डिभोर्सपछि बिल गेट्सले पूर्व पत्नीलाई दिए यति धेरै रकम

माइक्रोसफ्ट कम्पनीका संस्थापक बिल गेट्सले हालैमात्र सम्बन्ध विच्छेद गरेकी आफ्नी पूर्व पत्नी मेलिन्डा फ्रेन्च गेट्सलाई ३ अर्ब डलर बराबरको सम्पत्ति दिएका छन् ।

बिल गेट्सको इन्भेस्टमेन्ट कम्पनी क्यास्केडले डीरे एण्ड को नामक कम्पनीमा रहेको केही शेयर मेलिन्डाको नाममा नामसारी गरेको छ र योसँगै मेलिन्डाले डिभोर्स पश्चात् पूर्व पतिबाट कूल ३ अर्ब डलर बराबरको सम्पत्ति प्राप्त गरेकी छिन् ।

समाचार अनुसार डीरे एण्डको कम्पनीमा रहेको साढे २२ लाख कित्ता शेयर मेलिन्डाको नाममा सारिएको छ, जसको हालको मूल्य ८५ करोड १० लाख डलर हुन आउँदछ ।

यसअघि मेक्सिकन कम्पनी कोकाकोला फेम्जा र ग्रुप टेलेभिजासँगै क्यानेडियन नेसनल रेलवे कम्पनी र अटोनेसन इंकमा रहेको झण्डै १ अर्ब ८० करोड डलर शेयरको हिस्सा समेत बिल गेट्सले पूर्व पत्नीको नाममा सारिदिएका थिए ।

बिल गेट्स र मेलिन्डाबीचको डिभोर्सलाई अहिलेसम्मकै महंगो मानिएको छ र डिभोर्सपछि यतिधेरै सम्पत्ति पूर्वपत्नीलाई दिएका घटना दुर्लभ नै हुन्छन् ।

बिल गेट्सले स्थापना गरेको इन्भेस्टमेन्ट कम्पनी क्यास्केडले भ्यालु स्टकदेखि, प्राइभेट इक्विटी, उर्जा, हस्पिटालिटी तथा भेन्चर क्यापिटल लगायतका क्षेत्रमा लगानी गरेको छ । यो कम्पनीसँग ५२ अर्ब डलर बराबरको इक्विटी होल्डिंग्स रहेको बताइन्छ ।

बिल गेट्स र मेलिन्डा अमेरिकाका सबैभन्दा ठूला जन्मिदार मध्येमा पनि पर्दछन् । कृषि उपकरण निर्माता कम्पनी डीरीमा पनि क्यास्केटको १० प्रतिशत शेयर रहेको छ, जसको मूल्य ११ अर्ब ९० करोड डलर हुन आउँछ ।

ब्लुम्बर्गका अनुसार क्यास्केडको सबैभन्दा ठूलो लगानी चाहीँ फोहोरमैला संकलन कम्पनी रिपब्लिक सर्भिसमा रहेको छ । उक्त कम्पनीमा क्यास्केडको स्वामित्वमा रहेको शेयरको मूल्य १२ अर्ब डलर रहेको छ ।

स्मरण रहोस् यसअघि सन् २०१९ मा अमेजन सिइओ जेफ बेजोस र उनकी पत्नी म्याकेन्जी स्कट बेजोसबीच पनि यस्तै महंगो डिभोर्स भएको थियो । डिभोर्सपछि बेजोसले आफ्नी पूर्व पत्नीलाई अमेजन कम्पनीमा रहेको आफ्नो शेयरको १६ प्रतिशत हिस्सा प्रदान गरेका थिए ।

बेजोसकी पूर्व पत्नी म्याकेन्जी हाल विश्वकी चौथो धनी महिला हुन् । उनी सन् २०२० मा सर्वाधिक दान गर्ने महिलामध्येमा पनि पर्दछिन् । उनले लैंगिक समानताको क्षेत्रमा काम गर्ने संस्थाहरुका लागि अर्बौँ सहयोग प्रदान गरेकी छिन् ।

हालै डिभोर्स गरेका बिल गेट्सको कूल सम्पत्ति १ खर्ब ४५ अर्ब डलर रहेको छ । तर बिल गेट्सको लगानी धेरै ठाउँमा छरिएको हुनाले डिभोर्सपछि सम्पत्तिको बाँडफाँड जेफ बेजोसको जति सजिलो भने छैन । किनकी बेजोसको सम्पत्तिको अधिकांस हिस्सा अमेजन कम्पनीको शेयरकै रुपमा थियो ।

भर्खरै प्रकाशित

प्रकृतिलाई हामीले सम्मान नगरेसम्म प्रकृतिले पनि सम्मान गर्दैन : राजेश…

काठमाडौं । देशका विभिन्न जिल्ला बाढी र पहिरोबाट प्रभावित भएको छ। सिन्धुपाल्चोक र मनाङ जिल्ला यसबाट सबैभन्दा धेरै प्रभावित बनेका छन्। बाढी र पहिरोले घरहरु…

रुपा सुनारलाई कोठा भाडामा नदिने आरोपित रिहाई

काठमाडौं । जतका कारण रुपा सुनारलाई कोठा भाडामा नदिएको आरोपमा प’क्राउ परेकी सरस्वती प्रधानको रिहाई भएकी छन् । उनी बुधबार दिउँसो रिहाई भएकी हुन् ।…

सर्वोच्च अदालतको निर्णयप्रति एमाले नेता भीम रावलले दिए यस्तो प्रतिकृया

काठमाडौं । एमाले नेता भीम रावलले पार्टी अध्यक्ष एवम् प्रधानमन्त्री केपी ओलीले गरेका घात र बेथितिलाई सर्वोच्च अदालतले खारेज गरेको बताएका छन्। मंगलबार सर्वोच्च अदालतले…

पदमुक्त भएका मन्त्रीलाई प्रधानमन्त्रीले भने: ‘निवास छाडिहाल्नुपर्दैन, झण्डा छोपेर गाडी…

काठमाडौं। सर्वोच्च अदालतको अन्तरिम आदेशसँगै १८ मन्त्री र दुई राज्यमन्त्री स्वतः पदमुक्त भए पनि प्रधानमन्त्री केपी ओलीले तत्काल निवास छाडिहाल्नुपर्ने अवस्था नभएको बताएका छन्। सर्वोच्च…

भर्खरै मन्त्री भएको सम्मान लिँदालिँदै मन्त्रीपद ‘चट्’ भएपछि

रौतहट । गौर–चन्द्रनिगाहपुर सडकमा मंगलबार दिउँसो गाडीहरू लस्करै पश्चिमतिर हुइँकिए । एकैछिनमा झन्डावाला गाडीको साथै लागेर सयौं गाडीहरू अघिपछि गर्दै सदरमुकामतिर हुत्तिए । झन्डावाला गाडीमा थिए संघीय…