दूतावासका भीआईपीलाई ‘नो क्वारेन्टिन’ गरिबका छोराछोरीलाई ३० हजार शुल्क !

शुक्रबार एअर इण्डियाको फ्लाइटबाट काठमाडौं उत्रिएका काभ्रेका बिनोद पौडेल १० दिन होटलमा क्वारेन्टिन बसेको पैसा कसरी तिर्ने भनेर चिन्ता गर्दै थिए । शुक्रबार बिहान बैंगलोरबाट दिल्ली हुँदै पौने ३ बजे काठमाडौं आइपुगेका उनले यतिञ्जेलसम्म पानीसमेत खान नपाएको गुनासो पोखे । आफूसँग पैसा नभएको भन्दै उनी होटलको खर्च कसरी तिर्ने भन्ने चिन्तामा छन् ।

शुक्रबार भारतको नयाँ दिल्लीबाट ३६ जना यात्रु बोकेर एअर इण्डियाको जहाज काठमाडौं उत्रिएको थियो । सुरुमा दिल्लीबाट काठमाडौं आउनका लागि ६१ जनाले टिकट काटेका भए पनि दिल्लीस्थित एअरपोर्टबाट २५ जनालाई फर्काइएको थियो । उनीहरुमध्ये कतिको पीसीआर रिपोर्ट शंकास्पद भएको र केही यात्रुको तापक्रम बढी देखिएका कारण फिर्ता पठाइएको हो ।

काठमाडौं उत्रिएका ३७ जनामध्ये २० जनामात्रै होटल क्वारेन्टिनमा पठाइएका छन् । बाँकी १७ जनामध्ये १५ जना नेपाली सेनाका जवान तथा अधिकृतहरु रहेका कारण उनीहरुलाई नेपाली सेनाकै क्वारेन्टिनमा पठाइएको छ ।

तर, सोही विमानमा आएका २ जना भारतीय व्यक्तिलाई भने ‘भीआइपी’ भन्दै क्वारेन्टिनमा पठाइएन ।

नेपाली सेनाका प्रवक्ता सन्तोष वल्लभ पौडेलका अनुसार भारतमा तालिम गर्न गएर फर्किएका १५ जना सेनाका जवान तथा अधिकृतहरूलाई लगनखेलस्थित खेलकुद तालिम केन्द्रमा बनाइएको क्वारेन्टिनमा राखिएको छ । उनीहरुलाई १४ दिनसम्म क्वारेन्टिनमा राखिनेछ र स्वास्थ्य सुरक्षाका सबै मापदण्डहरु पूरा गरिनेछ । त्यसपछि मात्रै उनीहरुलाई सेवामा पठाइने छ ।

काठमाडौंस्थित भारतीय दूतावासका वरिष्ठ अधिकारीका अनुसार आज एअर इण्डियाको उडानबाट दुई जना भीआईपीहरु नेपाल आएको सुनेको भए पनि उनीहरु को हुन् भन्ने जानकारी छैन । ती अधिकारीले भने, ‘दुईजना व्यक्ति नेपाल आएको भन्ने सुनेको छु । तर, उनीहरु को हुन् भन्ने मलाई थाहा छैन । मलाई लाग्छ, उनीहरु दूतावासको क्वारेन्टिनमा पनि छैनन् । कुनै होटलमा गएका पनि हुन सक्छन् । उनीहरु को हुन् भन्नेबारे अहिले नै केही भन्न सक्दिनँ ।’

ती अधिकारीका अनुसार यदि दूतावासकै कर्मचारी भए उनीहरु १४ दिन क्वारेन्टिनमा बस्ने पनि ती अधिकारीले बताए । उनले भने, ‘यदि कोही आएको भए उनीहरुलाई १४ दिनसम्म दूतावासकै क्वारेन्टिनमा राखिने छ, बाहिर जान र अन्य व्यक्तिसँग भेटघाट गर्न रोक लगाइने छ । १४ दिनको क्वारेन्टिन अवधि सकिएपछि मात्रै नियमित काममा लगाइनेछ ।’ नेपालमा राजनीतिक संकट बढ्दै गएपछि ‘रअ’ का नेपाल हेर्ने स्थायी कर्मचारी नेपाल आएको स्रोतको दाबी छ ।

तर स्राेतका अनुसार भारतीय खुफिया एजेन्सी ‘रअ’ का नेपाल प्रमुख राघवप्रसाद भट्नागर काठमाडौं आइपुगेका हुन् । शुक्रबार एयर इण्डियाको उडानबाट भट्नागरसहित अर्का एक कर्मचारी काठमाडौं आइपुगेका हुन् ।

भारतमा मजदुरी गर्नेले कसरी तिर्ने होटल खर्च ?

काभ्रेका विनोद पौडेल शुक्रबार आफ्नै देशमा आउन पाउँदा खुशी त देखिन्थे, तर १० दिन महंगो होटलमा कसरी बस्ने होला भनेर चिन्ता गर्दै थिए । बैंगलोरको एक पबमा काम गर्ने बिनोद उता पब बन्द भएर रोजगारी गुमेपछि नेपाल आएका हुन् ।

सरकारले बिहीबारदेखि अन्तर्राष्ट्रिय उडानहरु बन्द गरे पनि एअर बबल सुविधामा उनले भारतबाट नेपाल आउन पाएका हुन् । प्रत्येक बुधबार र शुक्रबार नेपाल र भारतबाट एक÷एक उडान हुने गर्छ, जहाँ दुबै देशका यात्रुले स्वास्थ्य मापदण्ड पूरा गरेर एक अर्को देशमा जान पाउँछन् ।

त्यही सुविधामा महङ्गो टिक काटेर बिनोद नेपाल त आए, तर १० दिन होटलको खर्च ३० हजार कसरी तिर्ने भन्ने चिन्तामा छन् । उनले रातोपाटीसँग भने, ‘भारतमै काम नपाएर नेपाल फर्किएको छु । अब १० दिन होटल क्वारेन्टिनमा बस्नुपर्ने भनिएको छ । एक दिनकै ३ हजार रुपैयाँ तिर्नुपर्ने भनेको छ । १० दिनको ३० हजार कसरी तिर्ने ? उतै काम नपाएर फर्किएको मजदुरले अब कसरी त्यति रकम तिर्ने ?’

सरकारले क्वारेन्टिन अनिवार्य गरेको थाहा भए पनि उता बस्न नसक्ने भएपछि नेपाल फर्किएको विनोदले बताए । उनले भने, ‘बिहान २ बजे बैंगलोरबाट हिँडेको । अहिलेसम्म (अपरान्ह ४ बजे) पानी पनि खान पाएको छैन । अब होटलमा लगेर राख्ने भनेको छ । एक दिनकै ३ हजार तिर्ने भनेको छ । मसँग त पैसा पनि छैन । अब कसरी तिर्ने त्यति धेरै रकम ?’

बिनोद होटलको खर्च अत्याधिक महङ्गो भएको गुनासो गर्छन् । उनी भन्छन्, ‘धनीले त तिर्लान्, तर गरीबका छोराछोरीले कसरी तिर्ने ? एक÷दुई दिन भए त ठिकै हो, १० दिनको ३० हजार तिर्न त गाह्रो हुन्छ नि !’

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…