ब्राजिलले पनि दियो चिनियाँ कम्पनी ह्वावेलाई झट्का

काठमाडौं । ब्राजिलको सरकारले आफ्नो प्राइभेट कम्युनिकेसन नेटवर्कको उपकरण आपूर्तिमा ह्वावेलाई रोक लगाउने भएको छ । फाइभजीमाथि काम गरिरहेको संसदीय कार्यदलको मंगलबारको सार्वजनिक सुनुवाईमा सञ्चारमन्त्री फेबियो फारियाले त्यस्तो निर्णय सुनाएका हुन् ।

आगामी दिनमा हुने फाइभजी अक्सनका विजेताहरुले सेटअप गर्ने उक्त सरकारी नेटवर्क परियोजनाका लागि ह्वावे उपयुक्त नभएको मन्त्री फारियाले बताएका हुन् । मन्त्रीका अनुसार ब्रजिलियन दूरसञ्चार संस्था एनाटेलले तय गरेको आधारभूत आवश्यकतालाई ह्वावेले पुरा नगर्ने हुँदा त्यस्तो निर्णय गरिएको हो ।

त्यसो त जेर बोल्सोनारोको सरकारले ब्राजिलभित्र कुनै पनि संस्था वा मुलुकलाई व्यवसाय गर्नबाट रोक लगाउँदैन । तर सरकारले केही मापदण्डहरु भने तय गरेको छ । कुनै पनि आपूर्तिकर्ताले ब्राजिलको कर्पोरेट गभर्नेन्स नियमको पालना गर्नुपर्छ ।

फरियाका अनुसार ब्राजिल सरकारले हालै फाइभजी उपकरणका मार्केट लिडरहरुको मुलुक र सरकारहरुसँग भेट गरेको थियो । उक्त यात्रामा ह्वावेले सरकारी नेटवर्कका लागि उपकरण आपूर्ति गर्न खासै अभिरुचि नदेखाएको ब्राजिल टोलीले पाएको मन्त्री फारियाले बताए ।

सो टोलीले नोकिया, इरिक्सन ह्वावे र एनईसीजस्ता ठूला कम्पनीहरुको भ्रमण गरेको थियो । भ्रमणमा ती सबै कम्पनीहरुले साइबर सुरक्षामा भारी लगानी गरेको पाइएको थियो । यद्यपि ती उपकरणहरुमा सुराकीका सिस्टमहरु पनि सम्मिलित गराएको हुनसक्ने कुरामा ब्राजिल सरकारको आशंका छ ।

तर ब्राजिल सरकारको पछिल्लो वक्तव्यपछि ह्वावेले आफूले ब्राजिलमा पारदर्शिता र नियममा रहेर २३ वर्षदेखि काम गर्दै आइरहेको बताएको छ ।

गत जनवरीमा मात्र ब्राजिलमा फाइभजी कार्यान्वयनका लागि ह्वावेले पूर्वराष्ट्रपति तथा संवैधानिक कानूनी प्राध्यापक तथा अधिवक्ता मिकेल टिमरलाई आफ्नो संस्थामा आबद्ध गराइएको थियो ।

संयुक्त राज्य अमेरिका र कतिपय युरोपेली मुलुकले चिनियाँ कम्पनी ह्वावे प्रविधिमाथि प्रतिबन्ध लगाएका कारण ब्राजिलले के निर्णय गर्ला भन्ने जिज्ञासा धेरैकाे थियाे ।

भर्खरै प्रकाशित

भारतमा साधु ‘बाबा’ को अवतारमा पूर्वप्रधानन्यायाधीश दामोदर शर्मा !

काठमाडौं । यो तस्बिर कस्को होला ? झट्ट हेर्दा यो तस्बिर पशुपतिको कुनै सन्यासी/जोगीको जस्तो लाग्छ । तर, होइन यो फोटो अहिले सामाजिक सञ्जालमा भाइरल…

मेलम्ची : जब पाँच गोदाम खाद्यान्नका मालिक भोकै भए…

मेलम्ची । मेलम्ची बजारको उत्तरी छेउमा अवस्थित एक खाद्यान्न पसलको भुइँमा बीस प्याकेट तोरीको तेल सुकाइएको छ । छेउमा ६१ वर्षीय ज्ञानेन्द्र श्रेष्ठ झोक्राएर बसिरहेका…

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…

मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान…

काठमाडौं । मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान थालेका छन् । अमेरिकाले विदेशी पर्यटकका लागि पनि सजिलै कोरोनाविरुद्धको खोप दिन थालेपछि…