रेम्डिसिभिर तोकेको मूल्यभन्दा सस्तोमा दिएपछि तस्करहरूको दवावमा औषधि बिक्रीमा रोक

घोराही । दाङ जिल्लामा मिलेनियम फर्मास्युटिकल र कालिका मेडिकल हलले कोरोना संक्रमितको उपचारमा प्रभावकारी मानिएको रेम्डिसिभिर औषधि सस्तोमा दिएको भन्दै विक्री वितरणमा औषधि व्यवस्था विभागको नेपालगञ्ज कार्यालयको निर्देशनमा स्थानीय प्रशासनले रोक लगाएको छ ।

कोरोना महामारीका बेला दाङमा धेरै संक्रमितले ज्यान गुमाउनु परेको छ । सरकारले पनि समयमा रेम्डिसिभिर औषधि ल्याएर बिरामीलाई प्रयाप्त दिन नसकेका बेला स्थानीय निजी क्षेत्रका व्यवसायीहरूले सरकारले तोकेको मूल्यभन्दा १ सय रुपियाँ कममा दिएपछि कालोबजारी गर्ने तस्करहरूलाई तनाब भएको थियो ।

तस्करहरूको दवावमा औषधि व्यवस्था विभागको नेपालगञ्ज कार्यालयले रेम्डिसिभिर औषधि सस्तोमा बिक्री नगर्न दाङका प्रमुख जिल्ला अधिकारी दीर्घनारायण पौडेलमार्फत कालिका मेडिकल हल र मिलेनियम फर्मास्युटिकललाई रोक लगाइएको चर्चा घोराहीमा छ ।

घोराहीस्थित कालिका मेडिकल हलमा दाङका सहायक प्रमुख जिल्ला अधिकारी चिरञ्जीवी राना र जिल्ला प्रहरी कार्यालय दाङका डीएसपीको टोलीले मुचुल्का उठाएर रेम्डिसिभिर औषधि बिक्रीमा रोक लगाएको कालिका मेडिकल हलका सञ्चालक बद्रीप्रसाद खड्काले जानकारी दिए ।

‘कोरोना महामारीका बेला कोरोना संक्रमित गम्भीर बिरामीहरूलाई चिकित्सकको सिफारिसमा रेम्डिसिभिर औषधि बजार मूल्यभन्दा १ सय रुपियाँ कममा बिक्री गरेका थियौँ’, खड्काले भने, ‘औषधि व्यवस्था विभागको निर्देशन भनेर स्थानीय प्रशासनले रेम्डिसिभिर औषधि बिक्री गर्न रोकेको छ ।’

खड्काले रेम्डिसिभिर औषधि ४८ पिस आएकोमा ३० पिस चिकित्सकहरूको सिफारिसमा फोटो कपी राखेर रु.४८ सयमा दिएको बताए ।
बजारमा रेम्डिसिभिर औषधिको ब्ल्याकमा बिक्री हुने गरेको छ । बिरामीले न्यूनतम २० देखि १ लाखसम्ममा औषधि खरिद गरेर लगाउनुपर्ने बाध्यता भएका बेला दाङमा निजी क्षेत्रले सस्तोमा औषधि बिक्री गर्दा रोकेर अबरोध गरिएको छ ।

रेम्डिसिभिर औषधिका होलसेल मिलेनियम फर्मास्युटिकलका सञ्चालक शालिकराम आचार्यले दाङका प्रमुख जिल्ला अधिकारीसँग अनुमति लिएर रेम्डिसिभिर औषधि कालिका मेडिकल हलबाट कोरोना संक्रमितका बिरामीलाई सरकारले तोकेको भन्दा १ सय रुपियाँ कममा बिक्री गरिएको बताए ।

उनले कोरोना महामारीका बेला जनता र राज्यप्रति व्यवसायीहरूको पनि दायित्व रहने बताए ।

सोही दायित्वअनुसार आफूहरूले सरकारी मापदण्ड पूरा गरेर कोरोनाका संक्रमितलाई सस्तोमा रेम्डिसिभिर औषधि दिएको आचार्यले बताएका छन् ।

दाङका प्रमुख जिल्ला अधिकारी दीर्घनारायण पौडेलले मिलेनियम फर्मास्युटिकल र कालिका मेडिकल हलको कुनै दोष आफूले नदेखेको बताए । उनले भने, ‘औषधि व्यवस्था कार्यालय नेपालगञ्जको पत्र आएपछि हामीले कोरोनाविरुद्ध प्रभावकारी मानेर चिकित्सकहरूको सल्लाहमा प्रयोग हुँदै आएको औषधि रेम्डिसिभिर बिक्री नगर्न भनेका हौँ । औषधि व्यवस्था कार्यालय नरोक्न भन्यो भने हामीले रोक्दैनौँ ।’

औषधि व्यवस्था विभागको नेपालगञ्ज कार्यालयका प्रवक्ता धनबहादुर बोहराले घोराहीको कालिका मेडिकल हल र मिलेनियम फर्मास्युटिकलले प्रचार प्रसार गरेर रेम्डिसिभिर औषधि बिक्री गरेकाले रोक्नु परेको बताए । कोरोना महामारीका बेला बिरामीलाई औषधि खोज्न सहज होस् भनेर प्रचार प्रसार गरिएको औषधि व्यवसायीहरूको स्वीकारोक्ति छ ।

कार्यालयका प्रवक्ता बोहराले भने, ‘उहाँहरूविरुद्ध लिखित उजुरी परेको छैन । औषधि व्यवस्था विभागका महानिर्देशक भरत भट्टराईको निर्देशनमा दाङको कालिका मेडिकल हल र मिलेनियम फर्मास्युटिकललाई रेम्डिसिभिर औषधि बिक्रीमा रोक लगाउन दाङका प्रमुख जिल्ला अधिकारीलाई पत्र लेखेका हौँ ।’

बोहराले कालोबजारी गरेका कारण रेम्डिसिभिर औषधि बिक्रीमा रोक नलगाइएको स्वीकार गरेका छन् । बोहराले भने, ‘उहाँहरूले कालोबजारी गर्नुभएको छैन । सरकारले तोकेको भन्दा १ सय रुपियाँ कममा औषधि दिनुभएको छ ।’

तुलसीपुरमा रहेको राप्ती प्रादेशिक अस्पतालको फार्मेसीका ईञ्चार्ज सुलभ अधिकारीलाई रेम्डिसिभिर औषधि निजी क्षेत्रले सस्तोमा बिक्री गरेको चित्त बुझेको थिएन ।

अधिकारीले भने, ‘हामीले रेम्डिसिभिर औषधि ४९ सयमा बिक्री गरेका छौँ । निजी क्षेत्रले ४८ सयमा बिक्री गरेका छन् ।’

तपाईहरूको उजुरीमा औषधि व्यवस्था विभागले घोराहीमा रेम्डिसिभिर औषधि सस्तोमा बिक्री गर्न प्रतिबन्ध लगाएको त होइन ? भन्ने जिज्ञासामा तुलसीपुर प्रादेशिक अस्पतालको फार्मेसीका ईञ्चार्ज अधिकारीले भने, ‘हामीले त्यस्तो केही गरेका छैनैँ । उजुरी हालेका छैनौँ । हामीले किन उजुरी हाल्ने ? यस्तो नचाहिने कुरा कसले भन्यो ?’

घोराहीमा रेम्डिसिभिर औषधि बिक्री गर्न स्थानीय प्रशासनले रोक लगाएपछि चर्को बिरोध भएको छ । सामाजिक सञ्जालमा स्थानीय प्रशासन र औषधि व्यवस्था कार्यालय नेपालगञ्जमाथि आक्रोश पोखेका छन् ।

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…