प्रचार भएजस्तो सरकारले हातखुट्टा छोडेको छैन : स्वास्थ्य मन्त्री त्रिपाठी

काठमाडौँ : स्वास्थ्य तथा जनसंख्या मन्त्री हृदयश त्रिपाठीले नागरिकको उपचारमा सरकारले हातखुट्टा नछोडेको बताएका छन्। शनिबार साँझ कोरोना भाइरस (कोभिड-१९) संक्रमण तथा रोकथामाका लागि सरकारले गरेका प्रयासबारे जानकारी दिँदै मन्त्री त्रिपाठीले यस्तो बताएका हुन्।

‘सरकार यहाँहरुको साथमा छ। बाहिर प्रचार भएजस्तो सरकारले हातखुट्टा छोडेको छैन’, मन्त्री त्रिपाठीले भने, ‘सरकार जिम्मेवारीका साथ आफ्नो कर्तव्य पालनाका लागि अगाडि बढेको छ।’ उनले सरकार आतंकित हुने स्थितिमा नभएको र उपचारका सबै विधिका लागि थप काम गरिरहेको दाबीसमेत गरेका छन्।

‘हामी आतंकित हुने स्थितिमा छैनौं’, उनले थपे, ‘सरकार उपचार विधिका लागि थप काम गरिराखेको छ।’ मन्त्री त्रिपाठीले उपत्यकामा कोरोना उपचारका लागि भोलिदेखि नै हजार बेड थप हुने दाबीसमेत गरेका छन्।

सरकार नागरिकको जीवन रक्षाका लागि जिम्मेवारीका साथ कर्तव्य पालनामा खटेको भन्दै उनले खोप र अक्सिजन सिलिण्डर जोहो गर्न आफूहरु दत्तचित्त भएर लागेको बताए। त्रिपाठीले चाँडै आवश्यक औषधि आपूर्ति हुने विश्वास व्यक्त गरे।

कोरोनाको दोस्रो स्वरुप आक्रमक भएको र सरकारले यसको रोकथाम तथा नियन्त्रणका लागि गरेको व्यवस्थापनमा केही कमजोरी भए नैतिक जिम्मेवारी लिनेसमेत उनले बताए। ‘संक्रमण बढ्दो छ। व्यवस्थापनमा अलिकति कमजोरी भए नैतिक जिम्मेवारी लिन चाहन्छु’, उनले थपे, ‘नेपाली जनताको जीवन हाम्रो प्राथमिकता हो।’

संक्रमण नियन्त्रणका लागि निषेधाज्ञाको विकल्प नभएको भन्दै उनले यसको पालना गर्न सबैलाई आग्रहसमेत गरेका छन्। ‘संक्रमण रोकथाम तथा नियन्त्रणका लागि निषेधाज्ञाको अर्को विकल्प छैन। महामारीको रोकथाम महत्वपूर्ण पक्ष हो, उपचार दोस्रो पक्ष हो’, ‘यसलाई अन्यथा नलिई पालना गर्न आग्रह गर्दछु।’

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…