दल त्याग गर्दा सांसद पद गुमाएका माओवादीका चार मन्त्रीले फेरि लिए शपथ

काठमाडौं । दल त्याग गर्दा सांसद पद गुमाएका माओवादी केन्द्रका चार नेताले शुक्रबार फेरि मन्त्री पदको शपथ लिएका छन् । शुक्रबार साँझ राष्ट्रपति विद्यादेवी भण्डारीले सांसद पद गुमाएका चार मन्त्रीलाई फेरि शपथ ग्रहण गराएकी हुन् ।

शीतल निवासमा लेखराज भट्ट उद्योग, वाणिज्य तथा आपूर्ति, टोपबहादुर रायमाझी ऊर्जा, जलस्रोत तथा सिँचाई, प्रभु साह सहरी विकास र गौरीशंकर चौधरी श्रम, रोजगार तथा सामाजिक सुरक्षा मन्त्रीको रुपमा शपथ लिएका हुन् । प्रधानमन्त्री ओलीले चारैजना नेतालाई मन्त्री पदमा पुनर्नियुक्ति दिएपछि राष्ट्रपतिले शपथ गराएकी हुन् ।

माओवादी केन्द्र छाडेर एमाले प्रवेश गरेका कैलाली–४ का लेखराज भट्ट, अर्घाखाँचीका टोपबहादुर रायमाझी, रौतहट–३ का प्रभु साह र कैलाली–३ का गौरीशंकर चौधरीलाई प्रधानमन्त्री केपी ओलीले मन्त्री पदमा पुननियुक्तिको सिफारिस गरेपछि उनीहरुको शपथ भएको हो ।

नेकपा माओवादी केन्द्रले चारैजनालाई दलको साधारण सदस्यसमेत नरहने गरी कारवाही गरेको हो । सोही सूचना सभामुख अग्निप्रसाद सापकोटाले बिहीबारको संसद् बैठकमा जानकारी गरापछि उनीहरुको सांसद पद खारेज भएको हो । सांसद पद गएसँगै उनीहरुको मन्‍त्री पदसमेत गुमेको हो ।

पदमुक्त भएका उनीहरुलाई प्रधानमन्त्री ओलीले पुनः नियुक्तिका लागि सिफारिस गरेका हुन् । सांसद नरहेको व्यक्ति ६ महिनासम्म मन्त्री बन्न सक्ने व्यवस्था संवैधानिकको धारा ७८ ले गरेको छ । सोही धारामा टेकेर प्रधानमन्त्री ओलीले चारैजना नेतालाई फेरि मन्त्री बनाएका हुन् ।

भर्खरै प्रकाशित

शेरबहादुरजीले काँध फेर्ने बेला आयो, सभापतिमा गोपालमान श्रेष्ठको पनि दावी

काठमाडौँ  । कांग्रेसको आसन्न १४ औं महाधिवेशनमा नेतृत्व दोर्‍याउने घोषणासहित तयारीमा जुटेका सभापति शेरबहादुर देउवालाई उनकै समूहबाट चुनौती थपिएको छ । उपसभापति बिमलेन्द्र निधिले देउवालाई चुनौती…

यस कारण फिलिपिन्स सरकारले यस कारण नष्ट गर्दैछ महँगा कारहरू

फिलिपिनो सरकारले गाडी तस्करहरूलाई चेतावनी दिन २१ वटा लक्जरी कार नष्ट गरेको छ। शुक्रबार सरकारको आदेशमा अनुमानित अमेरिकी १.२ मिलियन डलरको गाडी नष्ट गरिएको अटो…

नेपालमा भेटियो डेल्टा भेरियन्टमा नयाँ म्युटेसन, पुरानो भन्दा अझ संक्रामक

काठमाडौं । नेपालमा कोरोना संक्रमण फैलाएको डेल्टा भेरियन्ट मा नयाँ म्युटेसन भेटिएको छ । यो डेल्टा भेरियन्टभन्दा अझ संक्रामक मानिने जनस्वास्थ्यविद्हरु बताउँछन् । स्वास्थ्य तथा…

मुस्ताङको काभ्रेभीरमा पहिरोले पुरियो मालवाहक ट्रक

जोमसोम । उत्तर-दक्षिण जोड्ने राष्ट्रिय गौरवको बेनी-जोमसोम सडकखण्ड अन्तर्गत मुस्ताङ र म्याग्दीको सिमाना काभ्रेभीर सडकमा आइतबार दिउँसो एक मालवाहक ट्रक पहिरोले पुरिएको छ । मुस्ताङको…

एमालेभित्रका पुर्वमाओवादी : ओलीसँग असन्तुष्टि र समूहमा अन्तरकलह

काठमाडौँ । एकपछि अर्को गरी नाटकीयरूपमा विकसित राजनीतिक घटनाक्रमले एमालेभित्रका ‘माओवादी’ नेताहरू असमञ्‍जसमा परेका छन् । न सन्तोषजनक भूमिका न त भविष्यको स्पष्ट मार्गचित्र, बरु…