पैसा कमाउन मद्दत गर्न नयाँ फिचर थप्दै फेसबुक, धेरै ‘लाइभ स्ट्रिम’ गर्नेलाई बढी पैसा दिने

फेसबुक र इन्स्टाग्रामले आफ्ना सिर्जनाकर्ता (क्रिएटर) लाई बढी पैसा कमाउन मद्दत गर्न नयाँ फिचरहरूमा काम गरिरहेको छ। क्रिएटर विक कार्यक्रममा फेसबुकका सिइओ मार्क जुकरबर्गले प्लेटफर्ममा नयाँ फिचर प्रस्तुत गरेका थिए, जसबाट यसका सिर्जनाकर्ताले केही काम गरेपछि थप नगद पैसा कमाउन सक्ने इन्ग्याजेटले बताएको छ।

यस नयाँ फिचरभित्र फेसबुकका सिर्जनाकर्ताहरुले ‘स्टार च्यालेन्ज’ मार्फत् प्लेटफर्ममा धेरै लाइभ स्ट्रिम गरेर बोनस कमाउन सक्छन्। यता इन्स्टाग्राममा भने सिर्जनाकर्ताले स्ट्रिमबाट ‘ब्याजेज’हरु बेचेर पैसा कमाउन सक्नेछन्।

गत मे महिनामा सार्वजनिक भएको ‘ब्याजेज’ सिर्जनाकर्ताहरुले आफ्नो इन्स्टाग्राम अकाउन्टबाट लाइभ स्ट्रिम गर्दा फ्यानहरुले किन्न सक्ने एउटा आइकन हो। ‘ब्याजेज’ किन्दा फ्यानहरुले सिर्जनाकर्ताहरुको कामलाई समर्थन गरेको बुझिन्छ र यसरी उनीहरुले पनि सिर्जनाकर्ताहरुको लाइभ स्ट्रिमबाट सबैको ध्यानकर्षण गराउँछन्।

यी नयाँ फिचरबाट सिर्जनाकर्ताहरु आफ्ना फ्यानहरुका लागि थुप्रै कन्टेन्ट बनाउन प्रोत्साहन हुने र धेरै समय यी प्लेटफर्ममा बिताउने इन्ग्याजेटले जनाएको छ।

‘हामी सिर्जनाकर्ताहरुले आफ्ना फ्यान र समग्र समुदायमा ल्याएको मूल्यका लागि पुरस्कृत हुनेपर्ने कुरामा विश्वास गर्दछौँ,’ कार्यक्रममा फेसबुकका सिइओ मार्क जुकरबर्गले भने, ‘उहाँहरुले एपमा रहेको सपिङ पोस्टबाट पनि थप कमिसन कमाउन सक्नेछन्।’

सपिङ पोस्ट अन्तर्गत सिर्जनाकर्ताहरुले कुनैपनि ब्रान्डको उत्पादनलाई आफ्नो पोस्टमा ट्याग गरेर त्यसबाट हुने बिक्रीका आधारमा कमिसन पाउनेछन्।

यसरी फेसबुक र इन्स्टाग्राम प्लेटफर्म सिर्जनाकर्तालाई मात्र नभइ यसमा आबद्ध अन्य ब्रान्ड र ग्राहकलाई उपयोगी हुने मार्क जुकरबर्गले बताएका छन्।

भर्खरै प्रकाशित

खोपको राजनीति डरलाग्दो, अमेरिकाको पछि लाग्दा भारतलाई पीर

भारतको सेरम रिसर्च सेन्टरले लाखौं अमेरिकी डलर बैना बुझेर पनि नेपाललाई १० लाख डोज कोभिसिल्ड महिनौं बितिसक्दा दिएको छैन । खोप उत्पादन कम भएको कारण…

भारतमा साधु ‘बाबा’ को अवतारमा पूर्वप्रधानन्यायाधीश दामोदर शर्मा !

काठमाडौं । यो तस्बिर कस्को होला ? झट्ट हेर्दा यो तस्बिर पशुपतिको कुनै सन्यासी/जोगीको जस्तो लाग्छ । तर, होइन यो फोटो अहिले सामाजिक सञ्जालमा भाइरल…

मेलम्ची : जब पाँच गोदाम खाद्यान्नका मालिक भोकै भए…

मेलम्ची । मेलम्ची बजारको उत्तरी छेउमा अवस्थित एक खाद्यान्न पसलको भुइँमा बीस प्याकेट तोरीको तेल सुकाइएको छ । छेउमा ६१ वर्षीय ज्ञानेन्द्र श्रेष्ठ झोक्राएर बसिरहेका…

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…