ओली पक्षमा लागेको भनिएका योगेशलगायतका नेता माधव पक्षमै फर्किए

काठमाडौं । नेकपा एमाले अध्यक्ष केपी ओली पक्षमा लागेको भनिएका योगेश भट्टराईलगायतका नेताहरू फेरि माधव नेपाल पक्षमै फर्किएका छन् । भट्टराईलगायत घनश्याम भुषाल, सुरेन्द्र पाण्डेलगायतका नेताहरू फेरि नेपाल पक्षमै फर्किएका हुन् ।

माधव पक्षका सांसदले जेठ ७ गते प्रधानमन्त्रीमा कांग्रेस सभापति शेरबहादुर देउवालाई समर्थन गर्दै हस्ताक्षर गरे पनि भट्टराई, भुषाल, पाण्डेलगायतका नेताहरूले हस्ताक्षर गरेका थिएनन् । त्यसपछि उनीहरूलाई ओली पक्षमा लागेको आंकलन गरिएको थियो ।

तर, देउवाको पक्षमा हस्ताक्षर गर्न अस्वीकार गरेको राति नै ओलीले फेरि संसद विघटन गरेकोले उनीहरूले ओलीलाई साथ दिन नसक्ने र नेपाल पक्षमै लाग्ने जानकारी गराइसकेका छन् । उनीहरू यसअघि संसद् विघटनविरुद्ध आन्दोलनमा उत्रिएका थिए । फेरि नेपाल पक्षमा लागेर उनीहरू संसद् विघटनविरुद्ध लाग्ने भएका छन् ।

उनीहरू अहिले संसद् विघटनविरुद्ध अदालतमा रिट दर्ताका लागि हस्ताक्षर संकलन गर्ने स्थानमा पुगिसकेका छन् । यसअघि आइतबार बिहान भट्टराईले कार्बाही, प्रतिशोध र बदलाको राजनीतिले कसैलाई सहि गन्तव्यमा नपुर्याउने भन्दै संवाद गर्न आग्रह गरेका थिए ।

कांग्रेस प्रचण्डपथमा हिँडेको देख्दा ताजुव लाग्यो : प्रधानमन्त्री ओली

प्रेस चौतारी नेपालको आयोजनामा बालुवाटारमा आइतबार आयोजित पत्रकार सम्मेलनमा प्रधानमन्त्री ओलीले  संघीय लोकतान्त्रिक गणतन्त्रात्मक प्रणालीलाई व्यवस्थित गरी देशलाई विकासको बाटोमा अगाडि बढाउन सरकार लागिपरेको प्रधानमन्त्रीले बताए ।

आफूलाई प्रजातान्त्रिक शक्ति भन्नेहरुले पनि प्रचण्डपथमा हिडेको देख्दा आफूलाई ताजुव लागेको उनले टिप्पणी गरे । ‘केपी ओलीले गराएको निर्वाचनमा भाग नलिने कुरा सुनिरहेको छुँ, कसले गराएको निर्वाचनमा भाग लिने हो ? यो कुन लोकतान्त्रिक अभ्यास हो ?’ प्रधानमन्त्री ओलीले भने, ‘काँग्रेस उत्तेजना र आवेशमा प्रचण्डपथमा लागिरहेको छ ।’

एमालेका केही नेतालाई उकासेर सरकार बनाउने सपना काँग्रेसले देखिरहेको र यो दलीय व्यवस्थालाई मजबुत बनाउने अभ्यास नभएको उनले बताए । लोकतन्त्रमा क्षणिक स्वार्थमा लाग्न कोही नहुने उनले बताए । दलीय अनुशासन, पद्धतिलाई भुलेर कोही अगाडि बढ्न नहुने उनले बताए ।

अरु पार्टीको अनुशासन तोडाएर, अनुचित हथ्कण्डा अपनाएर अगाडि बढ्दा हामी कहाँ पुग्छौं ? काँग्रेसतिर संकेत गर्दै प्रधानमन्त्री ओलीले यस्तोबेलामा नेपालका बुद्धिजिवीसमेत चुइँक्क बोल्न नसकेको देख्दा चिन्ता लागेको बताए ।

भर्खरै प्रकाशित

महामारी होस् या बाढी पहिरो : मौन रहने यी स्टार

उसो त, सामाजिक कार्य गर्दा प्रचार नै गर्नुपर्छ भन्ने छैन । केही प्याकेट चाउचाउ र नुन बाड्दा पनि फोटो खिचाएर ठूलै हल्ला गर्नेहरुको जमात यहाँ…

धनाढ्यले पनि छाड्दैनन् सामाजिक सुरक्षा भत्ता

चितवन । वार्षिक २६ किलो हाराहारी सुनको व्यापार गर्ने नारायणगढ बजारका एक व्यापारी विश्वकै महँगोमध्येको मर्सिडिज कार चढेर छोराको पोषण भत्ता लिन वडा हुँदै बैंक…

कतारले विश्वकप हेर्न आउने १० लाख दर्शकलाई कोरोनाभाइरसको खोप निशुल्क…

कतार सरकारले अर्को वर्ष हुने फिफा विश्वकपका खेलहरू हेर्न रंगशालामा जाने दर्शकहरूले कोरोनाभाइरसविरूद्धको खोप लगाउनै पर्ने नियम लागू गर्ने भएको छ। प्रधानमन्त्री तथा आन्तरिक मन्त्री…

एक नेपाली प्रधानमन्त्री जो बग्गीमा बसी रुँदैरुँदै भारत गए, उतैबाट…

राणा शासनको अन्तिम कालखण्डको कुरा हो । जंगवहादुरले शुरु गरेको शासनसत्ता सय वर्ष पुग्दै थियो । तिनताका उता भारत भर्खरै अंग्रेजको उपनिवेशवाट मुक्त भएको थियो…

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…