चीनमा बासस्थान छोडेर हिँडेका हात्ती जंगलमा सुस्ताए, सामाजिक सञ्जालमा चर्चा (फोटो सहित)

पछिल्लो समय चीनमा बासस्थान छोडेर हिँडेका हात्तीको चर्चा संसारभरि भइरहेको छ। १५ वटा हात्ती आफ्नो बासस्थान छोडेर अहिलेसम्म ५ सय किलोमिटर हिँडिसकेका छन्।

उनीहरू कहाँ जान हिँडेका हुन् भन्ने पत्तो छैन। पछिल्लो समय भने हिँड्दाहिँड्दै थाकेका हात्ती सुस्ताएको भिडिओ र तस्बिरले चीनभित्र र बाहिर सामाजिक सञ्जाल प्रयोगकर्ताको ध्यान तानेको छ।

हात्तीहरू गन्तव्यविहीन यात्रामा निस्किएपछि चिनियाँ अधिकारीहरूले उनीहरूको निगरानी गर्न अहिले ४ सय जना मानिसलाई खटाएका छन्। थुप्रै ड्रोनहरूले उनीहरूलाई पछ्याइरहेका छन्। मानिस, ड्रोन र ट्रकहरूले उनीहरूले हात्तीलाई २४ घन्टा निगरानी गरिरहेका छन्।

सोमबार चिनियाँ सरकारी टेलिभिजन सिसिटिभीले ड्रोनबाट खिचेको एउटा भिडिओ सार्वजनिक गरेको थियो। उक्त भिडिओमा कुनमिङनजिकैको जंगलमा हात्तीहरू एक-अर्काको मतलबै नगरी टाँस्सिएर सुतेका देखिन्छन्।

हात्तीहरू त्यसरी सुतेका तस्बिर पनि सामाजिक सञ्जालमा भाइरल भइरहेका छन्। युनानको सिसुवाङबन्ना स्वशासित क्षेत्रस्थित जंगल छाडेर निस्किएका ती हात्तीलाई सहरमा पस्न नदिन अधिकारीहरूले विभिन्न उपाय लगाएका छन्। हात्ती हिँड्न लागेको बाटोलाई बन्द गरेर मानिसलाई रोकिएको छ, बस्ती पस्न नदिन ठूला गाडी, पर्खालले छेकिएको छ।

फोरेस्ट्री र ग्रासल्यान्डको प्रान्तीय ब्युरोले मंगलबार कुनमिङबाट २० किलोमिटर पर रहेको युक्सी शहरमा हात्तीको बथान पुगेको बताएको छ।ब्युरोले कुनमिन सरकारलाई पनि खतराको संकेत समयमै दिन र सावधानी अपनाउन भन्दै अनुरोध गरेको छ।

गत वर्ष जंगल छाड्दा १६ वटा हात्ती थिए। तर एउटा हात्ती बासस्थानतर्फ फर्किएको थियो। त्यसपछि बीच बाटोमै दुई वटा हात्ती जन्मिएको नेशनल फोरेस्ट्री एन्ड ग्रासल्यान्ड एड्मिनिस्ट्रेसनले बताएको छ।

गत अप्रिलमा १७ वटा हात्ती उत्तरी युआनजियाङ्ग काउन्टी पसेपछि अधिकारीहरू सतर्क भएका थिए। त्यहाँ पुगेपछि फेरि दुइटा हात्ती पहिला आएको जंगलतिर फर्किएका थिए।

हात्तीहरू लामो यात्रामा निस्किएपछि अहिले नौ वटा ड्रोन, ट्रक र ७६ प्रहरी गाडीसहित ३६० बढी मानिस परिचालन भएका छन्। हात्तीलाई खुवाउन १८ टन खाना बनाइएको छ।

सरकारी समाचार संस्था सिन्ह्वाका अनुसार अहिलेसम्म हात्तीको यो बथानले मानवीय क्षति गरेको छैन। तर ५६ हेक्टर जमिनमा गरिएको खेतीमा क्षति पुर्‍याएको छ।

एसियाली हात्ती विज्ञ चेन मिङयोङ्गले चीनमा हात्तीहरू यसरी पहिलो पटक लामो दूरीमा हिँडेको बताए। ‘एसियाली हात्तीहरू बसाइ सर्नु सामान्य हो तर यो केही सीमित क्षेत्र भित्रमात्रै हुने गर्छ। यसरी यति लामो दूरीको यात्रा गर्नु एकदमै दुर्लभ हो,’ चेनले भने,’उनीहरूको गन्तव्य कहाँ हो भन्ने हामी भन्न सक्दैनौं।’ उनले हात्तीको यो बथानको नाइकेसँग अनुभवको कमीले सबै हात्ती गलत दिशामा लागेको हुनु पर्ने बताए।

 

भर्खरै प्रकाशित

भारतमा साधु ‘बाबा’ को अवतारमा पूर्वप्रधानन्यायाधीश दामोदर शर्मा !

काठमाडौं । यो तस्बिर कस्को होला ? झट्ट हेर्दा यो तस्बिर पशुपतिको कुनै सन्यासी/जोगीको जस्तो लाग्छ । तर, होइन यो फोटो अहिले सामाजिक सञ्जालमा भाइरल…

मेलम्ची : जब पाँच गोदाम खाद्यान्नका मालिक भोकै भए…

मेलम्ची । मेलम्ची बजारको उत्तरी छेउमा अवस्थित एक खाद्यान्न पसलको भुइँमा बीस प्याकेट तोरीको तेल सुकाइएको छ । छेउमा ६१ वर्षीय ज्ञानेन्द्र श्रेष्ठ झोक्राएर बसिरहेका…

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…

मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान…

काठमाडौं । मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान थालेका छन् । अमेरिकाले विदेशी पर्यटकका लागि पनि सजिलै कोरोनाविरुद्धको खोप दिन थालेपछि…