एमालेमा तेस्रो शक्तिशाली भीम रावल

काठमाडौं । नेकपा एमालेमा को कति शक्तिशाली छ भन्ने अहिलेको शक्तिसंघर्षले देखाएको छ । अध्यक्ष केपी शर्मा ओली र अर्का नेता माधवकुमार नेपालबीचको शक्तिसंघर्षले यी दुई नै मुख्य शक्ति भएको प्रमाणित भइसकेको छ ।

एमालेमा ओली सबैभन्दा शक्तिशाली छन् । उनीसँग पार्टीको ५५ प्रतिशत पकड देखिन्छ । विघटित प्रतिनिधि सभामा ओलीसँग ८० प्रतिशत भन्दा बढी पकड देखिएको छ । तर, प्रदेशमा पुग्दा ७० को हाराहारीमा मात्र देखिन्छ । स्थानीय तहमा घटेर ६० प्रतिशत मात्र रहेको देखिन्छ । तल्लो तहको कार्यकर्तामा भने आधा आधा जस्तो छ ।

माधव नेपालको पकड तल्लो तहका कार्यकतामा छ । स्थानीय तह र प्रदेशमा पनि उनको एमालेभित्र बलियो पकड छ । केन्द्रमा हस्तीहरु पनि उनको साथमा छन् । विघटित प्रतिनिधि सभाका सांसदमध्ये भने ओली बलियो छन् ।

एमालेभित्र बामदेव गौतमको पनि केही पकड छ । तर, पछिल्लो समय उनको शक्ति घट्दै गएको देखिन्छ । गौतम एकता अभियानमा छन् । गौतम पकडका हिसाबले विगतमा तेस्रो स्थानमा थिए । तर, अहिले उनको शक्ति घटेको देखाउँछ ।

एमालेभित्र तेस्रो शक्तिशाली भीम रावल देखिएका छन् । उनको सुदूरपश्चिममा केपी शर्मा ओलीको भन्दा बढी प्रभाव छ । रावल नेकपा एमालेबाट निष्काशित भइसकेका छन् । तर, उनको एमालेभित्रको पकड निकै रहेको मङ्गलबार सुदूरपश्चिम प्रदेशका मुख्यमन्त्री त्रिलोचन भट्टले विश्वासको मत लिंदा देखिइसकेको छ ।

रावलले नवौं महाधिवेशनमा उपाध्यक्ष निर्वाचित हुँदा बामदेव गौतम र विद्यादेवी भण्डारीभन्दा बढी मत ल्याएका थिए । उनले केन्द्र देखि प्रदेश र स्थानीय तहसम्म कार्यकर्तामाझ पकड बनाएको देखिन्छ । एमालेभित्र रावल ओली र नेपालपछि तेस्रो शक्तिशाली बनेका छन् । सुदूरपश्चिममा एमालेका २५ सांसदमध्ये १७ जनाले पार्टी ह्वीप उल्लंघन गरेका थिए । त्यसमा रावलकै मुख्य भूमिका थियो ।

रावलले लामो समययता ओलीको चर्को आलोचना गर्दै आएका छन् । उनी जुझारु नेताका रुपमा परिचित हुँदै आएका छन् । धेरैले उनलाई कम्युनिस्ट पार्टीको भावी नेताका रुपमा पनि लिएका छन् ।

भर्खरै प्रकाशित

यस कारण फिलिपिन्स सरकारले यस कारण नष्ट गर्दैछ महँगा कारहरू

फिलिपिनो सरकारले गाडी तस्करहरूलाई चेतावनी दिन २१ वटा लक्जरी कार नष्ट गरेको छ। शुक्रबार सरकारको आदेशमा अनुमानित अमेरिकी १.२ मिलियन डलरको गाडी नष्ट गरिएको अटो…

नेपालमा भेटियो डेल्टा भेरियन्टमा नयाँ म्युटेसन, पुरानो भन्दा अझ संक्रामक

काठमाडौं । नेपालमा कोरोना संक्रमण फैलाएको डेल्टा भेरियन्ट मा नयाँ म्युटेसन भेटिएको छ । यो डेल्टा भेरियन्टभन्दा अझ संक्रामक मानिने जनस्वास्थ्यविद्हरु बताउँछन् । स्वास्थ्य तथा…

मुस्ताङको काभ्रेभीरमा पहिरोले पुरियो मालवाहक ट्रक

जोमसोम । उत्तर-दक्षिण जोड्ने राष्ट्रिय गौरवको बेनी-जोमसोम सडकखण्ड अन्तर्गत मुस्ताङ र म्याग्दीको सिमाना काभ्रेभीर सडकमा आइतबार दिउँसो एक मालवाहक ट्रक पहिरोले पुरिएको छ । मुस्ताङको…

एमालेभित्रका पुर्वमाओवादी : ओलीसँग असन्तुष्टि र समूहमा अन्तरकलह

काठमाडौँ । एकपछि अर्को गरी नाटकीयरूपमा विकसित राजनीतिक घटनाक्रमले एमालेभित्रका ‘माओवादी’ नेताहरू असमञ्‍जसमा परेका छन् । न सन्तोषजनक भूमिका न त भविष्यको स्पष्ट मार्गचित्र, बरु…

दिपक मनाङे प्रचण्ड निवासमा, राजनीतिक घटनाक्रमबारे ‘बृहद् छलफल’

काठमाडौं । गण्डकी प्रदेशका मन्त्री दिपक मनाङेले काठमाडौं आएर माओवादी केन्द्रका अध्यक्ष पुष्पकमल दाहाल प्रचण्डसँग भेटेका छन् ।फेसबुकमा भेटघाटको तस्वीर सार्वजनिक गर्दै उनले ‘पछिल्लो राजनीतिक…