महन्थ–राजेन्द्रको साथ पाउन जन्मसिद्धका सन्तानलाई वंशज नागरिकता दिन ओली तयार

काठमाडौँ । प्रधानमन्त्री केपी शर्मा ओलीले जसपा नेपालको समर्थन पाउनका लागि जन्मसिद्ध नेपाली नागरिकका सन्तानलाई वंशजको नागरिकता दिने निर्णय गरेका छन् । नयाँ सरकार गठनका लागि मुलुकको राजनीतिक कोर्ष अचानक मोडिएसँगै ओलीलाई जसपाको साथ अत्यावश्यक भएको हो । आफ्नै नेतृत्वमा नयाँ सरकार बनाउन वा अरुको नेतृत्वमा सरकार बन्न नदिनका लागि ओलीले जसपाको साथ खोजेका हुन् ।

प्रतिनिधिसभाको अंक गणितमा अहिले सरकार गठनका लागि जसपाको भूमिका निर्णायक हुने देखिन्छ । जसपाले आफ्ना माग पूरा गर्नेलाई मात्र सहयोग र समर्थन गर्ने नीति लिएको छ । त्यसमा पनि जसपा अध्यक्ष महन्थ ठाकुर र नेता राजेन्द्र महतोले ओलीसँगै सहकार्य गर्नुपर्ने धारणा राख्दै आएका छन् ।

प्रधानमन्त्री ओलीले नागरिकतासम्बन्धी विधेयक लामो समयदेखि संसदमा विचाराधीन रहेकै समयमा बिहीबार जन्मसिद्ध नागरिकको सन्तानलाई वंशजको नागरिकता दिने निर्णय मन्त्रिपरिषद्बाट गरेका छन् । सरकारको उक्त निर्णयप्रति जसपा नेपालका अध्यक्ष ठाकुरले प्रधानमन्त्री ओलीलाई धन्यवादसमेत दिएका छन् ।

उनले बिहीबार नै प्रधानमन्त्री ओलीलाई भेटेर नागरिकतासम्बन्धी समस्या समाधान हुने गरी मन्त्रिपरिषदबाट भएको निर्णयप्रति धन्यवाद प्रकट गरेका हुन् । अब प्रधानमन्त्री ओलीले संविधान संशोधनको प्रकृया अगाडि बढाउने र जसपाको ठाकुर पक्षले ओलीलाई बहुमतको सरकार बनाउन सहयोग गर्ने गरी दुई नेताबीच सहमति भएको बालुवाटार स्रोतले जनाएको छ ।

संविधान संशोधनको विषयमा अध्ययन गर्न एउटा विज्ञ समूह बनाउने निर्णयसमेत प्रधानमन्त्री ओलीले गरिसकेका छन् । जसपा नेपालका कार्यकारिणी समितिका एक सदस्यले रातोपाटीसँग भने, ‘महन्थ ठाकुरजीले संविधान संशोधनका लागि विज्ञ समूह गठन गरेर संशोधनको प्रकृया अगाडि बढाएमा पार्टीबाटै निर्णय गराएर सरकारलाई समर्थन जनाउने प्रतिवद्धता जनाउनुभएको छ ।’

प्रधानमन्त्री ओली पनि विज्ञ समूह बनाउन तयार भएको स्रोतको दाबी छ । विज्ञ समूह बनाउनुभन्दा पहिले काँग्रेस सभापति शेरबहादुर देउवासँग समेत ओलीले छलफल गर्ने बताइएको छ । जसपाका अध्यक्ष ठाकुरसँग लगातारको छलफलपछि नै प्रधानमन्त्री ओली विश्वासको मत लिने प्रकृयामा नजाने निष्कर्षमा पुगेको जसपा स्रोत बताउँछ । सोही अनुसार बिहीबार संविधानको धारा ७६ को उपधारा ५ बमोजिमको सरकार गठनका लागि राष्ट्रपतिबाट आह्वान भएको उक्त स्रोतको दाबी छ ।

प्रधानमन्त्री ओली जसपाको सहयोगमा बहुमतको सरकार बनाउने मनस्थितिमा पुगेका छन् । उनले एमालेभित्र माधवकुमार नेपाल पक्षलाई पनि मिलाइसकेका कारण आफ्नो पार्टीका १२१ जना सांसद र जसपाका महन्थ–राजेन्द्र पक्षमा देखिएका १९ सांसदको समर्थनमा बहुमतको सरकार बनाउन सकिने निष्कर्ष निकालेका छन् ।

जसपाले रेशम चौधरीको रिहाइ, मधेस–थहरुहट आन्दोलनका क्रममा लगाइएका मुद्दा फिर्ता, संविधान संशोधन, नागरिकताको समस्या, लाल आयोगको प्रतिवेदन सार्वजनिक लगायतका माग पूरा गर्न प्रधानमन्त्री ओलीसमक्ष माग गरेको थियो ।

त्यसमध्ये रेशम चौधरी रिहाइको प्रकृया अदालतबाट हुने आश्वासन सरकारले दिएको छ । सरकारले ११२ वटा मुद्दा फिर्ता लिइसकेको छ भने अन्य मुद्दा पनि फिर्ताको क्रममा छन् । यता, जसपाका अध्यक्षद्वय महन्थ ठाकुर र उपेन्द्र यादवबीच जसपा सरकारमा नजाने तर सरकारको नेतृत्व गर्ने अवसर आए त्यसका लागि पहल गर्ने सहमति भइसकेको छ । तर, जसपालाई सरकारको नेतृत्व दिने सम्भावना निकै कम रहेका कारण ओलीलाई नै सघाएर अगाडि बढ्ने ठाकुर–महतोले सोच बनाएको बुझिएको छ ।

जसपाका एक सांसदले भने, ‘महन्थ ठाकुर र उपेन्द्र यादवबीच जस्तोसुकै सम्झौता भए पनि जेठ ८ र ९ गते बस्ने कार्यकारिणी समितिको बैठकले गर्ने निर्णय नै आधिकारिक हुन्छ ।’ उक्त बैठकमा दुई अध्यक्षबीचको सम्झौतामा लेखिएका विषयमा पनि छलफल हुने ती नेताको भनाइ छ । सो बैठकले गर्ने निर्णयकै आधारमा पार्टी अगाडि बढ्ने उनले रातोपाटीलाई बताए ।

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…