केपी ओली आधुनिक नेपालका राष्ट्र निर्माता हुन् : महेश बस्नेत

काठमाडौं । नेकपा (एमाले)का केन्द्रीय सदस्य महेश बस्नेतले माधवकुमार नेपाल पथभ्रष्ट बाटोमा हिँडेको आरोप लगाएका छन् । युवा संघ नेपाल केन्द्रीय सचिवालय बैठकलाई सम्बोधन गर्दै एमालेका असन्तुष्ट झलनाथ खनाल, माधवकुमार नेपालसहितका नेताहरू ‘एमालेको सिता खाएर शेरबहादुर देउवाको गीता’ गाउन थालेको बताएका हुन् ।

उनले माधवकुमार नेपालहरू हिजो ‘प्रतिगमन आधा सच्चिएको भन्दै ज्ञानेन्द्र शाहले बनाएको सरकारमा जान हतारिएको र आज प्रतिगमन भन्दै हिँडेको भन्दै आश्चर्य प्रकट गरे ।

माधवकुमार नेपालहरू कहीँ नपुग्ने उनको ठोकुवा थियो । उनले तत्कालीन माओवादीले जनयुद्धका नाममा अर्बौंको भौतिक संरचना ध्वस्त बनाएको र त्यही कारणले मुलुक पछि परेको बताए ।

त्यतिबेला ध्वस्त भएका संरचना अहिले निर्माण हुन थालेको बस्नेतको जिकिर थियो । उनले नेता नेपालहरू पश्चात्ताप गर्दै एमालेमा ओलीसँग मिल्नै आइपुग्नुपर्ने बताए ।

“हिजो झलनाथ र माधवकुमार नेपालले चलाएको पार्टी हेरौँ । हिजो एमाले न पोथी, न भालेको अवस्थामा, लिंग नछुट्टिएको अवस्थामा थियो । आज अन्तर्राष्ट्रिय मञ्चमा केपी ओलीको खोजी हुन थालेको छ । राष्ट्र प्रमुखहरूको सम्मेलनमा नेपाल फर्स्ट बेञ्चर बन्न थालेको छ । हिजो ब्याक बेञ्चर थियो,” युवा संघका इन्चार्जसमेत रहेका उनले भने ।

उनले केपी ओली आधुनिक नेपालका निर्माता भएको जिकिर गरे । उनले केपी ओली मनमोहनपछिको विकासवादी नेता भएको बताए ।

“केपी ओली आधुनिक नेपालका निर्माता हुन्, तथ्यहरूले यही भन्छ,” उनको जिकिर थियो । हुलाकी राजमार्ग, मदन भण्डारी, मध्यपहाडी राजमार्ग प्रधानमन्त्री ओलीकै पालमा बनेको र सडक सञ्जाल निर्माणको तथ्यले पनि उनी विकासवादी नेता भएको ठहर्ने बस्नेतको भनाइ थियो ।

उनले सामाजिक सञ्जालमा एमाले, केपी ओलीविरुद्ध भ्रम फिँजाइएको भन्दै त्यस्ता तत्त्वहरूलाई युवा संघ नेपालले साइबर सेना बनाएर उनीहरूलाई तह लगाउनुपर्ने बताए ।

“सामाजिक सञ्जालमा भ्रम फैलाउनेहरूलाई तह लगाउन हामी नै काफी छौँ । सरकारको संरचना चाहिँदैन । हामीले तह लगाउनुपर्छ,” उनले भने ।

उनले डा. बाबुराम भट्टराई सामाजिक सञ्जालमा प्रधानमन्त्रीविरुद्ध भ्रम फिँजाउने मध्यराति बालुवाटारमा गएर ओलीसँग सरकारको नेतृत्व माग्ने द्वेध चरित्रको भएको बताए ।

“उपेन्द्र यादव आफू स्वास्थ्यमन्त्री हुँदा मधेसका मुद्दा कहाँ हाले ? कहाँ लुकाए ?” उनको प्रश्न थियो, “जसपाका केही नेताहरू अमूक मन्त्री पाए हामी तपाईंहरूबाट टाढा हुँदैनौँ भनिराख्नुभएको छ । माओवादी केन्द्रका केही सांसद हामी पनि एमालेमा आउँछौँ भनिरहेका छन् । कांग्रेसभित्र पनि त्यस्तै छ । हामी यस्ता क्रियाकलाप लाग्दैनौँ । उहाँहरूले नै हामीलाई सांसद अपहरण गरे भन्ने आरोप लगाउँछन् ।”

उनले एमालेलाई सबल, सुदृढ बनाएर आगामी निर्वाचनमा दुई तिहाइ मत ल्याउन सक्षम हुनुपर्ने पनि बताए । त्यसका लागि युवा संघले भ्रष्टाचार गर्दैनन्, अनियमितता गर्दैनन् भन्ने तथ्य स्थापित गर्नुपर्ने पनि बताए । उनले युवा सदाचारको बाटोमा अग्रसर हुँदा युवा आन्दोलन सवल हुने पनि बताए ।

भर्खरै प्रकाशित

‘प्लस टु’ सञ्चालन गर्दै गुरुकुल एकेडेमी, राम्रो अङ्क ल्याउने विद्यार्थीलाई निशुल्क…

घोराही।  दाङको घोराहीमा रहेको गुरुकुल एकेडेमीले चालू शैक्षिक वर्षदेखि कक्षा ११ र १२ सञ्चालन गर्ने भएको छ। जिल्लामा गुणस्तरीय शिक्षणसंस्था रुपमा स्थापित भएको गुरुकुल एकेडेमीले…

निषेधाज्ञामा होटल खोल्नेलाई चार लाख जरिवाना तिराइने

काठमाडौं जिल्ला प्रशासन कार्यालयले निषेधाज्ञाको समयमा होटल खोल्ने संचालकलाई चार लाख रूपैयाँ जरिवाना गरेको छ। काठमाडौं महानगरपालिका वडा नम्बर ११ त्रिपुरेश्वरस्थित युनाइटेड बिजनेश होटलका म्यानेजर…

अब जुम्लामा एमबीबीएस पढाइ हुने : २५ सिट दिने आयोगको…

जुम्ला। अब जुम्लामा चिकित्सक उत्पादन गर्ने बाटो खुला भएको छ । कर्णाली स्वास्थ्य विज्ञान प्रतिष्ठान जुम्लामा चिकित्साशास्त्रको स्नातक तह (एमबीबीएस) कार्यक्रम सञ्चालन गर्न स्वीकृति प्राप्त…

‘पहाडे समुदायलाई पनि मधेश सरकारमा राख्नु’ : प्रदेश प्रमुख झा

जनकपुरधाम । प्रदेश नम्बर २ का मुख्यमन्त्री लालबाबु राउत गद्धीलाई मन्त्रिपरिषद समावेशी बनाउन भन्दै प्रदेश प्रमुख राजेश झा अहिराजले पत्र लेखेका छन् । प्रदेश २…

निषेधाज्ञाकै बीचमा आकर्षण बन्यो रूखमाथि बनेको ‘घर’

० जेठ, तनहुँ । निषेधाज्ञाका बेला जिल्लाका पर्यटकीयस्थल यतिबेला सुनसान छ । तर म्याग्दे गाउँपालिका-२ स्थित ज्यानटाङ सामुदायिक वनमा निर्माण गरिएको रूखमाथि बनेको घरले भने…