अमेजन सीईओ जेफ बेजोस अन्तरिक्षमा जाने, जुलाई २० मा उडान

विश्वका सर्वाधिक धनी व्यक्तिको रुपमा रहेका अमेजन कम्पनीका संस्थापक तथा सीईओ जेफ बेजोस अन्तरिक्षयात्रामा जाने भएका छन् ।

आफ्नो अन्तरिक्ष कम्पनी ब्लु ओरिजिनले निर्माण गरेको रकेट यान न्यू शेर्फडको पहिलो मानवयुक्त उडानमा बेजोस अन्तरिक्षमा जाने भएका हुन् ।

बेजोसको अन्तरिक्ष उडान आगामी जुलाई २० तारेखका लागि तय भएको छ । जुलाई ५ मा अमेजनको सीईओ पदबाट राजीनामा दिने घोषणा गरिसकेका बेजोसले अमेजन प्रमुखको जिम्मेवारीबाट मुक्त भएसँगै अन्तरिक्षको यात्रामा जाने सोँच बनाएका हुन् ।
ब्लु ओरिजन कम्पनीका अनुसार उक्त उडानमा बेजोससँगै उनका कान्छा भाइ मार्क बेजोस पनि सँगै हुनेछन् ।

सोमबार बिहान इन्स्टाग्राममा पोस्ट गर्दै ५७ वर्षीय बेजोसले भनेका छन् : म पाँच वर्षको हुँदादेखि नै अन्तरिक्षमा यात्रा गरेको सपना देख्थेँ । जुलाई २० मा म मेरो भाइसँगै उक्त यात्रामा निस्कनेछु । सबैभन्दा ठूलो एडभेन्चर, मेरो सबैभन्दा असल साथीसँग ।
यदि बेजोसको योजना सफल भएमा उनी आफ्नै कम्पनीले तयार पारेको रकेटमार्फत् अन्तरिक्षमा पुग्ने पहिलो अर्वपति हुनेछन् । उनको कम्पनीले रकेटयान निर्माणका लागि करोडौँ डलर खर्च गरिसकेको छ ।

जेफ बेजोसको अवधारणा अनुसार बाह्य अन्तरिक्षमा मानव बस्ति यसरी बसालिनेछ।

स्मरण रहोस् अन्तरिक्ष कम्पनी भर्जिन ग्यालाक्टिकका मालिक बेलायती अर्बपति रिचार्ड ब्रान्सनले समेत निकट भविष्यमा अन्तरिक्ष उडानको योजना बनाएका छन् । उनको कम्पनी ब्लु ओरिजिनसँग प्रत्यक्ष प्रतिस्पर्धामा रहेको छ ।

भर्जिन ग्यालाक्टिकको पहिलो रकेटयुक्त जहाजको उडानबाट आफु अन्तरिक्षयात्रामा जाने ब्रान्सनले घोषणा गरिसकेका छन् । उनको अन्तरिक्ष उडान यो वर्ष सन् २०२१ को अन्त्यसम्ममा हुनसक्ने अनुमान गरिएको छ ।

उता अन्तरिक्ष उडानका लागि व्यवसायिक रकेटहरु निर्माण गरी प्रक्षेपणसमेत गरिसकेको स्पेस एक्स कम्पनीका मालिक अर्बपति एलन मस्कले चाहिँ अहिलेसम्म अन्तरिक्ष यात्रा गर्ने सोँच सार्वजनिक गरेका छैनन् ।

जेफ बेजोसको अन्तरिक्ष यात्रामा ५९ फुटको रकेटसँगै ६ सिट भएको क्याप्सुल प्रयोग हुनेछ । ११ मिनेटको उडानमा रकेट पृथ्वीभन्दा ६० माइल माथि पुग्नेछ।

पछिल्लो ६ वर्षसम्म न्यु शेर्फड नामक रकेट तथा क्याप्सुलको गहन तथा गोप्य परीक्षण पश्चात् गत मे महिनामा ब्लु ओरिजिन कम्पनीले उक्त यानबाट पहिलोपटक अन्तरिक्षयात्रीलाई पठाउने घोषणा गरेको थियो ।

उक्त ६ सिटे क्याप्सुलमा यात्राका लागि कतिवटा टिकट बिक्री गर्ने भन्ने विषयमा कम्पनीले कुनै जानकारी गराएको छैन । तर एउटा सिट चाहिँ हाल अगाडि बढाइएको लिलामीको बिजेतालाई प्रदान गरिनेछ । हालसम्मको लिलाम बढाबढमा उक्त एक सिटको शुल्क २८ लाख डलर पुगिसकेको छ ।

 

भर्खरै प्रकाशित

रूपा सुनारको भिडिओ ब्लग- तिमीजस्तै मान्छे हो भनेर कति ठाउँ…

काठमाडौं । तनहुँकी २४ वर्षीया रूपा सुनारलाई थरकै कारण घरबेटीले कोठा नदिएको विषयले अहिले चर्चामा छ। यहीँ विषयलाई लिएर सामाजिक सञ्जालमा विभिन्न खालका टिप्पणी भएका…

महामारी होस् या बाढी पहिरो : मौन रहने यी स्टार

उसो त, सामाजिक कार्य गर्दा प्रचार नै गर्नुपर्छ भन्ने छैन । केही प्याकेट चाउचाउ र नुन बाड्दा पनि फोटो खिचाएर ठूलै हल्ला गर्नेहरुको जमात यहाँ…

धनाढ्यले पनि छाड्दैनन् सामाजिक सुरक्षा भत्ता

चितवन । वार्षिक २६ किलो हाराहारी सुनको व्यापार गर्ने नारायणगढ बजारका एक व्यापारी विश्वकै महँगोमध्येको मर्सिडिज कार चढेर छोराको पोषण भत्ता लिन वडा हुँदै बैंक…

कतारले विश्वकप हेर्न आउने १० लाख दर्शकलाई कोरोनाभाइरसको खोप निशुल्क…

कतार सरकारले अर्को वर्ष हुने फिफा विश्वकपका खेलहरू हेर्न रंगशालामा जाने दर्शकहरूले कोरोनाभाइरसविरूद्धको खोप लगाउनै पर्ने नियम लागू गर्ने भएको छ। प्रधानमन्त्री तथा आन्तरिक मन्त्री…

एक नेपाली प्रधानमन्त्री जो बग्गीमा बसी रुँदैरुँदै भारत गए, उतैबाट…

राणा शासनको अन्तिम कालखण्डको कुरा हो । जंगवहादुरले शुरु गरेको शासनसत्ता सय वर्ष पुग्दै थियो । तिनताका उता भारत भर्खरै अंग्रेजको उपनिवेशवाट मुक्त भएको थियो…