सरकार परिवर्तन गर्न खोज्नेहरु विकास विरोधी हुन् : प्रधानमन्त्री

काठमाडौं । प्रधानमन्त्री केपी शर्मा ओलीले विकास विरोधी र अस्थिरता निम्त्याउन खोज्नेहरु सरकार परिवर्तनको खेलमा लागेको आरोप लगाएका छन् ।

शनिबार नेपाल उद्योग वाणिज्य महासंघको ५५औं वार्षिक साधारणसभालाई सम्बोधन गर्दै प्रधानमन्त्री ओलीले सरकारले उल्लेख्य काम गरिरहेको बताए । अहिले सरकार परिवर्तन गर्न खोजिएको भन्दै उनले भने, ‘सरकार किन परिवर्तन गर्नुपर्‍यो ? पुनर्निर्माणका काम अघि बढिरहेकाले हो ? कि अरु केही कारण छन् ?’

एक हप्तामा ८ औद्योगिक क्षेत्र तथा एकैदिन ३०९ वटा अस्पताल, १६५ सडक शिलान्यास गरेको भन्दै प्रधानमन्त्री ओलीले मुलुकमा अस्थिरता ल्याउन खोज्नेहरुले संसदीय अंकगणितलाई व्यक्तिगत स्वार्थमा दुरुपयोग गर्न खोजेको बताए ।

तर राजनीतिमा देखिएका शकुनिहरुलाई आफूले ठेगान लगाउने उनले बताए । ‘अस्थिरताका लागि संसदको अंकगणित दुरुपयोग गर्न खोज्ने प्रयासहरु सकारात्मक होइनन् । देश हितमा छैनन् । विकासको पक्षमा छैनन्’ उनले भने, ‘यस्ता कुराहरुलाई मै ठेगान लगाइहाल्छु । तपाईंहरु आफ्नो काममा लाग्नुहोस् ।’

सरकार जान्छ कि भन्ने पीर नभएको भन्दै उनले १८/२० महिनापछि चुनावबाट आउने बताए । उनले भने, ‘त्यसपछि अंकगणितलाई वरपर पार्न खोज्ने खालका शकुनिका गोटी पनि फ्याँकिने छन् । गोटी नै फ्याँकिदिएपछि शकुनिले के लडाउँछ ?’

प्रधानमन्त्री ओलीले उद्योग व्यवसाय विस्तार र विकासमा देखिएका समस्या समाधान गर्न सरकार तयार रहेको बताए । ‘सरकारले गर्नुपर्ने के हो ? पिनप्वाइन्ट चाहिन्छ’ उनले भने, ‘उद्योग स्थापना, सञ्चालन, कच्चा पदार्थ आयात, निर्यातमा विलम्ब भएको छ वा व्युरोक्र्याटिक हडल्सहरु छन् भने लेखेर दिनुस् ।’

प्रधानमन्त्री ओलीले वैदेशिक लगानीका लागि सरकारले तोकेको सीमा सही र यथार्थपरक रहेको दाबी गरे ।

‘भुटानले दिनको यति डलर खर्च नगर्ने पर्यटकलाई पस्न दिन्न भन्छ, दिंदैन पनि । माल्दिभ्सले सबै कुरा यही पाइन्छ, पैसा भरेको एउटा कार्ड मात्र बोकेर आऊ भन्छ’ भुटान र माल्दिभ्सको उदाहरण दिंदै उनले भने, ‘५ लाख डलर पनि इन्भेष्ट नगर्नेले के गर्छ ? दारी काट्ने ? ५० हजार लिएर आउने प्लेन भाडा पनि कमाएर लिएर जाने हो भने यसले देशलाई योगदान गर्छ र ?

उनले अघि भने, ‘पीठो बोकेको हुन्छ, खुर्सानी पनि बोकेको हुन्छ । स्टोभ पनि बोकेको हुन्छ । मट्टीतेलको ग्यालन पनि बोकेको हुन्छ । पशुपतिको दर्शन गर्छ । अलिकति हाम्रो खर्च बढाउँछ, जान्छ । हामीले खोजेको टुरिजम यो हो र ? यो त धर्मकर्म गर्ने र पुण्य कमाउने मान्छेको कुरा हो । खर्च गर्ने मान्छेको कुरा होइन । हामीले टुरिस्ट खोजेको हो, इन्भेष्टर खोजेको हो ।’

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…