प्रधानमन्त्री केपी शर्मा ओली राजनीतिक जीवनकै सबैभन्दा ठुलो घेराबन्दीमा

प्रधानमन्त्री केपी शर्मा ओली राजनीतिक जीवनकै सबैभन्दा ठुलो घेराबन्दीमा परेका छन् । दुईपटक आफूविरुद्धको घेराबन्दी तोड्दै सत्ता संकट टारेका ओलीलाई यसपटक भने निकै ठुलो चुनौती छ ।

ओली यस्तो घेराबन्दीमा छन् कि कुनैपनि बेला उनको सत्तामाथि छापामार शैलीको प्रहार हुनसक्छ । नेकपा एमालेभित्र ओली घेराबन्दीमा छन् । नेपाली काँग्रेस, माओवादी केन्द्र र जनता समाजवादी पार्टीबाट पनि ओली घेराबन्दीमा परिसकेका छन् ।

एमालेभित्र माधवकुमार नेपाल, झलनाथ खनाल र बामदेव गौतमले ओलीलाई घेराबन्दीमा पारेका छन् । यी तीन नेता मिल्दा ओली पार्टीभित्रै अप्ठ्यारोमा पर्न सक्छन् ।
काँग्रेस, माओवादी केन्द्र र जसपाको ओलीविरुद्ध समिकरण बन्ने सम्भावना बढ्दै गएको छ । तीनवटै दल मिलेर ओलीलाई घेराबन्दीमा पार्ने माहोल सृजना गर्दैछन् । ओलीसँग तीन दल एकढिक्का भएर लागेमा कठिन परिस्थिति आउन सक्छ । उनको सत्ता ढल्न सक्छ ।

ओलीसँग अब घेराबन्दी तोड्ने केही विकल्प मात्र बाँकी छन् । नेकपा एमाले एकजुट बनाउने र माओवादी केन्द्रसँग सहकार्य वा एकता गर्ने विकल्प हुनसक्छ । त्यसका लागि उनले प्रधानमन्त्री पद त्याग्नुपर्छ जसमा सहमत छेनन् । प्रधानमन्त्रीमा कायमै रहेर माधव नेपाल र प्रचण्डलाई साथ लिने सम्भावना असम्भवप्रायः देखिन्छ ।

नेपाली काँग्रेसकै साथ लिने आशा पनि ओलीलाई छ । निर्वाचनमा जाने सर्तमा त्यो केही सम्भव हुनसक्छ । तर, काँग्रेसभित्र ओलीलाई समर्थन गर्ने विपक्षमा माहोल छ । काँग्रेसलाई सरकारको नेतृत्व दिएर ओली अगाडि बढ्ने अन्तिम अस्त्र पनि हुनसक्छ । त्यस्तो समिकरणको विपक्षमा काँग्रेस वरिष्ठ नेता रामचन्द्र पौडेल देखिएका छन् ।

जनता समाजवादी पार्टीको साथ लिने ओलीको रणनीति देखिन्छ । तर, जसपा ओलीसँग मिलेर जान तयार छैन । जसपालाई सरकारको नेतृत्व दिएर ओली अगाडि बढ्ने विकल्प पनि छ ।

घेराबन्दी तोड्ने अर्को विकल्पमा जसपा विभाजन गराएर अघि बढ्ने पनि हुनसक्छ । तर, जसपा विभाजन हुने सम्भावना कमजोर छ । यसरी ओली चौतर्फी घेराबन्दीमा छन् जसलाई तोड्न सजिलो छैन ।

भर्खरै प्रकाशित

‘प्लस टु’ सञ्चालन गर्दै गुरुकुल एकेडेमी, राम्रो अङ्क ल्याउने विद्यार्थीलाई निशुल्क…

घोराही।  दाङको घोराहीमा रहेको गुरुकुल एकेडेमीले चालू शैक्षिक वर्षदेखि कक्षा ११ र १२ सञ्चालन गर्ने भएको छ। जिल्लामा गुणस्तरीय शिक्षणसंस्था रुपमा स्थापित भएको गुरुकुल एकेडेमीले…

निषेधाज्ञामा होटल खोल्नेलाई चार लाख जरिवाना तिराइने

काठमाडौं जिल्ला प्रशासन कार्यालयले निषेधाज्ञाको समयमा होटल खोल्ने संचालकलाई चार लाख रूपैयाँ जरिवाना गरेको छ। काठमाडौं महानगरपालिका वडा नम्बर ११ त्रिपुरेश्वरस्थित युनाइटेड बिजनेश होटलका म्यानेजर…

अब जुम्लामा एमबीबीएस पढाइ हुने : २५ सिट दिने आयोगको…

जुम्ला। अब जुम्लामा चिकित्सक उत्पादन गर्ने बाटो खुला भएको छ । कर्णाली स्वास्थ्य विज्ञान प्रतिष्ठान जुम्लामा चिकित्साशास्त्रको स्नातक तह (एमबीबीएस) कार्यक्रम सञ्चालन गर्न स्वीकृति प्राप्त…

‘पहाडे समुदायलाई पनि मधेश सरकारमा राख्नु’ : प्रदेश प्रमुख झा

जनकपुरधाम । प्रदेश नम्बर २ का मुख्यमन्त्री लालबाबु राउत गद्धीलाई मन्त्रिपरिषद समावेशी बनाउन भन्दै प्रदेश प्रमुख राजेश झा अहिराजले पत्र लेखेका छन् । प्रदेश २…

निषेधाज्ञाकै बीचमा आकर्षण बन्यो रूखमाथि बनेको ‘घर’

० जेठ, तनहुँ । निषेधाज्ञाका बेला जिल्लाका पर्यटकीयस्थल यतिबेला सुनसान छ । तर म्याग्दे गाउँपालिका-२ स्थित ज्यानटाङ सामुदायिक वनमा निर्माण गरिएको रूखमाथि बनेको घरले भने…