बुढानिलकण्ठमा प्रचण्ड र उपेन्द्र यादवसँग देउवाले गरे एक घण्टा कुराकानी

नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल र जनता समाजवादी पार्टीका अध्यक्ष उपेन्द्र यादवबीच बुढानिलकण्ठमा छलफल भएको छ।

राष्ट्रपति विद्यादेवी भण्डारीले संविधानको धारा ७६ (२) अनुसार सरकार गठनको आह्वान गरेपछि तीन दलका अध्यक्षहरूबीच आज देउवा निवास बुढानिलकण्ठमा भेटवार्ता भएको हो।

‘उहाँहरूबीच करिब एक घण्टा कुराकानी भयो। समसामयिक राजनीतिक घटनाक्रम र अब कसरी अगाडि बढ्ने भन्नेमा छलफल केन्द्रीत रह्यो, थप छलफल गर्दै जाने भन्ने छ,’ स्रोतले सेतोपाटीसँग भन्यो।

छलफलमा कांग्रेसका तर्फबाट देउवासहित महामन्त्री पूर्णबहादुर खड्का र केन्द्रीय सदस्य रमेश लेखक सहभागी थिए। प्रधानमन्त्री केपी शर्मा ओलीले सोमबार प्रतिनिधि सभाबाट विश्वासको मत जुटाउन सकेका थिएनन्। ओली स्वत: पदमुक्त भएका छन्।

ओलीको पक्षमा ९३ मतमात्रै आएको थियो जबकी बहुमतका लागि १३६ सांसद चाहिन्थ्यो। एमालेकै नेता माधव नेपाल पक्षका २८ सांसदले ओलीलाई मत दिएनन् भने विपक्षमा १२४ मत परेको थियो। साथै जसपा अध्यक्ष महन्थ ठाकुर पक्षका १५ जना तटस्थ बसेका थिए।

साथै राष्ट्रपतिले सोमबार बेलुकी दलहरूलाई नयाँ सरकार गठनका लागि बिहीबारसम्म समय दिएकी थिइन्। यसैबीच कांग्रेस सभापति देउवाले नयाँ गठबन्धनसहित सरकार गठन गर्ने अग्रसरता देखाएका छन्।

प्रचण्ड र उपेन्द्रसँग छलफल गरेका देउवाले आज अपरान्ह ३ बजे पार्टी पदाधिकारी बैठक पनि राखेका छन्। जसपाभित्र नयाँ सरकारबारे भने विवाद देखिएको छ।

अध्यक्ष ठाकुर पक्षले पार्टी वैकल्पिक सरकार निर्माणमा नलाग्ने भन्दै सोमबार राति विज्ञप्ति जारी गरेका छन्। तर सोमबार नै अर्का अध्यक्ष यादवले भने नयाँ सरकार गठनका लागि आह्वान गर्न राष्ट्रपतिलाई आग्रह गर्दै देउवा र प्रचण्डसँगै मिलेर संयुक्त विज्ञप्ति जारी गरेका थिए।

जसपामा संघीय परिषद अध्यक्ष बाबुराम भट्टराई र अध्यक्ष यादव प्रधानमन्त्रीबाट ओलीको विकल्प खोज्नुपर्नेमा छन्।

 

भर्खरै प्रकाशित

१५९ बोरा अवैध धानको बिउ खाल्डोमा पुरेर नष्ट

गत जेठमा चितवन र नवलपुरबाट नियन्त्रणमा लिइएको ५ हजार ६ सय ९५ किलो अवैध धानको बिउ आइतबार खाल्डोमा पुरेर नष्ट गरिएको छ। कृषि ज्ञान केन्द्र…

उपत्यकामा निजी गाडी चलाउन दिने तयारी, साँझ ५ बजे सिडिओको…

काठमाडौं । उपत्यकामा निषेधाज्ञा थप गर्दा निजी सवारी साधनलाई सञ्चालन गर्न दिने प्रशासनले तयारी गरेको छ । जोर–विजोर प्रणालीमा चल्न दिने वा अरु नियम लगाउने…

थर थाहा पाएर कोठा नदिने घरबेटी प’क्राउ

थरका कारण तनहुँकी २४ वर्षीय रूपा सुनारलाई कोठा नदिने घरबेटी प’क्राउ परेकी छन्। काठमाडौंको बबरमहलस्थित प्रधान थरकी महिलालाई महानगरीय प्रहरी वृत्त सिंहदरबारले प’क्राउ गरेको महानगरीय…

कहिलै नछुट्टिने भनेर १२३ दिनसम्म सँगै हतकडी लगाएका जोडीले टिभीमै…

आखिर सम्बन्ध बिग्रिसकेको छ र मन टुटिसकेको छ भने जति बल गर्दा पनि विवाह बन्धन टिक्न सक्दो रहेनछ । युक्रेनमा एक जोडीको हकमा यस्तै भएको…

चीनले थुनिएको पानी तर्काएपछि दोलखामा तत्कालको जोखिम टर्‍यो

काठमाडौं । चीनको स्वशासित क्षेत्र तिब्बतमा भारी वर्षापछि आएको पहिरोका कारण थुनिएको नदीलाई चिनियाँ पक्षले नै बिस्तारै खोलिदिएपछि तामाकोशीको तटीय क्षेत्रमा तत्कालको जोखिम टरेको जिल्ला…