‘ओलीविरोधी गठबन्धन’ सरकार बन्नेमा प्रचण्ड अझै आशावादी

काठमाडौं, ३१ वैशाख । प्रधानमन्त्री केपी शर्मा ओलीविरोधी गठबन्धन बहुमतको सरकार निर्माणमा विफल भएपनि नेकपा माओवादी केन्द्रका अध्यक्ष प्रचण्डले अझै त्यसको सम्भावना औल्याएका छन् । उनले संविधानको धारा ७६ को उपधारा ५ बमोजिम बहुमतको सरकार गठनको सम्भावना अझै बाँकी रहेको औल्याउँदै एमाले नेता माधव नेपालसँग त्यतिबेला भेट हुनसक्ने बताएका हुन् ।

कोरोना भाइरसविरुद्धको खोपको दोस्रो डोज लगाउन संसद भवन पुगेका प्रचण्डले संविधानको धारा ७६ को उपधारा ५ मा माधवकुमार नेपालसँग फेरि भेट हुनसक्ने उनको भनाई थियो । उनले माधव नेपालले धोका दिएको भन्न नमिल्ने समेत बताए । पत्रकारको जिज्ञासामा प्रचण्डले भने,‘अहिले नै माधवजीले धोका दिनुभयो भन्नु अलि बढी नै हुन्छ ।’ उनले फेरि एकै ठाउँमा पुगिने विश्वास समेत व्यक्त गरे ।

संविधानको धारा ७६ को उपधारा ५ मा भेट हुनसक्छ भन्ने जिज्ञासामा प्रचण्डले भने,‘त्यो पनि हुनसक्छ ।’ यसबाट ओलीविरोधी गठबन्धन फेरि अर्को मौकामा रणनीतिक तयारीका साथ बढेको संकेत मिलेको छ ।

संविधानको धारा ७६ को उपधारा ३ बमोजिम केपी शर्मा ओली प्रधानमन्त्री बन्नबाट रोक्ने नेपाली काँग्रेस, नेकपा माओवादी केन्द्र र जनता समाजवादी पार्टी उपेन्द्र यादव समूह विफल हुनुमा माधवकुमार नेपाल समूहको राजीनामा नआउनु पनि प्रमुख कारण बनेको थियो । नेपालले यसअघि राजीनामको तयारी गरेर सहमति गरिसकेपनि फेरि पछि हटेका थिए ।

अब संविधानको धारा ७६ को उपधारा ४ अनुसार प्रधानमन्त्री ओलीले ३० दिनभित्र विश्वासको मत लिनुपर्नेछ । उनले विश्वासको मत नलिए संविधानको धारा ७६ को उपधारा ५ अनुसार राष्ट्रपतिले दुई वा दुईभन्दा बढी दलको प्रतिनिधि सभाको बहुमतको दाबी पुर्याउने प्रतिनिधि सभा सदस्यलाई प्रधानमन्त्री नियुक्त गर्ने व्यवस्था छ ।

धारा ७६ को उपधारा ५ को सरकार गठनका लागि काँग्रेस, माओवादी केन्द्र र जसपाको उपेन्द्र यादव समूह एक ठाउँमा आउँदा माधव नेपाल पनि उक्त गठबन्धनमा जाने सम्भावना रहन सक्छ ।

भर्खरै प्रकाशित

कुटपिटको अभियोगमा ज्वाला संग्रौलासहित तीन जना पक्राउ

काठमाडौं । प्रहरी कार्यालयमा महिलामाथि कुटपिट गरेको अभियोगमा आफूलाई अभियन्ता बताउने ज्वाला संग्रौलासहित तीन जना पक्राउ परेका छन् । काठमाडौं प्रहरी प्रमुख एसएसपी अशोक सिंहका…

१५९ बोरा अवैध धानको बिउ खाल्डोमा पुरेर नष्ट

गत जेठमा चितवन र नवलपुरबाट नियन्त्रणमा लिइएको ५ हजार ६ सय ९५ किलो अवैध धानको बिउ आइतबार खाल्डोमा पुरेर नष्ट गरिएको छ। कृषि ज्ञान केन्द्र…

उपत्यकामा निजी गाडी चलाउन दिने तयारी, साँझ ५ बजे सिडिओको…

काठमाडौं । उपत्यकामा निषेधाज्ञा थप गर्दा निजी सवारी साधनलाई सञ्चालन गर्न दिने प्रशासनले तयारी गरेको छ । जोर–विजोर प्रणालीमा चल्न दिने वा अरु नियम लगाउने…

थर थाहा पाएर कोठा नदिने घरबेटी प’क्राउ

थरका कारण तनहुँकी २४ वर्षीय रूपा सुनारलाई कोठा नदिने घरबेटी प’क्राउ परेकी छन्। काठमाडौंको बबरमहलस्थित प्रधान थरकी महिलालाई महानगरीय प्रहरी वृत्त सिंहदरबारले प’क्राउ गरेको महानगरीय…

कहिलै नछुट्टिने भनेर १२३ दिनसम्म सँगै हतकडी लगाएका जोडीले टिभीमै…

आखिर सम्बन्ध बिग्रिसकेको छ र मन टुटिसकेको छ भने जति बल गर्दा पनि विवाह बन्धन टिक्न सक्दो रहेनछ । युक्रेनमा एक जोडीको हकमा यस्तै भएको…