किन चिनियाँ राजदूत यान्छीसंग भेट गर्न मानेनन् ओली ? यो पटक पनि समय नदिएपछि निरास यान्छी

काठमाडौँ- प्रधानमन्त्री केपी शर्मा ओलीले चिनियाँ कम्युनिस्ट पार्टीको सन्देश बोकेर आएकी नेपालका लागि चिनिया राजदूत होउ यान्छीलाई समय नदिएको खुलेको छ ।

दुई महिनादेखि प्रधानमन्त्री ओलीलाई भेट गर्न समय मागेकी नेपालस्थित चिनियाँ राजदूत यान्छीलाई यो पटक पनि समय नदिएपछि निरास बनेकी छन् । तीन दिन अगाडि मात्रै नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)लाई भेट्न पुगेकी यान्छीले प्रधानमन्त्री ओलीले समय नदिएपछि बुधवार प्रधानमन्त्रीका प्रमुख राजनीतिक सल्लाहकार विष्णु रिमालसँग भेट गरेकी छन् ।

प्रधानमन्त्री ओलीले समय उपलब्ध नगराएकाले रिमाललाई भेट गरेर ओलीलाई चिनियाँ कम्युनिस्ट पार्टीको सन्देश पठाएको बताइएको छ । नेपालमा कम्युनिस्टलाई बलियो बनाउने र भारतलगायतका देशहरूको प्रभावबाट नेपाललाई टाढा राख्ने भन्दै चीनले कम्युनिस्ट पार्टीहरूलाई साथ् दिँदै आएको छ ।

एमालेभित्रै अन्तरसंर्घष गरिरहेका बेला नेता माधव नेपाल र प्रचण्डसँग अलग्गै भेट गरी छलफल गरेकी यान्छीलाई पछिल्लो समय बालुवाटारले चासो नदिएको बताइन्छ ।

तत्कालिन नेकपा फुट नजिक पुगेका बेला चिनिया संदेश बोकेर आएकी यान्छीले ओलीले पद छाडेर भएपनि पार्टी एकता जोगाउन दवाव दिएपछि प्रधानमन्त्री ओली चीनसँग सशंकित छन् ।

चिनियाँ कम्युनिस्ट पार्टीले सकेसम्म नेकपा एमालेभित्रको विवाद मिलाउने मात्र होइन कम्युनिस्ट एलाइन्स (समीकरण)लाई बलियो बनाउने वा जोगाउने ठुलो प्रयत्न गरेको थियो ।

गत फागुन २३ मा सर्वोच्च अदालतले नेकपाको एकता बदर गरेर एमाले र माओवादी केन्द्रलाई ब्युँताइदिने निर्णय गरेपछि राजनीतिक सङ्कट गहिरिँदै गरेका बेला राजदूत यान्छीको सक्रियता बढेको हो। उनले नेपालका दुई कम्युनिस्ट पार्टी पूर्ववत् अवस्थामा फिर्केपछिको राजनीतिक घटनाक्रम, नयाँ सरकारको सम्भावना लगायत विषयमा केन्द्रित रहेर नेताहरूसँग भेटवार्ता गरेकी हुन्।

यान्छीले केहि समय अघि उपप्रधानमन्त्री ईश्वर पोखरेल र गृहमन्त्री रामबहादुर थापासँग पनि भेटघाट गरी कम्युनिस्ट पार्टीहरूबिचको समीकरण नटुटाउन आग्रह गरेकी थिइन। त्यसयता लगातार प्रधानमन्त्री ओलीलाई भेट्न खोजे पनि उनले समय पाएकी छैनन्।

भर्खरै प्रकाशित

फागुनमा सकिँदैछ मेयर शाक्यको पाँचवर्षे कार्यकाल, कहाँ पुग्यो नगरवासीले चढ्ने…

आजभन्दा चार वर्षअघि काठमाडौं महानगरपालिकाको मेयरमा चुनाव लड्दै गर्दा विद्यासुन्दर शाक्यले आफ्नो कार्यकालमा काठमाडौंमा मेट्रो रेल र मोनो रेल कुदाउने प्रतिवद्धता जनाएका थिए । मेयर…

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…

यी हुन् स्वास्थ्यमन्त्री शेरबहादुर तामाङले १९ दिनमा गरेको चार वटा…

काठमाडौं । पूर्वमन्त्री शेरबहादुर तामाङले आफूले स्वास्थ्य मन्त्रालय सम्हालेपछि गरेका काम सार्वजनिक गरेका छन् । बुधबार फेसबुकमार्फत मन्त्री तामाङले १९ दिनमा गरेको चार वटा कामको…

यूएईले अनुमति दिएका यी दुई खोप लगाएपछि मात्र प्रवेश अनुमति…

काठमाण्डौ । गएको वैशाख पाँच गते यूएईबाट बिदामा नेपाल फर्कनुभएका मोरङ बेलबारीका रमेशप्रसाद भट्टराईलाई कम्पनीले दिएको बिदा सकियो । ६५ दिनको बिदामा आउनुभएका उहाँ अवस्था…