अहिलेको सन्दर्भमा के हो भारतको नेपाल मिशन ?

  • अभयरमण मिश्र

घटनाक्रमलाई हेर्दै जाऊँ त,पोहोर रास्ट्रपतिले नीति तथा कार्यक्रम वाचन गर्नुअघि बालुवाटारको पार्टी स्थायी समिति बैठकमा बहुमत नेताहरुले प्रधानमन्त्रीलाई कालापानी समेटिएको नक्सा जारी गर्न कति जबर्जस्ती गरे ? ओलीको रहर थियो त्यो ? कहर थियो ।

राष्ट्रपति र प्रधानमन्त्रीलाई त्यसरी बाध्य गराउने साराका सारा नेता अहिले कुन हालतमा छन् ? त्यसपछिका सबै खेल भारतकै हो । पहिलो, नेकपा फुटाउने । त्यसअन्तर्गत उसले पहिले प्रचण्डलाई बाहिर निकाल्यो । एउटा बलियो कम्युनिस्ट पार्टी टुक्र्याउनु आफैमा ठूलो सफलता थियो । त्यसपछिको दोस्रो खेल रह्यो,एमालेलाई ब्रेक गरिदिने ।

दश वर्ष यता एमालेले कमाएका ग्लामरस फेसहरुलाई तितरबितर पारिदिने । दुई-चार जना पछिल्लो समय ओलीतिर फर्केर जान इच्छुक योगेश भट्टराईहरुको पनि कुनै हैसियत त्यहाँ रहनेवाला छैन । तिनले दिएको मानो खाएर बस्नुपर्ने हुन्छ । ‘खाए खा नभए घिच’ भनेजस्तो स्थिति हुन्छ । यो भनेको सेकेण्ड ब्रेक भयो ।

आम मान्छेले देख्दाखेरि काँग्रेस र मधेसीको वीचमा राम्रो एलाएन्स हुनुपर्ने । अझ उपेन्द्र यादवभन्दा पनि महन्थ ठाकुरसङ्ग काँग्रेसको बढी मिलजुल हुनुपर्ने । उनका निम्ति काँग्रेसले चुनावी क्षेत्र खाली गरिदिएको पनि हो ।

स्वयं महन्थको काँग्रेस पृष्ठभूमि मिल्नुपर्ने त तिनै हो तर यथार्थ त्यस्तो छैन । तथ्य के हो भने नेपाली काँग्रेस र महन्थ अथवा जसपाको वीचमा कहिल्यै मीठो चुनावी तालमेल हुनै सक्दैन । किनभने हरेक निर्वाचन क्षेत्रमा नेपाली काँग्रेसका बलिया उम्मेदवारहरु छन् ।

मधेसको आठ जिल्लामा कतै पनि अपवादबाहेक त्यस्तो ठाउँ छैन,जहाँ काँग्रेसले सजिलै आफ्ना मान्छेलाई ब्याक गर्न सकोस् । जहाँ काँग्रेसका खम्बाहरु छन्,त्यहाँ मधेसका पनि खम्बाहरु छन् । त्यसकारण जतिसुकै अहिले दुईटाको वीचमा प्याचअप भएपनि इलेक्टोरल अलायन्स भनेको असम्भव चिज हो ।

जोडबलले समझदारी गर्‍यो गर्‍यो अन्तिम राती गएर कुरा बिगृयो । त्यसैकारण मधेसको हितमा राजेन्द्र,महन्थ र काँग्रेस मिलेर जान हुन्छ भन्ने रिपोर्ट भारतले पाएन । उनीहरुले सोचे- केन्द्रदेखि तलसम्म तालमेलका लागि ओली सबैभन्दा राम्रो विकल्प हो । किन ? यसको दुईटा कारण छ ।

एउटा हो,जहाँ ओलीको मान्छे छ,घृणाको राजनीतिका कारणले त्यहाँबाट मधेसी भोट ओलीलाई खासै आउँदैन । मधेसी नेताले देऊ कि देऊ भनेपनि आउँदैन । ओलीलाई कमजोर पार्नको लागि योभन्दा ठूलो हतियार अरु के चाहियो ? जबकि मधेशीलाई ओलीको पक्का भोट डोकोको डोकै जान्छ ।

ओलीको भोट लिने,आफ्नो मधेसी सेन्टिमेन्टको भोट पनि लिने भएपछि को जित्छ ? हेट पोलिटिक्सको कारण मधेसीको भोट ओलीलाई राम्ररी गएन भने ओली यत्तिकै कमजोर हुन्छ ।

बाहिर मान्छेले देख्दा छक्क पर्दै महन्थ र ओली कसरी मिलेको होला भन्छन् तर वास्तविकता यही हो र बुझेरै इण्डियाले अन्तिमसम्म यिनको गठबन्धन टिकाएको हो । त्यसमाथि महन्थजीकै मान्छेहरु प्रायः सबै लोभी छन् । उनीहरुलाई पैसा पाए,मन्त्री पाए पुग्यो । भारतको अर्को खास एजेण्डा आजको मितिमा भन्नुपर्दा संविधान नै फालिदिने हो ।

२०४७ को संविधानको धारा १२६ ले नै त्यो संविधान खायो । मान्छेले राजाको कारण भन्छन्,त्यो सबै बेकार कुरा हो । त्यो संविधान गएको धारा १२६ ले नै हो । यसपाली चाहिँ चुच्चे नक्साले यो संविधान खानै लागेको छ । कालापानीलाई भारतले बाहिर नभने पनि कस्मिरको केही भागलाई पाकिस्तान अकुपाइड कस्मिर (पीओके) जस्तै रुपमा बुझेको छ । उनीहरुले यसपालि बाहिर नदेखिने गरी आफ्नो काम सम्पन्न गरेका छन् ।

देखाउनलाई त ओलीलाई बचाएको देखियो तर खासमा यो ओलीको काँधमा तोप राखेर भारतले आफूबिरोधीहरुलाई एक एक गरी ठेगान लगाएको हो । विभिन्न धारका यत्तिका परिपक्व नेताहरु हुँदाहुँदै भारत कसरी सफल भयो त भन्ने कुराको एउटा पक्ष छ,यो संघीयता भनेको वेस्टर्न डोमिनेन्ट फिलोसफी हो । त्यसकारण उनीहरू यो संघीयता फाल्न चाहँदैनन् ।

तर संघीयता खत्तम हुने स्थितितिर देश जाँदा पश्चिमाहरुले थेग्न सके त ? देवप्रकाश त्रिपाठीजी जस्ता एकथरि मित्रहरु बातैपिच्छे क्रिश्चियानिटी बढ्यो आदि इत्यादि भनेर हिन्दूत्व फर्काउने र सँघीयता मिल्काउने अभियानमा हुनुहुन्छ । उहाँहरुले अनेक रूपमा ओलीलाई सघाउनुभएको छ ।

अर्को कुरा, चाइनिजहरुको यत्रो ठूलो लगानी छ नेपालमा । आजको दिनसम्म सबैभन्दा ठूला र धेरै ठेक्काहरु उसैले पाएको छ । नेपालको राजनैतिक सन्दर्भमा बढी चलखेल गर्दा अहिले उनीहरु टोटल्ली फेल भएका छन् । उनीहरुले जति पनि प्रोजेक्ट नेपालमा पाए,ती सबैको पैसा खास खास ब्यक्ति ब्यक्तिमा गयो । त्यो पैसा ती व्यक्तिले आफ्नो गुटको निम्ति पनि खर्च गरेनन् । नाइदर प्रचण्ड नर केपी ओली । सबै आफैँ ।

इश्वरले जे पाए उनैले कुम्ल्याए । थाहा छैन भोलिको दिनमा यिनीहरुले कहाँ त्यसरी पैसा राख्न सक्छन् ! चाइनिजहरुको ठ्याक्कै राजाको जस्तो डिप्लोमेसी । जस्तो दरवारलाई मलजल गर्ने,केही केही फिक्स नेतालाई च्यापेर बस्ने । तर भारतीयहरुको लगानी ब्ल्याँकेट लेभलमा छ ।

एमालेकै चर्चित नेताले ६० लाख रुपैयाँसम्म चुनाव खर्च लिएका छन् । अब दोहोरिने मन्त्रीले पनि २५ लाख पाएका छन् दूतावासबाट । ३० जना त्यस्ता मान्छे त नोटेड छन् । भविष्य हेरेर पैसा बाँडेको छ भारतले तर, चाइनिजहरुको त्यो स्थिति रहेन ।

चाइनिजले ब्ल्यांकेट लेभलमा यो काम गर्नै सकेन । उसको लगानी जति छ त्यो व्यक्तिकहाँ छ । देखिन्छ,लेफ्टिस्टहरुको घर ठडिएको । अब त परिस्थिति बदलियो । कोर्टले के गर्छ थाहा छैन ।

मोदीजी नेतृत्वको भारतलाई आफूजस्तै बिरोधीप्रति असहिष्णु स्वभावको जंगबहादुर नै चाहिएको हो । राम्रो विचार भएको मनमोहन न भारतलाई पच्यो न त किसुनजी न ठीक जँच्यो । गिरिजाप्रसादलाई लठैत भनि भनी बदनाम गरे तर उनी लठैत त होइनन् ।

उनले आफ्नो समयमा गरेको डेमोक्रेटिक भ्यालुजहरु हेरौँ न । चारजना वामपन्थीले उनै गिरिजालाई फासफुस पारेर सूर्यनाथ उपाध्यायलाई अख्तियारको हाकिम बनाएको हो नि ! गिरिजाबाबुलाई यो मान्छेले भोलि आफ्नै टाउकोमा लात हान्छ भन्ने थाहा नभएको होर ! साभार : जन आस्था 

भर्खरै प्रकाशित

बाढी पहिरोका कारण मेलम्ची खानेपानी आयोजनामा एक अर्ब बढीको क्षति

काठमाण्डाै । गएकाे हप्ताकाे निरन्तर वर्षापछि गएको पहिराले मेलम्ची खानेपानी आयोजनामा एक अर्ब रुपैयाँभन्दा बढीको क्षति भएको छ । आयोजनाका मुख्य संरचना सुरुङ र ‘हेडवर्क’…

छुवाछुत आरोपी घरबेटीलाई शिक्षामन्त्री कृष्णगोपाल श्रेष्ठले आफै छुटाए, आफ्नै गाडीमा…

काठमाडौँ। शिक्षा, विज्ञान तथा प्रविधि मन्त्री कृष्णगोपाल श्रेष्ठले छुवाछुत आरोपी स्वती प्रधानलाईलाइ महानगरीय प्रहरी वृत्त सिंहदरबारमै गएर रिहाइ गराएका छन्। घर भाडामा नदिएकै कारण गिरफ्तार…

प्रकृतिलाई हामीले सम्मान नगरेसम्म प्रकृतिले पनि सम्मान गर्दैन : राजेश…

काठमाडौं । देशका विभिन्न जिल्ला बाढी र पहिरोबाट प्रभावित भएको छ। सिन्धुपाल्चोक र मनाङ जिल्ला यसबाट सबैभन्दा धेरै प्रभावित बनेका छन्। बाढी र पहिरोले घरहरु…

रुपा सुनारलाई कोठा भाडामा नदिने आरोपित रिहाई

काठमाडौं । जतका कारण रुपा सुनारलाई कोठा भाडामा नदिएको आरोपमा प’क्राउ परेकी सरस्वती प्रधानको रिहाई भएकी छन् । उनी बुधबार दिउँसो रिहाई भएकी हुन् ।…

सर्वोच्च अदालतको निर्णयप्रति एमाले नेता भीम रावलले दिए यस्तो प्रतिकृया

काठमाडौं । एमाले नेता भीम रावलले पार्टी अध्यक्ष एवम् प्रधानमन्त्री केपी ओलीले गरेका घात र बेथितिलाई सर्वोच्च अदालतले खारेज गरेको बताएका छन्। मंगलबार सर्वोच्च अदालतले…