ओलीको निर्णयविरुद्ध फेरि निर्वाचन आयोग गयो माधव नेपाल समूह

५ वैशाख, काठमाडौं । नेकपा एमालेको माधवकुमार नेपाल समूह पार्टी अध्यक्ष केपी शर्मा ओलीको निर्णयविरुद्ध फेरि निर्वाचन आयोग गएको छ ।

अध्यक्ष ओलीले सर्वोच्च अदालतको २३ फागुनको फैसला विपरीत निर्णय गरेको भन्दै नेपाल समूहका नेताद्वय बेदुराम भुसाल र राजेन्द्र पाण्डे निर्वाचन आयोग पुगेका थिए ।

अहिलेको केपी ओलीको सबै संगठन अवैध छ, बैठक अवैध छ र निर्णय पनि अवैध छ । त्यो सबै खारेज हुनुपर्छ भनेर निर्वाचन आयोग गरेका छौं’ काभ्रेमा आफ्नो समूहको जिल्ला कमिटी घोषणा गर्दै नेता माधवकुमार नेपालले भने, ‘अब हेर्नु छ निर्वाचन आयोगले कानून बमोजिम काम गर्छ कि गर्दैन ?’

उनले अघि भने, ‘निर्वाचन आयोगले संवैधानिक निकायको मर्यादा अनुरुप काम गर्छ कि कार्यपालिका प्रमुख केपी शर्मा ओलीको को दबाबमा थरथर हुन्छ ? अब हेर्नु छ ।’

नेता नेपालले ओलीको ओरालो लाग्ने क्रम शुरु भइसकेको भन्दै नडराउन आयोगलाई आग्रह समेत गरे ।

पार्टी अध्यक्ष ओलीले आफ्नो समूहका नेताहरुलाई मात्र राखेर २८ फागुनमा गरेको निर्णय अवैध भएको भन्दै नेपाल समूहले यसअघि पनि आयोगमा गएको थियो । तर आयोगले यसबारे कुनै निर्णय नगर्दै नेपाल समूहले अर्को निवेदन दिएको छ ।

राजनीतिक भविष्य सिध्याइदिन्छु भनेपछि साथीहरुले उसलाई सिध्याइदिए

नेकपा एमालेका नेता माधवकुमार नेपालले कर्णाली प्रदेशमा अरुको राजनीतिक भविष्य सिध्याइदिने धम्की दिनेकै बिजोग भएको बताएका छन् ।

आइतबार काभ्रेमा समानान्तर कमिटी घोषणा कार्यक्रममा नेता नेपालले फ्लोर क्रसको बचाउ गरेका हुन् । ‘प्रदेशको प्रमुख म हुँ, म मुख्यमन्त्री बन्दैछु । मैले भनेको नमान्ने हो भने सबैको राजनीतिक भविष्य सिध्याइदिन्छु भनेपछि साथीहरुले मर्ता क्या नहीँ कर्ता उसलाई सिध्याइदिए’ उनले अघि भने, ‘अब उनको बिजोग भएको छ ।’

शुक्रबार कर्णाली प्रदेश सभामा मुख्यमन्त्री महेन्द्रबहादुर शाहीले विश्वासको मत माग्दा नेकपा एमालेका चार सांसदले फ्लोर क्रस गरेर मत दिएका थिए । नेकपा एमाले संसदीय दलले मुख्यमन्त्रीको विपक्षमा मत दिन ह्वीप लगाए पनि सांसदहरु प्रकाश ज्वाला, नन्दसिंह बुढा, अमर थापा र कुर्मराज शाहीले फ्लोर क्रस गरेर मुख्यमन्त्रीको पक्षमा मत दिएका थिए ।

केपी ओलीको दम्भले पहिलो धक्का भने नेपाल पत्रकार महासंघको निर्वाचनमा खाएको उनले बताए । आफू निकट मानिसलाई एउटा सिट पनि नदिने भनेपछि ११ वटा संगठन मिलेको भन्दै उनले भने, ‘अहिले जुन केन्द्रीय कमिटी गठन भयो, जसमा केपी ओलीका मान्छे टर्च बालेर खोज्नुपर्ने गरी धूलो भएका छन् ।’

पार्टी अध्यक्ष ओली एकलौटी रुपमा अगाडि बढेको र पार्टीमा छलफल गर्न नचाहेको नेता नेपालले बताए । ‘अहिले पनि हाम्रो बीचमा छलफल गर्नु छैन । अर्को पार्टीसँग गर्नुछ, विदेशीसँग गर्नुछ । किनभने उनलाई पार्टी र आन्दोलन होइन, आदेश पालक चाहिएको छ ।’

सम्बोधनका क्रममा नेता नेपालले आफूहरुको लडाईं ओलीविरुद्ध नभई ओली प्रवृत्तिविरुद्ध भएको बताए ।

ओली सुध्रिने हो भने मिलेर जान सकिने भन्दै उनले भने, ‘केपी कमरेड, अझै पनि सुध्रिनुस् । कलंकको टीका लगाएर कुपात्रमा दर्ज नहुनुस् । अहिले पनि २०७५ जेठ २ को संगठनात्मक संरचनालाई स्वीकार गर्नुस्, मिलेर जाऊँ ।’ तर आफू अल्पमतमा पर्ने भएपछि ओली जेठ २ मा फर्किन नमानेको उनले बताए ।

भर्खरै प्रकाशित

प्रशिक्षक अब्दुल्लाहको आरोपपछि एन्फा उपाध्यक्ष नेम्वाङले यस्तो भने

सामाजिक सञ्जालमा फुटबलका मुख्य प्रशिक्षक अबदुल्लाह अल्मुताइरीले राजीनामाको घोषणा गरे पनि अखिल नेपाल फुटबल संघ (एन्फा)ले आधिकारि रूपमा नआएको जनाएको छ। उपाध्यक्ष पंकजविक्रम नेम्वाङका कारण…

माधवकुमार नेपाललाई बराबरी अधिकारसहित दोस्रो अध्यक्ष

नेकपा एमालेभित्र आन्तरिक विवाद समाधान गर्न दबाब बढिरहेका बेला माधवकुमार नेपाल पक्षका नेताले समान अधिकारसहित सम्मानजनक एकता आवश्यक रहेको बताएका छन्। नेता नेपालले रायसुझावका लागि…

राज कुन्द्राको बचाउ गर्दै शिल्पाको बयान–‘उनले पो’र्न होइन इराटिक फिल्म…

पो’र्न फिल्म बनाएको आरोपमा प’क्राउ परेका आफ्ना श्रीमान् राज कुन्द्राको बचाउ गर्दै नायिका शिल्पा सेट्टीले उनी निर्दोष रहेको बयान दिएकी छिन् । मुम्बई पुलिसको क्रा’इम…

चाइनाको भेरोसेल खोप र अमेरिकाको जोन्सन खोपमा कुन लगाउँदा राम्रो…

काठमान्डौ । चाइनाको भेरोसेल खोप र अमेरिकाको जोन्सन खोपमा के फरक छ ? कुन राम्रो ? जोनसन खोप रुघा लाग्ने एडेनो भाइरसमा कोरोना भाइरसका स्पाइक…

अबको २६ वर्षमा भारत, अमेरिका र चीन बराबर धनी हुन्छ…

काठमाडौँ । भारतीय अर्बपति मुकेश अम्बानीले अबको २६ वर्षभित्र भारत, अमेरिका र चीन सरह बराबरी धनी हुने दावी गरेका छन् । भारतको सबैभन्दा धनी र…