन्छ, अमेरिकाले दिन्छ, ब्रिटेनले दिन्छ । जसले दिन्छ, ठिक छ । यो खोपको मामिला हो, राजनीतिको मामिला होइन । त्यसैले यसमा राजनीति गर्नु हुँदैन । हामी दुवै छिमेकीलाई धेरैधेरै धन्यवाद दिन्छौं किनकि एउटाले हामीलाई १८ लाख खोप दियो भने अर्कोले २० लाख । दुवैबाट मद्दत प्राप्त भइरहेको छ । दुवै मुलुकबाट स्वास्थ्य उपकरण प्राप्त भइरहेको छ । त्यसैले दुवै मुलुकलाई धन्यवाद दिन्छौं ।

विगत ६ वर्षमा प्रधानमन्त्री नरेन्द्र मोदी र तपाईबीच केही मनमुटाव देखियो, आजको मितिसम्म नेपालको भारतसँगको सम्बन्धमा तपाईको मत के छ ?

एक त मलाई लाग्छ, हामी छिमेकी हौं त्यसैले समस्या भइरहन्छ । समस्या किन पैदा हुन्छ ? चिली र अर्जेन्टिनाका मानिससँग न प्रेम न घृणाको सम्बन्ध छ । अचेल फेसबुकको जमाना छ । त्यसबाट केही यताउता हुन पनि सक्छ तर त्यसको सम्भावना धेरै कम हुन्छ । हामीलाई त्यहाँ जानु पनि छैन र उताका मानिसलाई यहाँ आउनु पनि छैन । न प्रेमको न घृणाको सम्बन्ध छ । जब छिमेकको कुरा आउँछ, त्यहाँ प्रेम र समस्या पैदा भइरहन्छ ।

त्यसो भए प्रेम अब समस्यामा परिवर्तन भएको हो ?

कहिलेकाहीँ भ्रम पनि पैदा भएको थियो । अब भ्रम हटिसकेको छ । त्यसमै अल्झिरहन हुँदैन । भविष्यलाई हेरेर अघि बढ्नुपर्छ । हामीले नकारात्मक पक्षलाई होइन, सकारात्मक पक्षलाई अघि बढाउनुपर्छ ।

भर्खरै प्रकाशित

भिक्टोरिया क्रस विजेता तुलबहादुर पुनको नाममा बेलायतमा रेल सेवा शुरू

नरेन्द्र बस्नेत / राताेपाटी लण्डन । भिक्टोरिया क्रस विजेता गोरखा सैनिक तुलबहादुर पुनको नाममा बेलायतमा बुधबारबाट रेल सेवा शुरू गरिएको छ । लन्डनको प्याडिङटन स्टेशनमा…

अदालतले रबहादुर देउवालाई प्रधानमन्त्री बनाउन आदेश दिन सक्ने

कानुन व्यवसायीहरूले नेपाली कांग्रेसका सभापति शेरबहादुर देउवाले आफ्नो स्पष्ट बहुमत दाबी गर्दै दायर गरेको रिट निवेदनमा सांसदहरू आफैं अदालतमा आई हस्ताक्षर गरेकाले देउवालाई प्रधानमन्त्री बनाउन…

फागुनमा सकिँदैछ मेयर शाक्यको पाँचवर्षे कार्यकाल, कहाँ पुग्यो नगरवासीले चढ्ने…

आजभन्दा चार वर्षअघि काठमाडौं महानगरपालिकाको मेयरमा चुनाव लड्दै गर्दा विद्यासुन्दर शाक्यले आफ्नो कार्यकालमा काठमाडौंमा मेट्रो रेल र मोनो रेल कुदाउने प्रतिवद्धता जनाएका थिए । मेयर…

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…