आफ्नै सन्तान बिहे गर्न पाउँ भन्दै अदालतमा निवेदन

बुवा-आमा र उनीहरुका सन्तानबीचको सम्बन्ध पवित्र, माया र सद्भावले भरिपूर्ण अनि दुनियाँले कुनै प्रश्न उठाउन नसक्ने खालको हुन्छ । भलै कतिपय दुराचारीहरुले आफ्नै छोरीलाई यौनजन्य दुर्व्यवहार गरेका घटना सार्वजनिक हुने गरेका छन् बेला बेलामा ।

हामीकहाँ अभिभावकले आफ्नै सन्तानलाई बिहे गर्ने भन्ने कुरा कल्पनासमेत गर्न सकिँदैन । तर अमेरिकामा चाहिँ एकजना व्यक्तिले आफ्नै सन्तानसँग बिहे गर्न पाउँ भनेर अदालतमा निवेदन दिएका छन् ।

अमेरिकाको न्युयोर्कमा बस्ने ती व्यक्तिले म्यानहटन संघीय अदालतमा यो महिनाको सुरुतिरै उक्त निवेदन दर्ता गरेको बताइएको छ ।

हाडनाताको अवैध सम्बन्धलाई प्रतिबन्धित गर्ने अमेरिकी कानुन खारेज गरी आफ्नो वयस्क सन्तानसँग आफूलाई बिहे गर्न अनुमति दिनुपर्ने उनको माग छ ।

समाजमा नैतिक, सामाजिक तथा जैविकरुपले समेत अस्वीकार्य मानिने उक्त कामका लागि अनुमति माग्ने ती अभिभावक र उनले बिहे गर्न चाहेको आफ्नो सन्तानको नाम, उमेर, लिङ्ग आदि अदालतले गोप्य राखिदिएको छ ।

अप्रिल १ मा अदालतमा हालेको फिरादपत्रमा उनले भनेका छन्, ‘अगाडि जुनसुकै सम्बन्धमा रहेका भए पनि बिहे पश्चात् बिहेको आत्मीय बन्धनमार्फत् दुई व्यक्तिले उच्चस्तरको अभिव्यक्ति, आत्मीयता र आध्यात्मिकता प्राप्त गर्न सक्दछन् ।’

अदालतका अनुसार निवेदनमार्फत् बिहेको अनुमति मागिएका प्रस्तावित दम्पती दुवैजना वयस्क छन् । उनीहरु जैविकरुपले अभिभावक र सन्तान हुन् । तर उनीहरु सँगै प्रजनन गर्न सक्दैनन् ।

न्युयोर्कमा हाडनाता करणी कानुनतः बर्जित छ र उक्त अपराधमा ४ वर्षसम्मको जेल सजाय हुन्छ । त्यस्तै हाडनातामा गरिएको बिहे रद्द गरिने र त्यसरी बिहे गर्नेलाई ६ महिनाको जेल सजाय हुने कानुनी प्रावधान छ । एजेन्सीको सहयोगमा

भर्खरै प्रकाशित

एलियनसँग सम्पर्क गरे मानव जाति नै समाप्त

काठमाडौं। एलियनसँग सम्बन्धित कैयौं घटना हामीले सुन्ने गरेका छौं । हालै अमेरिकी पूर्व राष्ट्रपति बाराक ओबामा र अन्य अमेरिकी विशेषज्ञहरुले पनि युएफओ देखेको घटनाका पुष्टि…

कर्णाली सरकारले पत्रकारलाई क्यामेरा र ल्यापटप किन्न ५० प्रतिशत अनुदान…

सुर्खेत । कर्णाली सरकारले प्रदेशमा क्रियाशील पत्रकारलाई क्यामेरा तथा ल्यापटप खरिदका लागि ५० प्रतिशत अनुदान दिने भएको छ । मुख्यमन्त्री महेन्द्रबहादुर शाहीले आर्थिक वर्ष २०७८/०७९…

गीत गाउँदै, कुल्फी बेच्दै ‘पाकिस्तानी डोनल्ड ट्रम्प’ !

इस्लामाबाद । विश्वका दुई कुनामा पनि कहिलेकाहीँ उस्तै अनुहार भएका मान्छेहरु भेटिन सक्छन् । विशेषगरी सामाजिक सञ्जालको व्यापक प्रयोग हुन थालेपछि विभिन्न कारणले आम मानिस…

एसईई मूल्यांकन नतिजा विद्यालयले असार २० भित्र बुझाउनुपर्ने, यसरी हुनेछ…

काठमाडौं । विद्यालयहरुले विद्यालय शिक्षा परीक्षा (एसईई) को मूल्यांकन नतिजा असार २० गतेसम्म सम्बन्धित जिल्लाको शिक्षा विकास इकाई तथा समन्वय समितिमा पठाउनुपर्ने भएको छ ।…

‘सांसद ज्यूले प्रहरीको हिसाब किताब गर्न खोज्दा श्याम थापा मगरले…

नेपाली कांग्रेसका गण्डकी प्रदेशसभा सांसदले प्रहरीलाई धम्काएको भिडिओ शनिबार साँझदेखि सामाजिक सञ्जालमा भाइरल छ। भिडिओमा सांसद मेखलाल श्रेष्ठ र प्रहरी इन्स्पेक्टर श्याम थापा मगरबीच भनाभन…