डीआरएस बन्यो कानूनी रुपमा दर्ता हुने नेपालकै पहिलो पब्जी टिम

काठमाडौं । ‘द रियल्स सोल्जर्स’ (डीआरएस) गेमिङ कानूनी रुपमा दर्ता हुने नेपालकै पहिलो पब्जी टिम बनेको छ । नेपालमा आधिकारिक रुपमा दर्ता भएर पब्जी तथा ईगेमिङलाई व्यावसाियक रुपमा अगाडि बढाउन तम्सेको हो ।

यसक्रममा नेपालकै चर्चित फेसबुक पेज रुटिन अफ नेपाल बन्दका संस्थापक भिक्टर पौडेल समेत यो टिममा जोडिएका छन् । लगानी सहित भित्रिएका उनी टिमको प्रमुख कार्यकारी अधिकृत (सीईओ) को रुपमा रहेका छन् ।

‘विश्वमा पछिल्लो समय अनलाइन गेमिङले एकदमै राम्रो गरिरहेको छ,’ सीईओ पौडेलले भने, ‘त्यसैले नेपालमा पनि यसलाई व्यवसायिक रुपमा अगाडि बढाउन खोजेका हौं । पब्जीलाई मात्र नभएर हामी फिफा, काउन्टर स्टाइक जस्ता अरु अनलाइन गेमिङलाई समेत साथ दिने गरी अगाडि बढ्छौं ।’

पौडेलका अनुसार डीआरएसमा अनुबन्धित खेलाडीहरुको पारिश्रमिक र सेवा सुविधा फुटबल तथा क्रिकेट खेलाडीहरुको भन्दा कम नभएको दाबी गरे । यद्यपी उनले पारिश्रमिकको विषय स्पष्ट रुपमा खुलाउन भने चाहेनन् ।

सन् २०२० मा अशेष राई र रिजन खत्रीले स्थापना गरेको यो पब्जी टिम पहिलो वर्षमै पब्जी मोबाइल ग्लोबल च्याम्पियनशिपको यात्रा तय गर्न सफल भइसकेको छ । उक्त प्रतिस्पर्धामा टोलीले २० औं स्थान प्राप्त गरेको थियो ।

त्यस अघि डीआरएस राष्ट्रिय विजेता तथा साउथ एसियन चरणमा दोस्रो स्थान ओगट्न सफल भएको थियो । स्थापनाको ८ महिनामै अन्तर्राष्ट्रिय रुपमा परिचित यो टोलीले ४१ लाख रुपैयाँभन्दा बढीको पुरस्कार प्राप्त गरिसकेको छ ।

कार्यक्रममा बोल्दै कलाकार दीपकराज गिरिले रातभर गेम खेलेर छोरो बिग्रिने चिन्ता रहेकोमा अब भने आफू ढुक्क भएको बताए । ‘मलाई यो बिग्रिने कुरा मात्र हो भन्ने लाग्थ्यो,’ उनले भने, ‘तर डीआरएसको कुराले यसबाट पैसा कमाई गर्न सकिन्छ र व्यवसायिक रुपमा अगाडि बढ्न पनि सकिन्छ भन्ने लाग्यो ।’

डीआरएस कम्पनी रजिस्टारमा आधिकारिक रुपमा दर्ता भएसँगै पाँच जना खेलाडीलाई समेत अनुबन्ध गरेको छ । जसमा युगेन लामा (निन्जा), अजय श्रेष्ठ (एजे), निमा तामाङ (निमा), पेम्बा ग्याल्जेन लामा (ग्याल्जेन), अञ्जन राई (एआरबोरो) रहेका छन् ।

सङ्गिन भट्टराई टोलीको व्यवस्थापकको रुपमा रहेका छन् । टोलीका खेलाडीहरुलाई आवश्यकता अनुसार विदेशी प्रशिक्षकबाट समेत विशेष प्रशिक्षण गराइने बताइएको छ । टेकपानाबाट 

भर्खरै प्रकाशित

छुवाछुत आरोपी घरबेटीलाई शिक्षामन्त्री कृष्णगोपाल श्रेष्ठले आफै छुटाए, आफ्नै गाडीमा…

काठमाडौँ। शिक्षा, विज्ञान तथा प्रविधि मन्त्री कृष्णगोपाल श्रेष्ठले छुवाछुत आरोपी स्वती प्रधानलाईलाइ महानगरीय प्रहरी वृत्त सिंहदरबारमै गएर रिहाइ गराएका छन्। घर भाडामा नदिएकै कारण गिरफ्तार…

प्रकृतिलाई हामीले सम्मान नगरेसम्म प्रकृतिले पनि सम्मान गर्दैन : राजेश…

काठमाडौं । देशका विभिन्न जिल्ला बाढी र पहिरोबाट प्रभावित भएको छ। सिन्धुपाल्चोक र मनाङ जिल्ला यसबाट सबैभन्दा धेरै प्रभावित बनेका छन्। बाढी र पहिरोले घरहरु…

रुपा सुनारलाई कोठा भाडामा नदिने आरोपित रिहाई

काठमाडौं । जतका कारण रुपा सुनारलाई कोठा भाडामा नदिएको आरोपमा प’क्राउ परेकी सरस्वती प्रधानको रिहाई भएकी छन् । उनी बुधबार दिउँसो रिहाई भएकी हुन् ।…

सर्वोच्च अदालतको निर्णयप्रति एमाले नेता भीम रावलले दिए यस्तो प्रतिकृया

काठमाडौं । एमाले नेता भीम रावलले पार्टी अध्यक्ष एवम् प्रधानमन्त्री केपी ओलीले गरेका घात र बेथितिलाई सर्वोच्च अदालतले खारेज गरेको बताएका छन्। मंगलबार सर्वोच्च अदालतले…

पदमुक्त भएका मन्त्रीलाई प्रधानमन्त्रीले भने: ‘निवास छाडिहाल्नुपर्दैन, झण्डा छोपेर गाडी…

काठमाडौं। सर्वोच्च अदालतको अन्तरिम आदेशसँगै १८ मन्त्री र दुई राज्यमन्त्री स्वतः पदमुक्त भए पनि प्रधानमन्त्री केपी ओलीले तत्काल निवास छाडिहाल्नुपर्ने अवस्था नभएको बताएका छन्। सर्वोच्च…