राति ९ बजेपछि रेस्टुरेन्ट व्यवसाय खोल्न पाइने, दुईदिनमै खारेज भयो स्वास्थ्य मन्त्रालयको सूचना

काठमाडौं । रात्रीकालीन व्यवसाय तथा रेस्टुरेन्टहरु राति ९ बजेपछि बन्द गर्ने स्वास्थ्य मन्त्रालयको बुधबारको सूचना खारेज भएको छ । यसरी व्यवसाय बन्द गराउने भए मन्त्रिपरिषदबाटै निर्णय हुनुपर्ने भन्दै स्वास्थ्य मन्त्रालयको सूचना बाध्यकारी नहुने सरकारी अधिकारीहरुले स्पष्ट पारेका छन् ।

बुधबार स्वास्थ्य मन्त्रालयले जारी गरेको १० बुँदे सूचनाको ७ नम्बर बुँदामा भनिएको थियो, ‘रात्रीकालीन व्यवसाय तथा रेस्टुरेन्टहरु राति ९ बजेपछि कडाइका साथ बन्द गर्न गराउन अनुरोध छ ।’

सीसीएमसी वा क्याबिनेटले निर्णय गर्नुपर्नेमा स्वास्थ्य मन्त्रालयले यस्तो सूचना जारी गरेपछि पर्यटन क्षेत्रमा बुधबारदेखि नै हल्लीखल्ली मच्चिएको थियो । मन्त्रालयको सूचना जारी भएको भोलिपल्ट बिहीबार संस्कृति, पर्यटन तथा नागरिक उड्डयन मन्त्रालय र गृहमन्त्रालयका सचिव, सहसचिवसहित उपत्यकाका तीनवटै जिल्ला (काठमाडौं, भक्तपुर र ललितपुर) का सीडीओ र पर्यटन बोर्डका सीईओ समेतको आकस्मिक बैठक बस्यो ।

यो आकस्मिक बैठकले स्वास्थ्य मन्त्रालयको सो सूचना बाध्यकारी नभएको ठहर गरेको छ । स्वास्थ्य मन्त्रालयको सूचना बाध्याबारी नहुने गृह प्रशासनको निणर्चयसँगै अब रात्रिकालीन व्यवसायमा लगाइएको प्रतिवन्ध फुकुवा भएको छ ।

बिहीबारको बैठकले समस्या समाधान गरेको पर्यटन बोर्डका प्रमुख कार्यकारी अधिकृत डा.धनञ्जय रेग्मी बताउँछन् । रेग्मीले रातोपाटीसँग भने, ‘हामीले स्वास्थ्य मन्त्रालयको निर्णय मान्ने कि क्याबिनेटको ? मान्ने त क्याविनेटकै होला नि । त्यसैले क्याबिनेटले निर्णय नगरेसम्म स्वास्थ्य मन्त्रालयले जे सूचना निकाले पनि हामी मान्न बाध्य छैनौं ।’

क्याबिनेटले स्वास्थ्य सुरक्षाको संवेदनशीलतालाई हेरेर सम्बन्धित मन्त्रालय र सरोकारवाला पक्षलाई निर्णय गर्न दिने भनेको रेग्मी बताउँछन् ।

‘स्वास्थ्य मन्त्रालय आफैंले समय सीमा तोकेर सूचना निकालिदियो । यसले अहिलेको समस्या आएको हो,’ रेग्मी भन्छन्, ‘बिहीबार हामीले पर्यटन मन्त्रालयसहित गृह मन्त्रालय र उपत्यकाका तीनवटै जिल्लाका सीडीओहरुसँग बसेर घनिभूत छलफल गरेका छौं । बैठकले निर्वाध व्यवसाय गर्न पाउने गरी निर्णय गरेको छ ।’

नयाँ वर्षको मुखमा व्यवसाय बन्द गराउने स्वास्थ्य मन्त्रालयको सूचनाले पर्यटन व्यवसायीहरु असन्तुष्ट बनेका थिए । लामो समयपछि बल्लतल्ल खुल्न लागेको व्यवसायलाई पुनः बन्द नै गर्ने मन्त्रालयले उर्दी जारी गरेको भन्दै व्यवसायीहरुले असन्तुष्टि पोखेका ।

मन्त्रालयको सूचना सार्वजनिक अपिल मात्रै : डा.समिर

पर्यटन मन्त्रालय, विभाग र सरोकारवालाहरुले रात्रिकालीन पर्यटन व्यवसायको समय सीमा तोकिनु गल्ती ठहर्‍याइरहँदा​ यता स्वास्थ्य तथा जनसंख्या मन्त्रालयले भने आफूहरुको सो सूचना सार्वजनिक अपील मात्र भएको स्पष्टोक्ति दिएको छ ।

विवादित बुँदा नम्बर ७ बारे रातोपाटीले सोधेको प्रश्नमा स्वास्थ्य तथा जनसंख्या मन्त्रालयका सहसचिव डा.समिरकुमार अधिकारी उक्त सूचना स्वास्थ्य सुरक्षाका लागि मन्त्रालयले सार्वजनिक गरेको अपिल मात्रै भएको जिकिर गर्छन् । उक्त सूचना कोभिड–१९ स्वास्थ्य सुरक्षा केन्द्र (सीसीएमसी) लाई गरिएको अनुरोध मात्र भएको उनको तर्क छ ।

‘मन्त्रालयले बुधबार जारी गरेको सूचना कोही कसैप्रति लक्षित होइन, यो त केबल कोभिड–१९ को स्वास्थ्य सुरक्षा तथा सतर्कताका लागि जारी गरिएको सार्वजनिक अपिल मात्र हो । सूचना अनुसार सुरक्षित रहन, गर्न, गराउन सम्बन्धित पक्षलाई गरिएको आग्रह मात्र हो,’ अधिकारीले रातोपाटीसँग भने, ‘तर यसको गलत बुझाइ भयो । यद्यपि यो मन्त्रालयले स्वास्थ्य सुरक्षार्थ सीसीएमसीलाई गरेको अनुरोध हो ।’

भर्खरै प्रकाशित

स्वीस बैंकमा करिब ४६ अर्बको कालोधन प्रधानमन्त्री ओली निकट व्यापारीहरुको

काठमाडौं । स्वीस बैंकमा नेपालीहरुको ‘शंकास्पद धन’ करिब ४६ अर्ब पुगेको छ । यो कालोधन भएको र त्यसमा उच्च नेताहरुको रहेको आशंका गरिएको छ ।…

भिक्टोरिया क्रस विजेता तुलबहादुर पुनको नाममा बेलायतमा रेल सेवा शुरू

नरेन्द्र बस्नेत / राताेपाटी लण्डन । भिक्टोरिया क्रस विजेता गोरखा सैनिक तुलबहादुर पुनको नाममा बेलायतमा बुधबारबाट रेल सेवा शुरू गरिएको छ । लन्डनको प्याडिङटन स्टेशनमा…

अदालतले रबहादुर देउवालाई प्रधानमन्त्री बनाउन आदेश दिन सक्ने

कानुन व्यवसायीहरूले नेपाली कांग्रेसका सभापति शेरबहादुर देउवाले आफ्नो स्पष्ट बहुमत दाबी गर्दै दायर गरेको रिट निवेदनमा सांसदहरू आफैं अदालतमा आई हस्ताक्षर गरेकाले देउवालाई प्रधानमन्त्री बनाउन…

फागुनमा सकिँदैछ मेयर शाक्यको पाँचवर्षे कार्यकाल, कहाँ पुग्यो नगरवासीले चढ्ने…

आजभन्दा चार वर्षअघि काठमाडौं महानगरपालिकाको मेयरमा चुनाव लड्दै गर्दा विद्यासुन्दर शाक्यले आफ्नो कार्यकालमा काठमाडौंमा मेट्रो रेल र मोनो रेल कुदाउने प्रतिवद्धता जनाएका थिए । मेयर…

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…