९ हजार दिए स्वाब नै नदिई घरमै नेगेटिभ पिसिआर रिपोर्ट आइपुग्छ

महानगरीय अपराध महाशाखाले मंगलबार काठमाडौंको सिनामंगलस्थित एक ल्याबमा छापा मार्‍यो। प्रहरीलाई सूचना थियो- ल्याबले बिनास्वाब कोरोना भाइरस संक्रमणको पिसिआर रिपोर्ट दिँदैछ।

नेपालबाट विदेशिएका मानिसहरूको कोरोना भाइरसको परीक्षण रिपोर्ट नेगेटिभ देखिए पनि उता पुग्दा पोजेटिभ देखिन थालेको कुरा बाहिरिन थालेको थियो। यो कुरा आएपछि महाशाखाले अनुसन्धान अघि बढाएको महाशाखाका प्रहरी नायब उपरीक्षक दुर्गा रेग्मीले जानकारी दिए।

‘नेपालमा नेगेटिभ रिपोर्ट देखाएर विदेश गए। त्यहाँ पुगेपछि कसैकसैको रिपोर्ट पोजेटिभ देखियो। राष्ट्रकै बेइज्जत हुनेभयो। नेपालमा गरेको पिसिआरलाई मान्यता नदिने कुराहरू पनि सुनिन थाल्यो,’ रेग्मीले भने,’ हामीले पनि अरू विशेष सूचना पाइरहेका थियौं।’

त्यसरी नक्कली पिसिआर रिपोर्ट बनाएर दिन थालेको कुरा आएसँगै पछिल्लो केहीदिन यसमा केन्द्रित भएर सूक्ष्म तरिकाले प्रहरीले अनुसन्धान अघि बढायो।

त्यसै अन्तर्गत सिनामंगलको सुरिया हेल्थ केयर प्रालिले नक्कली रिपोर्ट बनाउने गरेको कुरा खुल्यो। सो सूचनापछि महाशाखाका प्रहरी उपरीक्षक (एसपी) कृष्ण पंगेनीको नेतृत्वमा मंगलबार टोली खटियो।

स्वास्थ्य मन्त्रालयको प्रतिनिधि पनि सहभागी भए। टोलीले छापा मार्दा मार्दै चार वटा रिपोर्ट हात पार्‍यो। जसको स्वाब नै संकलन गरिएको थिएन। स्वाब नै नदिई प्रत्येक व्यक्तिबाट नौ हजार लिएर ठिक पारेको रिपोर्ट प्रहरीले बरामद गरेको हो।

त्यसपछि प्रहरीले यस ल्याबका सल्लाहकार खेलानन्दप्रसाद सिंहलाई नियन्त्रणमा लिएको छ। डिएसपी रेग्मीका अनुसार उनी कान्तिपुर अस्पतालका प्रमुख समेत हुन्।

प्रहरीका अनुसार ल्याबका अध्यक्ष भने भारतीय नागरिक सिपी श्री कुमार हुन्। उनी अहिले भारतमै रहेको प्रहरीले जनाएको छ।

हाल प्रहरीले सिंहसहित अन्य आठ जनालाई पनि प्रहरीले पक्राउ गरेको छ। पक्राउ पर्नेमा चित्रबहादुर रायमाझी, प्रमोदकुमार यादव, प्रदीपकुमार गिरी, अमनकुमार यादव, वजेश पोखरेल, वादल मिरिङछिङ, सरोज क्षेत्री र डा. खेलानन्दप्रसाद सिंह छन्।

पक्राउ परेकामध्ये ४५ वर्षीय सिंह सो मेडिकलका सल्लाहकार हुन्। सप्तरी मध्यपुरा गाउँपालिका-१ का उनी ललितपुर धापाखेल बस्दै आएका छन्।

उनीहरूले पैसा दिएर दुई घण्टाभित्रै रिपोर्ट बनाइदिने गरेको डिएसपी रेग्मीले बताए। रिपोर्ट बनाएपछि पनि उनीहरूले घरसम्मै आएर पुर्‍याइदिने गरेको पाइएको उनले जानकारी दिए।

‘आवश्यकता अनुसार उनीहरूले पैसा लिने गर्थे। यदि तपाईं आज राति विदेश जाँदै हुनुहुन्छ भने पिसिआर रिपोर्ट छिट्टै चाहियो। अब त्यो ल्याबमा सम्पर्क गर्‍यो भने उसले दुई घण्टामै तपाईंको घरमा पुर्‍याइदिन्छ,’ डिएसपी दुर्गा रेग्मीले भने,’ उनीहरूलाई तपाईंले आफ्नो नाम, ठेगाना, उमेर पैसा पठाएपछि पुग्ने रहेछ। वा उसैले मान्छे पठाइदिनू भन्ने रहेछ।’

यसरी कयौंले रिपोर्ट बनाएर बाहिरिएको हुनसक्ने प्रहरीले आशंका गरेको छ। यद्यपि, अहिले नै कति जनाले त्यसरी रिपोर्ट बनाएको नखुलेको प्रहरीले जनाएको छ।

प्रहरीले यो ल्याबसँगै अरूमा पनि यस्ता काम भए/नभएकोबारे अनुसन्धान अघि बढाएको छ। ‘अब यहाँबाट रिपोर्ट कतिले लिए अहिले नै खुलेको त छैन। तर अनुसन्धान पछि थप कुरा आउला,’ डिएसपी रेग्मीले भने।

स्वास्थ्य मन्त्रालयले कोरोना भाइरसको संक्रमणको परीक्षण गर्दा दुई हजार रुपैयाँ लिन भनेको छ। त्यस्तै, सामान्य रूपमा रिपोर्ट आउन पनि चारदेखि पाँच घण्टा लाग्ने गर्छ।

सुरिया हेल्थ केयरले पिसिआर परीक्षण पनि गर्ने गरेको तर हतारमा भएकाहरूलाई अलि बढी पैसा लिएर स्वाब बिना नै रिपोर्ट बनाउने गरेको प्रहरीले जनाएको छ। प्रहरीले पक्राउ परेकामाथि थप अनुसन्धान अघि बढाएको जनाएको छ।

भर्खरै प्रकाशित

फागुनमा सकिँदैछ मेयर शाक्यको पाँचवर्षे कार्यकाल, कहाँ पुग्यो नगरवासीले चढ्ने…

आजभन्दा चार वर्षअघि काठमाडौं महानगरपालिकाको मेयरमा चुनाव लड्दै गर्दा विद्यासुन्दर शाक्यले आफ्नो कार्यकालमा काठमाडौंमा मेट्रो रेल र मोनो रेल कुदाउने प्रतिवद्धता जनाएका थिए । मेयर…

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…

यी हुन् स्वास्थ्यमन्त्री शेरबहादुर तामाङले १९ दिनमा गरेको चार वटा…

काठमाडौं । पूर्वमन्त्री शेरबहादुर तामाङले आफूले स्वास्थ्य मन्त्रालय सम्हालेपछि गरेका काम सार्वजनिक गरेका छन् । बुधबार फेसबुकमार्फत मन्त्री तामाङले १९ दिनमा गरेको चार वटा कामको…

यूएईले अनुमति दिएका यी दुई खोप लगाएपछि मात्र प्रवेश अनुमति…

काठमाण्डौ । गएको वैशाख पाँच गते यूएईबाट बिदामा नेपाल फर्कनुभएका मोरङ बेलबारीका रमेशप्रसाद भट्टराईलाई कम्पनीले दिएको बिदा सकियो । ६५ दिनको बिदामा आउनुभएका उहाँ अवस्था…