जसपासँगै माओवादी केन्द्र पनि ‘मधेस प्रदेश’को पक्षमा

जनकपुरधाम । प्रदेश २ को नाम ‘मधेस प्रदेश’ राख्ने पक्षमा माओवादी केन्द्र पनि उभिएको छ। प्रदेशसभा सचिवालयले प्रदेशको स्थायी राजधानी र नामका लागि प्रस्ताव आह्वान गरेपछि आइतबार माओवादी केन्द्रले नाम ‘मधेस प्रदेश’ राख्नुपर्ने प्रस्ताव दर्ता गराएको हो।

माओवादी केन्द्रका संसदीय दलका नेता भरतप्रसाद साहले प्रदेशको नाम ‘मधेस’ र स्थायी राजधानी जनकपुरधामलाई तोक्न प्रस्ताव दर्ता गराएका हुन् । यसअघि नेकपा एमालेसँग माओवादी केन्द्रले एकीकरण पश्चात बनेको नेकपाले मिथिला-भोजपुरा नाम प्रस्ताव गरेको थियो।

यस्तै सत्तारुढ जनता समाजवादी पार्टी (जसपा)को तर्फबाट सांसद शैलेन्द्रकुमार यादवले प्रदेशको नाम मधेस राख्नुपर्ने प्रस्ताव दर्ता गराएका छन् । जसपाकै अर्का सांसद प्रमेश्वर साहले प्रदेशको स्थायी राजधानी जनकपुरधामलाई नै तोक्न प्रस्ताव दर्ता गराएका छन्।

प्रदेश २ मा १०७ सांसद थिए । तर माओवादी केन्द्रले आफ्ना चार सांसदलाई पदमुक्त गरेपछि प्रदेशसभामा अहिले १०३ सांसद छन्। प्रदेशको नाम र राजधानी टुङ्ग्याउन दुईतिहाइ बहुमत अर्थात ६९ सांसद आवश्यक पर्छ ।

तर सत्तारुढ जसपाका ५५ र माओवादी केन्द्रका ७ सांसद जोडेर पनि दुईतिहाइ बहुमत पुग्दैन। दुईतिहाइ बहमुतका लागि थप ७ सांसद आश्वक पर्छ। प्रदेशसभामा नेपाली कांग्रेसको १९, नेकपा एमालेका २१ र नेपाल संघीय समाजवादी पार्टीका १ सांसद छन् । एमालेको नेपाल पक्षमा १३ सांसद छन्।

कांग्रेस र नेकपा एमालेको संस्थापन पक्षका सांसद मधेस प्रदेशको पक्षमा जाने सम्भावना न्यून छ। माधव नेपाल पक्षले सहयोग गरेपछि मात्र नाम र स्थायी राजधानीको टुङ्गो लाग्छ। सत्तारुढ जसपा र माओवादी केन्द्रले पनि माधव नेपाल पक्षका सांसद सहयोग गर्ने विश्वास लिएको बुझिएको छ।

नेपाली कांग्रेस र एमालेले भने प्रदेशको नाम र स्थायी राजधानीको प्रस्ताव दर्ता गराएका छैनन्। प्रस्ताव दर्ताका लागि प्रदेशसभा सचिवालयले वैशाख ९ गते दिउँसो ३ बजेसम्मका लागि समय दिएको छ।

भर्खरै प्रकाशित

खोपको राजनीति डरलाग्दो, अमेरिकाको पछि लाग्दा भारतलाई पीर

भारतको सेरम रिसर्च सेन्टरले लाखौं अमेरिकी डलर बैना बुझेर पनि नेपाललाई १० लाख डोज कोभिसिल्ड महिनौं बितिसक्दा दिएको छैन । खोप उत्पादन कम भएको कारण…

भारतमा साधु ‘बाबा’ को अवतारमा पूर्वप्रधानन्यायाधीश दामोदर शर्मा !

काठमाडौं । यो तस्बिर कस्को होला ? झट्ट हेर्दा यो तस्बिर पशुपतिको कुनै सन्यासी/जोगीको जस्तो लाग्छ । तर, होइन यो फोटो अहिले सामाजिक सञ्जालमा भाइरल…

मेलम्ची : जब पाँच गोदाम खाद्यान्नका मालिक भोकै भए…

मेलम्ची । मेलम्ची बजारको उत्तरी छेउमा अवस्थित एक खाद्यान्न पसलको भुइँमा बीस प्याकेट तोरीको तेल सुकाइएको छ । छेउमा ६१ वर्षीय ज्ञानेन्द्र श्रेष्ठ झोक्राएर बसिरहेका…

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…