महन्थ ठाकुरले दिए केपी ओलीलाई धेरै धेरै धन्यवाद

काठमाडौं । सरकार गठनमा दुई धारमा देखिएका जनता समाजवादी पार्टी (जसपा) का अध्यक्षद्वय महन्थ ठाकुर र उपेन्द्र यादव मंगलबार एउटै मञ्चमा देखिए, जहाँ प्रमुख अतिथि प्रधानमन्त्री केपी शर्मा ओली थिए ।

तीन नेतालाई एकैठाउँमा उभ्याउने काम रिपोटर्स क्लब नेपालको बार्षिकोत्सवले गरेको थियो । कार्यक्रमलाई सम्बोधन गर्ने क्रममा अध्यक्ष ठाकुरले प्रधानमन्त्री ओलीलाई धन्यवाद दिए भने अर्का अध्यक्ष यादवले शंकाभाव प्रकट गरे ।

सुरुमा बोलेका याादवले गणतन्त्र, संघीयता, समावेशीतामाथि ग्रहण लाग्न लागेको आभास हुन थालेको बताए । वाम गठबन्धन एक्लैले झण्डै दुई तिहाई मत ल्याएको र आफूहरुले साथ दिँदा राष्ट्रिय सवालको समाधान हुन्छ, संघीय लोकतान्त्रिक गणतन्त्र संस्थागत हुन्छ भने लागेको उनले सुनाए ।

मंगलबार मात्र ओली निकट एक नेताले आफूलाई भेटेर प्रक्रिया अगाडि बढेको जानकारी दिएको भन्दै ठाकुरले भने, ‘सकारात्मक रुपमा प्रक्रिया अगाडि बढेको सुनेको छु । म प्रधानमन्त्रीजीलाई बहुत बहुत धन्यवाद दिन चाहन्छु ।’
तर यही सरकारले संघीय लोकतान्त्रिक गणतन्त्र नेपाल नलेख्नू भनेर परिपत्र गरेको, स्थानीय तह र प्रदेशको अधिकार केन्द्रीकृत गरेको यादवले बताए ।

उनीपछि बोलेका अध्यक्ष ठाकुरले भने प्रधानमन्त्री ओलीलाई पटकपटक धन्यवाद दिए । कतिपयले जसपा वा आफ्नो प्रधानमन्त्री ओलीसँग लगन गाँठो बाँधिएको हो भनेर प्रश्न गर्ने गरेको भन्दै उनले भने, ‘जुन दिन उहाँ प्राधनमन्त्री हुनुभएको छ, त्यसैदिनदेखि सरकारमा आउनुस् भन्नुभएको छ ।’

आफूहरुले भने मुद्दा फिर्ता, संविधान संशोधन लगायतका मुद्दामा ध्यान दिनुस् भनेको भन्दै ठाकुरले भने, ‘सांसद जेलमा छन्, मन्त्री र मेयरहरु तारेखमा छन् । यसले हाम्रा हातखुट्टा बाँधिएको छ । यसलाई फुकाउनुस्, त्यसपछि हामी विचार गर्छौं भनेका छौं ।’

मंगलबार मात्र ओली निकट एक नेताले आफूलाई भेटेर प्रक्रिया अगाडि बढेको जानकारी दिएको भन्दै उनले भने, ‘सकारात्मक रुपमा प्रक्रिया अगाडि बढेको सुनेको छु । म प्रधानमन्त्रीजीलाई बहुत बहुत धन्यवाद दिन चाहन्छु ।’

तीन पार्टी (कांग्रेस, माओवादी र जसपा) मिलौं भन्ने नेताहरुले भने पनि कसरी अगाडि बढ्ने भन्न नसकेको उनले बताए । आफ्नो सबैसँग भेट भएको भन्दै ठाकुरले भने, उहाँहरु जहिल्यै हाम्रो साथमा आउनुस्, गरौंला भन्नुहुन्छ । अहिले नै गर्छु भन्ने छैन ।’

शेरबहादुर देउवा र प्रचण्डसँग यसअघि पनि सहमति भएपनि कार्यान्वयन नभएकाले नगदमा चाहिन्छ भनेको उनले सुनाए । जसपा अध्यक्ष ठाकुरले अघि भने, ‘प्रधानमन्त्रीजी यहीँ हुनुहुन्छ । उहाँले आश्वासन दिनुभएको छ, कामकारबाही गराउनुभएको छ । स्वाभाविक छ उहाँसँग हाम्रो भेटघाट भइरहेको छ ।’

भर्खरै प्रकाशित

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…

मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान…

काठमाडौं । मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान थालेका छन् । अमेरिकाले विदेशी पर्यटकका लागि पनि सजिलै कोरोनाविरुद्धको खोप दिन थालेपछि…

रोनाल्डो र मेसी भन्दा दशौँ गुणा सम्पति, यी हुन् विश्वकै…

विश्वका धनाढ्य फुटबलको को होलान् ?  धेरैलाई मेसी, रोनाल्डो वा नेइमार भन्ने लाग्ला । तर, विश्वका धनाढ्य फुटबल युरोप वा दक्षिण अमेरिका नभएर एशियाका हुन्…

अनेरास्ववियुको राहत वितरणमा माओवादीले हस्तक्षेप गरेपछि

काठमाडौं । मेलम्चीमा राहत वितरणको विषयमा एमाले र माओवादी केन्द्र निकट विद्यार्थी संगठनबीच झ’डप भएको छ । नेकपा एमाले निकट विद्यार्थी संगठन अनेरास्ववियुले राहत वितरण…