शिल्पा-छवि प्रकरणले निलम्बनमा परे प्रकाश सुवेदीका दुई कार्यक्रम

पत्रकार प्रकाश सुवेदीले एपीवान टेलिभजनमा चलाउने दुई वटा कार्यक्रम निलम्बनमा परेको छन्।

सुवेदीले एपीवान टेलिभिजनमा ‘ग्ल्यामर गफ’ र ‘रजतपट’ नामक मनोरञ्जन कार्यक्रम चलाउँथे। एपीवान टेलिभिजन स्रोतका अनुसार टेलिभिजन बोर्डले अर्को निर्णय नहुञ्जेल दुबै कार्यक्रम निलम्बन गरेको हो।

उनले नायिका शिल्पा पोखरेल र उनका श्रीमान् छवि ओझाको विषयमा कार्यक्रम बनाएपछि एपीवान टेलिभिजनमा उजुरी परेको थियो।

‘शिल्पा पोखरलका विषयमा उहाँले कार्यक्रम बनाउनु भएको थियो। उहाँहरूको मुद्दा अदालतमा विचाराधीन छ। हुन त अफिसमा अनुमति लिएरै बनाउनु भएको थियो। त्यसपछि पोखरेलको उजुरी पर्‍यो,’ स्रोतले सेतोपाटीसँग भने।

सो कार्यक्रमको विषयमा अदालतले पनि चासो देखाएपछि टेलिभिजनको बोर्ड बैठक बसेको थियो। वैशाख २ गते बसेको बोर्ड बैठकले नायिका पोखरेल र उनका श्रीमान छवि ओझाका विषयमा थप कार्यक्रम नबनाउनू भनिएको थियो।

कार्यक्रम बनाउनै परे शिल्पा पोखरेललाई पनि बोल्ने ठाउँ दिनू भनिएको स्रोतले बतायो।

‘उहाँले शिल्पाजीलाई बोलाउन खोज्दा आउन मान्नुभएन। त्यसपछि फ्लोअप नगर्न भनिएको थियो,’ स्रोतले भन्यो,’त्यसैबीच उहाँले छवि ओझालाई बोलाउनु भयो। व्यवस्थापनको नीति अवज्ञा भयो भनेर हामीले अर्को निर्णय नहुञ्जेल निलम्बन गरेका हौं।’

सुवेदीका ती कार्यक्रममा प्रस्तुत गरिएका विषयका कारण यसअघि पनि विवादमा पर्ने गरेका थिए।

कार्यक्रम निलम्बन भएको बारे समाचार बाहिरिए पनि आधिकारिक रूपमा जानकारी नआएको प्रकाश सुवेदीले बताए।

उनले टेलिभिजनसँग कार्यक्रम सञ्चालन गर्न आउँदो असार मसान्तसम्मको कन्ट्रयाक्ट गरेका थिए।

‘अहिलेसम्म मलाई जानकारी छैन। समाचार आएको भएर मलाई फोन आइरहेको छ। म त कार्यक्रम बनाइरहेको छु,’ सुवेदीले भने,’यदि रोक्ने नै भए पनि टिभीमा रोकिएला युट्युब आफ्नै हो। त्यहाँ रोकिन्न। आउँदो बिहीबार प्रशारण भएन भने रोकिएको भनेर बुझ्नुपर्ला।’

कार्यक्रम निलम्बनमा परेको समाचार आएपछि अरू टेलिभिजन च्यानलहरूले आफ्नोमा चलाउन भन्दै सम्पर्क गरेको उनले बताए।

‘समाचार आएपछि हाम्रोमा आउनू भनेर टेलिभिजनको फोनहरू आइरहेका छन्,’ उनले भने।

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…