फिलिपिन्सका राष्ट्रपतिले भने, ‘चीनले आफ्नो भ्याक्सिन फिर्ता लैजाओस्, लगाएर गल्ती गरियो’

प्रमाणित नभएको भ्याक्सिन लगाएका कारण आलोचना खेपिरहेका फिलिपिन्सका राष्ट्रपति रोड्रिगो दुतेर्तेले सहयोग स्वरुप दिइएको एक हजार सिनोफार्म भ्याक्सिन फिर्ता लैजान चीनलाई भनेका छन् ।

दुतेर्तेले चीनलाई भविष्यमा सिनोफार्म नभई सिनोभ्याक भ्याक्सिन मात्रै पठाउन भनेका छन् । यो भ्याक्सिन हाल फिलिपिन्समा प्रयोग गरिँदैछ ।

दुतेर्तेले भनेका छन्, ‘मैले कम्प्यासनेट युज क्लज (जसमा केही मानिसहरु अत्यन्त आवश्यक हुँदा अप्रमाणित औषधी लिन्छन्) अन्तर्गत सिनोफार्मको खुराक लिएको थिएँ किनभने मलाई मेरो डाक्टरले भ्याक्सिन लिन सल्लाह दिएका थिए ।’

स्थानीय मिडिया रिपोर्टका अनुसार उनले मानिसहरुलाई यस्तो नगर्न अपिल गर्दै भनेका छन्, ‘मैले जे गरेँ, त्यो नगर्नुहोस् । यो खतरनाक छ किनभने यो विषयमा कुनै अध्ययन गरिएको छैन । यो शरीरका लागि ठिक नहुन पनि सक्छ । यो भ्याक्सिन लिने ममात्रै एक्लो व्यक्ति रहन दिनुहोस्, तपाईंहरु नलिनुहोस् ।’

चीनको कोरोना भ्याक्सिन सिनोफार्म र सिनोभ्याकले यो हप्ता विश्व स्वास्थ्य संगठनले सहमति दिन सक्छ । सिनोफार्मलाई अहिलेसम्म अनुमति नदिएका कारण यसको नकारात्मक असर हुन सक्ने सम्भावना छ । दुतेर्तेले पछि समस्या नहोस् भन्नका लागि यो फिर्ता लानुपर्ने बताएका छन् ।

यी दुई चिनियाँ भ्याक्सिनले भाइरसको कणलाई मार्ने तरिकामा काम गर्छ । यस्तै मोडर्ना र फाइजर mRNA भ्याक्सिन हो जसले शरीरमा भाइरल प्रोटिन बनाउने प्रक्रियामा काम गर्छ । यतिबेला फिलिपिन्समा एस्ट्राजेनेका र सिनोभ्याक्सले अप्रुभल पाइसकेको छ । यद्यपि, दुतेर्तेले अनुमति पाइसकेको यी दुई भ्याक्सिन किन लगाएनन् भन्ने स्पष्ट जानकारी छैन ।

फिलिपिन्स पूर्वी एशियामा कोरोनाद्वारा सर्वाधिक प्रभावित देशमध्ये एक हो । यहाँ १० लाख कोरोना संक्रमित भेटिएका छन् र हालसम्म १८ हजार संक्रमितको मृत्यु भइसक्यो ।

भर्खरै प्रकाशित

शेरबहादुरजीले काँध फेर्ने बेला आयो, सभापतिमा गोपालमान श्रेष्ठको पनि दावी

काठमाडौँ  । कांग्रेसको आसन्न १४ औं महाधिवेशनमा नेतृत्व दोर्‍याउने घोषणासहित तयारीमा जुटेका सभापति शेरबहादुर देउवालाई उनकै समूहबाट चुनौती थपिएको छ । उपसभापति बिमलेन्द्र निधिले देउवालाई चुनौती…

यस कारण फिलिपिन्स सरकारले यस कारण नष्ट गर्दैछ महँगा कारहरू

फिलिपिनो सरकारले गाडी तस्करहरूलाई चेतावनी दिन २१ वटा लक्जरी कार नष्ट गरेको छ। शुक्रबार सरकारको आदेशमा अनुमानित अमेरिकी १.२ मिलियन डलरको गाडी नष्ट गरिएको अटो…

नेपालमा भेटियो डेल्टा भेरियन्टमा नयाँ म्युटेसन, पुरानो भन्दा अझ संक्रामक

काठमाडौं । नेपालमा कोरोना संक्रमण फैलाएको डेल्टा भेरियन्ट मा नयाँ म्युटेसन भेटिएको छ । यो डेल्टा भेरियन्टभन्दा अझ संक्रामक मानिने जनस्वास्थ्यविद्हरु बताउँछन् । स्वास्थ्य तथा…

मुस्ताङको काभ्रेभीरमा पहिरोले पुरियो मालवाहक ट्रक

जोमसोम । उत्तर-दक्षिण जोड्ने राष्ट्रिय गौरवको बेनी-जोमसोम सडकखण्ड अन्तर्गत मुस्ताङ र म्याग्दीको सिमाना काभ्रेभीर सडकमा आइतबार दिउँसो एक मालवाहक ट्रक पहिरोले पुरिएको छ । मुस्ताङको…

एमालेभित्रका पुर्वमाओवादी : ओलीसँग असन्तुष्टि र समूहमा अन्तरकलह

काठमाडौँ । एकपछि अर्को गरी नाटकीयरूपमा विकसित राजनीतिक घटनाक्रमले एमालेभित्रका ‘माओवादी’ नेताहरू असमञ्‍जसमा परेका छन् । न सन्तोषजनक भूमिका न त भविष्यको स्पष्ट मार्गचित्र, बरु…