केही दिनभित्रै नयाँ समाचार सुन्नुहुनेछ : अध्यक्ष प्रचण्ड

चितवन । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अब केही केही दिनभित्रै नयाँ समाचार सुन्न पाइने बताउनुभएको छ ।

आइतबार चितवनको माडीमा वाइसिएलले आयोजना गरेको कार्यक्रममा बोल्दै केही दिनभित्रै केन्द्रमा नयाँ कायापलट हुने समाचार सुन्न पाइने उहाँले बताउनुभएको छ ।

उहाँले भन्नुभएको छ, ‘ओली र उनको गुटको दुस्साहसको के नतिजा निस्कियो तपाई हामीले देखेका छौँ । गण्डकी प्रदेशमा के हुँदै त्यो तपाई हामीले हेरिरहेका छौँ । लुम्बिनी प्रदेशमा के हुँदैछ त्यो पनि हेरिरहेकै छौँ । र, केही दिनभित्र केन्द्रमा नयाँ कायापलट हुनैपर्छ/हुँदैछ यो विश्वास व्यक्त गर्न चाहन्छु । निरंकुश र स्वच्छेचारी तत्वबाट नेपाली जनता उन्मुक्ति हुनुपर्दछ ।’

कार्यक्रममा अहिलेको प्रतिक्रियावादीहरुको निशाना आफू नै रहेको पनि बताउनुभएको छ । तर, आफू यी तत्वहरुसँग अन्तिम समयसम्म लडिरहने उहाँको भनाइ छ ।

‘अहिलेको प्रतिक्रियावादीहरुको निशाना प्रचण्ड नै हो । तपाईहरुले खोज्नुभएकै होला प्रचण्ड नसिधिएसम्म हाम्रो भविष्य सुनिश्चित छैन भन्ठानेका छन् हिजोका सामन्तहरु, दलालहरु, शासकहरु, पुँजीपतिहरु,’ उहाँले भन्नुभयो, ‘यसकारण मैले आत्मसमीक्षा गरेको छु–अब एकचोटी फेरि जनताको घरदैलामा जान्छु र जनताको बीचबाटै नयाँ शक्तिसहित नवप्रतिक्रियावादी, दलालहरु धावा बोल्ने प्रतिज्ञा गरेको छु ।’

आफू बिस्तारै ६५ कटेर ६६ को उकालोमा लागेपनि बाचुन्जेल लडिरहने पनि अध्यक्ष प्रचण्डले उद्घोष गर्नुभएको छ । उहाँका अुनसार जस्तोसुकै कष्ट, पीडा भएता पनि म त्यसको सामना गर्न सक्छु ।

हजारौँ सहीद र तीनको रगतको मूल्य आफ्नो टाउँकोमाथि रहेको पनि उहाँले स्विकार गर्नुभएको छ । ‘ती हजारौँ सहीदहरुको पीडाको बोझ मेरो टाउँकोमाथि छ । ती हजारौँ योद्धा, घाइते, अपांगहरुको बोझ ममाथि छ । म अन्तिमसम्म इमान्दारितासाथ राष्ट्र र जनताको पक्षमा म त्यो ऋण चुक्त गर्न सक्छु भन्ने मेरो आत्मसमीक्षा छ । आत्म संकल्प छ । फेरि यो संकल्प डोर्याउन चाहन्छु,’ उहाँले भन्नुभयो ।

हिजोको जनयुद्ध, जनआन्दोलन र अहिलेको समय धेरै फरकपन रहेको पनि उहाँको विश्लेषण छ । यसकारण अब फेरि एकचोटी सबै जनता सडकमा उत्रिएर नयाँ रंगिन यात्राको थालनी गर्नुपर्ने उहाँको जोड रहेको छ ।

उहाँले भन्नुभयो, ‘हिजो जनयुद्ध र जनआन्दोलनको तागत र अहिलेको तागत आकासपतालझैँ फरक छ । ६ं०, ६५ जना भएर लडाई सुरु गर्दा के भयो भन्ने कुरा सम्पूर्ण नेपाली जनतालाई थाहै छ । अहिले त्यसो गर्नुपर्ने स्थिति छैन । हामी फेरि हतियार उठाउनुपर्ने, हिंसा गर्नुपर्ने, स्थिति छैन । एकचोटी मुुठी उठाएर लाखौँ, करोडौँ, सडकमा उतारियो भने जनताको रंगिन क्रान्ति र नयाँ यात्रा सुरु गर्न सकिन्छ ।’

कार्यक्रमको अन्तमा अहिले पनि आफूँ कम्युनिष्ट एकताको पक्षमा रहेको र एकता गरेर छाड्ने उहाँले बचन दिनु भएको छ । उहाँले भन्नुभयो, ‘प्रतिक्रियावादी षड्यन्त्रद्वारा हामीलाई विभाजित गरिए पनि फेरि कम्युनिष्ट आन्दोलन, लोकतान्त्रिक शक्तिलाई एकता गरि छाड्नेछौँ । र, समृद्धीको यात्रा सुरु गर्नेछौँ । माडीबाट काठमाडौं पुगेपछि राजनैतिक संवाद हुदैछ । सफल हुने छ । र, केही दिनभित्रै नयाँ समाचार तपाईहरुले सुन्नुहुनेछ ।’

भर्खरै प्रकाशित

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…

यी हुन् स्वास्थ्यमन्त्री शेरबहादुर तामाङले १९ दिनमा गरेको चार वटा…

काठमाडौं । पूर्वमन्त्री शेरबहादुर तामाङले आफूले स्वास्थ्य मन्त्रालय सम्हालेपछि गरेका काम सार्वजनिक गरेका छन् । बुधबार फेसबुकमार्फत मन्त्री तामाङले १९ दिनमा गरेको चार वटा कामको…

यूएईले अनुमति दिएका यी दुई खोप लगाएपछि मात्र प्रवेश अनुमति…

काठमाण्डौ । गएको वैशाख पाँच गते यूएईबाट बिदामा नेपाल फर्कनुभएका मोरङ बेलबारीका रमेशप्रसाद भट्टराईलाई कम्पनीले दिएको बिदा सकियो । ६५ दिनको बिदामा आउनुभएका उहाँ अवस्था…

घरबेटी सरस्वती महर्जन छुटेपछि रुपामाथि का’रबाहीको माग

जातीय विभेदको आधारमा कथित दलित जातिकी युवतीलाई घर भाडामा नदिएको आरोपअन्तर्गत प’क्राउ परेकी बबरमहलकी घरबेटी आज छुटेकी छन् । नेवार समुदायलगायत विभिन्न संघ, संस्थाले सरस्वती…